DANIEL 2:23 - BAIBEL (BSI)

²³ Nipuasu Lhou akishe agigihupe otsu ani. Nono alokutsu eno akumto itsuke; nono akighini khochiletsu eno akukau vilo kiu pikepu keno nipiyesu tsue.”

Sumi Naga CL (Re-edited) Bible (BSI)

²³ O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

DANIEL 2:23 Referans Kwoze

DANIEL 2:18

Pano pa kusamiqo vilo kungulo kuau Alhou vilo kimiye tsulopi inikhu lepive. Pa vilo kusupuakeu piyesutsu penike akighini shilopi, Babilon lo akukau gholo alokutsumi heqhikhave nikeu shi akeu lono panongu kuxu xalu tsupeni kehu.

IPEKULU 3:15

Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani.

Luke 10:21

Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

MATTHEW 11:25

Tipau tuqhulo Jisu no ishi pi, “O Apuo, kungugha eno ayeghi shou Ampeu, ino oshikimthi ani, kughengu nono alokutsumi eno ithikuthuluve kemi launo hipaqo vehu kusupe qhive eno kumthami lau pephepiyeke.

AMUS 3:7

AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.

DANIEL 1:17

Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

LESHELE 50:14

Shikimthi keu pesu Alhou lau aghashipe mllalo, eno Akughushuu lau piqhivekeu hu kumtsu shilo.

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

Piyeküsü 5:5

Tileno muchomi gholo lakhino ivilo ishipi, “Qakevilo. Julo, Juda shiyeh Abongushuu, David laghami huno theqhikulushi toluvae, eno pano mekhakeu supho puzu likuzu kaku lhaphelu nanike.”

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

John 11:41

Ikelo panonguno atuqu ikhive. Tile Jisu no kunguu jupuku puzu pi, “Apu, ino oshikimthi akeuno nono ino pikeu initsu cheni.

YETSAPIU 9:18

Alokutsu no aghunanu nguno alau akivipu shicheni, ikemu axinemi lakhino akivipu kutomo shipusave chenike.

YETSAPIU 7:19

Alokutsuno timi lakhi pelo ayehkipemi chighino aphughi lakhi ghenguno mlalu akeu nguno akiviu shi mlalupe cheni.

AHOLE 24:5

Alokutsuye akumto nguno akiviuke; iye, akighithiye ashi aji kumto nguno akhotouke.

AHOLE 21:22

Amuqukini ghushimi atou ye akumtomino aphughi kheaghi namu leluve nani eno tipaqono pukhuchekeu liwo ghi kutsapinyive nani.

AHOLE 8:14

Ino kughuphe no tipaqo shiwo cheni. Niye vethakulu eno akumto ani.

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

YEKIKITHI ATUGHIU 29:13

Itehi, ningu Lhou, ninguno oshikimthi anie eno ninguno ojukuvupu je she anie.

YEKIKITHI ATUGHIU 29:10

Akukau David no aqo kuho akemi kumtsu zulono Alhou she. Pano pi, “Ningu puasu Jakob wu AMPEU Alhou, timi kumtsu pelo alhokupuju oshe achepelo!

KUKAMI ATUGHIU 18:36

Avela ghakishi kumlla tuqhudo tovekethiu Elija no akumlla kiptia lo ighino inikhu, “O AMPEU, Abraham, Isak eno Jakob Lhou, Noye Israil Lhou eno niye oqeu eno ozah kutsu lono hipaqo shi akeu panongu pelo noye Alhou kepi ithi kulupu shi pephe piyetsulo.

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

BOTHUBO 18:17

Ike AMPEU no palikhi pa lolono ishi pi, “Ino kiu shiniye anikeno Abraham launo niye kusuvemlae.

John 15:15

Hinguno hilauye niye nongu pesu aqemi ipimae kughengu aqemi lakhiye pa mipeuno kiu shicheni kela mthae. Ikemu niye nongu vilo shompami kepi kuni kughengu iPuh lau ino chilukeu tsa kumtsu nongu vilo pivae.

YETSAPIU 9:16

Ino pulhapuju piache keuno alokutsuno akumto nguno akiviuke, ikemu timi khunomu kumlhomi lakhiye alokutsu kepi kumsulumoe momu pano kiu pikeno tipaulo amlo tsuchemoe.

BOTHUBO 31:42

Ipu Lhou Abraham Lhou eno Isak no mlla chekeu Lhou no igholo acheke ghenguno thono noye kuchouno a-u kumsa ipuwoveni cheke. Ikemu Alhou no iwu shiluksa ithulu eno ino kiu mlakeno ithulu puzu, iji putho lono olomi pike.”

LESHELE 21:2

Nono pano kumsu mine akeu pesu pa tsue, pano qhuiniju khukeu suchilevemoe.

LESHELE 21:4

Pano ovilo akuxupu khu, nono tipau pa tsue, axukushu alhopushu tsue.

JEREMIYA 33:3

“Ikulo eno ino okhochile nike; akumzapu ngo akichiqhi kepu thime nono kitilamu mthano achekeu pesu ino ovilo pinike.