DANIEL 2:21 - BAIBEL (BSI)

²¹ Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

Sumi Naga CL (Re-edited) Bible (BSI)

²¹ Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:21 Referans Kwoze

DANIEL 4:17

Hiye tsukhu tsuvai, kutokupui keu kungumi huno xakutha shitsu keu tsake. Tishi pive keu vechewo ayeghi qhalo timi kumtsu pelo akuka kua Lhou ye timi kukaphu shou ghi akuka ani kena ipi ithipeniye ke eno khuu pelo akukau shipeni keno pa gho lono akhoto kumomi shi aghi pimu kishe cheni.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 4:32

Noye timi qo-aho gholono ohapheveni ake, aghalo tughashiqo gholo acheuve nani eno ampe tsuni dolo amshitsu toi atsuni muzachughi itsucheuve nani.”

JOB 12:18

Kukami wu akichhe kighi pano kuqhovetsu cheni, akichhe kighi pesu panongu chitalo khatsuno akughulo sawuvepe cheni.

KUKAMI ATUGHIU 4:29

Alhou no alokutsu eno ithipili kulu kighithi mighi khakumla pushi eno akukumsu kuthokuzu azughi mukulo asaye jehi pesu Solomon tsu.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

KUKAMI ATUGHIU 3:28

Kughou Israilmi no Solomon xakutha hipau chilukeno kumtsuno Solomon akiqheu lono asukumsa pa tsulu, kughengu Alhou lokutsu pa lolo akeu vechewo ighono shikusa kukupuna akeu achipi lono xathavetsuke.

IPEKULU 31:3

eno ino ighungu pesu pa shou lepukuve tsuake. Vethakulu, phui thaikeu eno atshamgha shitsa shi shithikepu,

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

DANIEL 2:9

aghime nongu tsu nani kehu tipau kumusa lono ado peve aghini cheni. Nongu dolo kusuqeveno akimki tsa piake lono ado puwove nikeu shi ani. Itehi isamo kiu pumo keno ivilo pive paghilo, tileno nonguye isamo kiqi achipilo pilu nani kemo keno ithiveni kehu”

YEKIKITHI ATUGHIU 22:12

AMPEU oLhou pelo ololo alokutsu sutsuno Israilmi shou pa yehza kiqi lono ayehpelu peniu.

KUKAMI ATUGHIU 10:24

ikehu ayeghiqha kumtsu lono ighino Alhou no pa tsukeu lokutsu ghili iniju anishiche.

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”

DANIEL 11:6

Ampe kutomo dolo Ijip lo akukauye Siriya lo akukau sasu kuqhape xunike ghenguno pukaputsa nani eno pa nga ghi kughape pa kilo xupuu nani. Ikemu panongu dolo kuqhakulu kushowo womo nani, eno pa nga, li kimi, li nuliqo eno aqemi li gholo sawokemi kumtsu heqhi khave nani.

YEKIKITHI ATUGHIU 29:30

Yepe qhikeu lono paye kishi ayehpe chekeno paye kiu toi akumto keno eno pa lau kiu shikeno kumtsu Israilmi lau eno tipau kumxa kuka phughiqo kumtsulo kishi achekeno yepe qhikeulo anie.

IPEKULU 31:6

Ino itaghi Dan lagha lono Ahisamak nu Oholiab kishelu puzu Bezalel gholo mlapeni keu shivae. Atshamgha shikithimi kutamiqo ghi shitsa shi shikulupu ino tsupani tishianguno ino mlalopi ahza hipaqo tsukeu kumtsu panonguno mlalu nanike:

ESTHER 1:13

Akukauno amlo shimoveno pa gholo akighithimi sasu kuptsa kughengu timi tipaqoye aghuloki ghili eno Persia yeghilo yezahqo ithikemike eno akukauno panongu shou pulube chekemike eno timi tipaqoye, Karshena, Shethar, Adnatha, Tarshia, Meres, Marshena eno Memukan noqoke. Media ngo Persia yeghiqhalo pano tsunino ighono kije shi achekeu likhi kumono akukau kusamiqoke.

Rommi 13:1

Timi kumtsuno yepeka yehkipe qholo aghokulu shipelo. Kughengu Alhou launo kumoaye khuno yepeka mu ngosu mlae, eno itodolo aghikeu yehkipe huye Alhou no qhipe puanike.

DANIEL 1:17

Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

DANIEL 2:20

“Alhou ye shishe alokutsu eno akumtou;

DANIEL 2:23

Nipuasu Lhou akishe agigihupe otsu ani. Nono alokutsu eno akumto itsuke; nono akighini khochiletsu eno akukau vilo kiu pikepu keno nipiyesu tsue.”

DANIEL 10:1

Cyrus akukauno Persia lo kakeu ampe akuthuu shi akelono, asutsa lakhi Danel vilo pi, pa je kutau Belthashazar ghi kucheni. Asutsa tipauye kuchou ikemu ithi nike ighono sho. Tipau kungunhetsu lono hephope pa piye.

DANIEL 4:14

Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

DANIEL 4:22

“Akiqheu, asubo chuqu mughai eno ighono akumtoshi ithulu akeuye no ampeuke. Nono kije shi thuu iku atsutsu toke eno okukano ayeghiqha kumtsu chhitoike.