DANIEL 12:6 - BAIBEL (BSI)

⁶ Pama dolo lakhino kungumi lakhi aghokiti ahuu kudau puthugho akeu vilo iniju, “Akichiqhiyi kepu hiye ado khitohi kutolo ano ashekha shive nani kya?”

Sumi Naga CL (Re-edited) Bible (BSI)

⁶ Eno kütami lakhi no milakhi aphi kümtsha pepusü aghoki zü shou akeu vilo pi, “Akümzapu hipaqo kishekhani keu ye ado khitohi lunani kea?”

DANIEL 12:6 Referans Kwoze

DANIEL 8:13

Tilehino kungumi lakhino pa kusau vilo iniju akeu ino chilu. “Kungunhetsu lono ithulukeu hipaqo ado khitohi kuto anani kepilae? Ado khitohilo axine huno tsalakipe ghiqhino mllachekeu zuqhulo anani kepilae? Ado khitohilo kungughalo ghushimiqo eno achineki apukhuno nedape anani kepila?”

EZEKEL 9:2

Paikhavino Achineki khagho ahuu kudau akeu khalau kudauno timi tsugho ighi, milakhi khino aghunanu lakhi pesu ighi. Panoqo gholo timi lakhi aphi kumtsha upuzu yepuku kepu kiukela pesu che. Panongu kumtsu ighi puzu agho kiptia phivilo puthugho.

DANIEL 8:16

Asutsa lakhi, Ulai ghoki lono kukeu chilu, “Pano kiu ithulu keno Gabriel, nono tipau pa vilo pitsulo.”

Piyeküsü 19:14

Kungughalo ghushimino khurshi akimiyeqo shou iku puzu phepheyikeu phi akimthe metsughoikeu pepuno pa papeche.

Piyeküsü 15:6

Kungumi tsuni pusa ashekhau tsuni peakeqono achineki lono ipeghi. Panonguye tsughukhuyi mulapuyikeu phi pepuae, eno shunayino shikeu akichhekighi pesu panoqo mla khapu ae.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

Ephesiami 3:10

tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke.

LESHELE 74:9

Niw akimthe michi shipuakeu kumtsu kuhavae; tungkupmi lakhimu ghumovae, eno khitohi titoi anani keno milakhinomu mthae.

MATTHEW 24:3

Jisu no Oliv toghilo iqa akelo, akhopemino lomo shighi pa lau ighi eno ishi iniju, “Kughono hi shini cheni keno nivilo pitsulo eno nono ighinikeu ngo hipa yeghi aghuloki shekha shini kelo kiu michipu shi nani kya?”

Mark 13:4

“Hiye kughono tishiveni cheni keno nivilo pitsulo, hipaqo thwokha shikupuni kelo kiuno amchipu shi nani kya?”

DANIEL 12:5

Tileno timi kini aghoki muku hukukuu lakhi hikukuu lakhi ishi puthugho aghikeu ithulu.

DANIEL 12:8

Pano kiu pikeno ino chilu, ikemu tipau ivehu izuve, tighenguno ino pa vilo iniju, “Ikemu akijeu hipaqo kishi kishekha nani kya?”