DANIEL 11:11 - BAIBEL (BSI)

¹¹ Tipauno Ijip lo akukau mlo shikighideve tsuno Siriya lo akukau sasu aghushino Siriyami ghushimi kutomo kughaluve nani.

Sumi Naga CL (Re-edited) Bible (BSI)

¹¹ Tileno apeu kükau ye axuideve no ahuu kükau sasü küpüghüni ye ighi nani. Eno pa no aqokitikhi kije lakhi saphe nani, ikemu tipau ye tomlave nani.

DANIEL 11:11 Referans Kwoze

DANIEL 8:7

Ino paju akelono bheritsu heqhiniye mujo. Paye ighono axuide pa heqhino akibo kini hechhe pini vetsu. Bheritsuye akuka kuhano anetsu mujomula mithe. Pa kughape ayeghilo shodaveno pa pukhupe qoda amu tile khunomu pa sukho tsunikemi kuhave.

DANIEL 11:5

“Ijip lo akukauye akumto anani. Pa gholo Zahtsuu dolo lakhiye panonguno akumtou shino pa kukaphu nguno akijeulo ka nani.

DANIEL 11:44

Tileno asutsa akithe lakhi kipela kudau eno ahuu kudauno ighikeu chiluno ighono msave nani, tileno kumsapu shi aghushi puzu timi kutomo heqhive nani.

DANIEL 2:38

Pano opelo ayeghiqhalo akemi kumtsu shou eno ashiaghau shou ghi akukau shilupe. Akutsu shunano shikeuye noke.

JEREMIYA 27:6

Ashiayeh hipaqo kumtsu pesu iqeu, Babilon kukau Nebukadnezar kuka qholo qhitsu keuye inoke, tughashi ghi pa qepeni keushi ino qhitsuke.

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

KUKAMI ATUGHIU 20:28

Tungkupumi lakhino akukau Ahab lau wuno pi, “Hiye AMPEU no pi ani: Siriyamino niye atoqo lhou eno aqa lhouye kumoe ipi anike ghenguno, pano wu ghushimi kutomo shou opelo toluvepeni eno tishikeu lono noghi eno iwu timiqo ghi niye AMPEU ke ipi ithilu nani!”

KUKAMI ATUGHIU 20:13

Tishi akelono, tungkupumi lakhi akukau Ahab lau ighino pi. “AMPEU no pi ani, ‘Ghushimi kutomo akeu msakevilo! Ino ishino tipaqo shou tolupenike otsu nani, tishikeu lono nono niye AMPEU kepi ithi nani.’ ”

DANIEL 11:12

Pano tolukeu jupe qheza nani eno ti pano ghushimi kutomo heqhi lukeu ghenguno, ikemu paw tokuluye ado kusho womo nani.

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.