DANIEL 10:1 - BAIBEL (BSI)

¹ Cyrus akukauno Persia lo kakeu ampe akuthuu shi akelono, asutsa lakhi Danel vilo pi, pa je kutau Belthashazar ghi kucheni. Asutsa tipauye kuchou ikemu ithi nike ighono sho. Tipau kungunhetsu lono hephope pa piye.

Sumi Naga CL (Re-edited) Bible (BSI)

¹ Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 10:1 Referans Kwoze

DANIEL 8:26

Kungunhetsuno ithukulu hi inaqhe eno avelau ghiqhipe mllakeu ghili kiu ino hephopiyeve keno tipau kuchouno shikupu nani ikemu ado kushuwa chephike kusupe qhi puaghilo.”

DANIEL 6:28

Danel ye Darus kuka ghulokilo eno Persiami Cyrus kuka ghulokilo ajekipi shi xucheke.

DANIEL 1:21

Persia lo akukau Cyrus no Babilon leve moke kutolo Danel ye akukau kughaki lo acheke.

DANIEL 1:7

Akukau qholo atouno panoqoye hitoi kukidevetsu, Belthashazar, Shadrak, Meshak eno Abednego.

DANIEL 1:17

Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

Piyeküsü 19:9

Tileno kungumi huno ivilo ishipi: “Hipau yepe qhilo. Bheriti wu kulakupu ghulhulo khunoqomi kusuni keno tipano kumghae.” Pano ivilo highi pi, “Hipaqoye Alhou tsa kuchouke.”

DANIEL 12:9

Pano khochile, “Noye itehino wovemasae, Danel, kughengu atsa hipaqoye ashekha tsala ighimoke kutolo kusu pua masake.

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

DANIEL 5:17

Danel no khochile, “Agho tipauye osalashi qhipuavelo momu timi khami tsuvelo. Ino phipe akiqheu piyeni kiu yepuani keno eno kiu kiqi kela tighi ovilo pitsuni.”

DANIEL 2:21

Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

EZRA 6:14

Tithiuno Judami sakiphemino pano kumla mlakibe luve eno panonguno tungkupu Hagai ngo Ido nu Zakharia no pikeu huno panongu mlo shikuloghive. Achineki ye Alhou no ahza kutsu toi eno Persia lo kukami Cyrus ngo Darus eno Ahaserus noqono ayezah puwukeu toi shiqhiluve.

EZRA 6:3

“Akukatou Cyrus no kawo ampe lakhi shi akelo Jerusalem lo Judami no heqhino piti mlla chekeu Alhou ki hu akiqhelau miter mukutsuni akijelau miter muku tsuni shikitheve penike ahza tsuvae.

EZRA 4:5

Panoqono Persia lono kijemi ighikeqo zuizaveno panoqo kumla lakha auvepe. Timi tipaqono Cyras yehkipe ghuloki lono Darus yehpe ghuloki kutolo akumla vekukhatsu ache.

EZRA 4:3

Ikemu Zerubabel ngo Joshua eno Judami sakiphemi kuqhano khochile pi, “Moe, nonguye hipau kumlalo nongu saje kuhae. Israilmi Lhou chinekiye akukau Cyras no ahza tsuketoi Israilmi ninguno shi nani putsae.”

YEKIKITHI AKINIU 36:22

Persia lo Cyrus no akukatou shikeu ampe atughiulo AMPEU no tungkupu Jeremiya vechewo kiu pi puakeno pano kuchou shi ighilu peke. Pano Cyrus hakite puzu ahza hipau tsu eno akiye lono tsupuwuno pa kukaqha kumtsulo tipau asheshu ghi phisupe:

BOTHUBO 41:32

Farao no ghuthu kini pumoide keu kiqi huye tipau shini putsakeu shi ghi Alhou no kughuva, eno kushuwa womono Alhou no ti ighipeni chenie.

Luke 1:20

Julo, hi kumtsu shikupu moke tsala kutolo noye atsa pilumono inaqhoive nani, kughengu ado achipi lono shikupuniye akeu itsaqo nono pulumoe.”

DANIEL 11:2

Itehi kiu ovilo pinikeno tiye kuchouke.” Kungumino pi, “Hinguno alau kukami kuthuno Persia lo ka nani, pashelo abidiuno ka nani eno paye azuu kukami kuthu nguno kinikulu shi nani. Pa kuka akumgha awole shi ake dolono Grikmi kukaqha khu nani.

DANIEL 8:16

Asutsa lakhi, Ulai ghoki lono kukeu chilu, “Pano kiu ithulu keno Gabriel, nono tipau pa vilo pitsulo.”

DANIEL 5:12

Timino shilu chemo keu shikulupu, alokutsu, asamo pikulupu, ahole tsa kighithi eno tuqhou thime kighithi pikulupu anike, ike Danel hu kusaghilo, khuu Belthashazar ipi akukauno aje kukideve tsukeno, hipaqo kiqi kumtsu kughape ovilo pive tsu nani.”

DANIEL 4:8

Pa shelo Danel no ighi (pa je Belthashazar ghi kucheni nilhou je kiqi lono). Akimthe lhou ghungu pa gholo achenike ike ino kiu pumo lukeno pa vilo lhe. Ino pa vilo pikeuno:

EZRA 3:7

Panonguno atu eno asu kumlamiqo pisa tsu eno akuchu kushopu ngo oliv teli pesu Tur ngo Sidonmi tsupuwu no kedarsu Libanon lono puighitsu penike kilhishove eno azughi vechesu Jopa lo pu ighi tsu penikeu shi, hipaqo kumtsu akukau launo ahza lupuzu shike.