BOTHUBO 9:3 - BAIBEL (BSI)

³ Ithakiche lhoxu kumtsu nongu chuqupu shilu nani, ino puzuu ayetsuni nongu tsuke toi, hikumtsu nongu tsu anie.

Sumi Naga CL (Re-edited) Bible (BSI)

³ Ithakiche lhoxü thaqhü no o chuqupu shi nani. Eno I no ayetsüni nongu tsüve ketoi thokha kümtsü nongu tsü ani.

BOTHUBO 9:3 Referans Kwoze

Rommi 14:14

Ino Ampeu Jisu sasu kimepe akeu lono mutsuqhei ithilupe akeuno kiumu pa kutoshiye mithemokeu kumoe; ikemu timino kiukiu namu mithemoke ipi kumsu aye, tiye pa ghenguno mithemokeu shivae.

ZAKINIU 12:15

“Ikemu nonguno khile xuni keno tipa-a lono notsuaqu heqhino chulu nani. AMPEU no nongu tsukeu khijehi chunishi keno chulu nani. Achinelo mithena mithemo namu nongu kumtsu aqhu ashe shi chuke toi tipaqo chulu nani.

1 Kor. 10:31

Tighenguno, nonguno chuna, shona momu kiu kiu shiepinamu kumtsulo Alhou jukuvupu ghenguno shilo.

Kolosiami 2:16

Tighenguno timi khuu pelomu chuqu kusho tiqhetini tsala pinyikeu aqhi kithe pinyikeu momu Sabat pinye ghenguno nongu shou ayezah betha pekevilo.

1 Kor. 10:23

“Thwokha kumtsu shilu nani thono” ipi picheni, ikemu thwokha kumtsu akivike kumoe. “Thwokha shilu nani thono ikemu thwokha kumtsuno xaqhelu chemoe.”

Rommi 14:3

Khuno thwokha chulu chenikeno paye thwokha chumokemi jukunatha kepu kumoe momu ayetsuni likhi chuchekeu huye thwokha chuchekeu shou kughathabe kepu kumoe; kughengu Alhou no pa ikhiluvae.

ACHINE 22:8

Paye lhoxu kiu kiu namu alikhi akutoshino thive keu shi momu tughashi kutauno tsuvekeu shi chukevilo; tipauno pa pelo mithemovepe nanike. Niye AMPEU ke.

Rommi 14:20

Achuqupu ghenguno Alhou no mla puakeu kutsave kevilo. Achuqupu thwokha chuluvike, ikemu kiuala chukeu lono kutamino axinelo ikiqivekepu shiaghiaye tiye achipi kumoe.

Rommi 14:17

Kughengu Alhou kukaqhaye kuchu kusho vehuke kumoe ikemu Aghungu Kimthe no tsukeu mikucho ngo alakishi eno alokivi ishie.

BOTHUBO 9:2

Ayeghilo tughashi aghau, ayeghi shou itikiche lhoxu eno azughilo akeu akha kumtsuno nongu msaighu ghi xunani. Panongu kumtsu ogholo apeni keu shi pephetsu anie.