BOTHUBO 9:2 - BAIBEL (BSI)

² Ayeghilo tughashi aghau, ayeghi shou itikiche lhoxu eno azughilo akeu akha kumtsuno nongu msaighu ghi xunani. Panongu kumtsu ogholo apeni keu shi pephetsu anie.

Sumi Naga CL (Re-edited) Bible (BSI)

² Ayeghi shou tüghashi tikishi, atsütsü lo aghau, ayeghi lo itikiche, eno azü lo akhaqo kümtsü no o sümsa eno ichikeu anani. Tipaqo ye o u lo süve tsüae.

BOTHUBO 9:2 Referans Kwoze

James 3:7

Lhoxu jeli, aghau, itikiche, azulo lhoxu kumtsu chhikughuvulu cheni eno timino chhikughuvue,

BOTHUBO 1:28

Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.”

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

EZEKEL 34:25

Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.

ACHINE 26:6

“Ino noyeghilo iquneikeu tsu nani, eno nonguye kiumu msamono zuhulu nanike. Ino ayeghilo kumsa kimshipu lhoxuqo halevetsu nani eno tilehi kiumu aghukishi kuha nani.

BOTHUBO 35:5

Panonguno chesu wuve. Tipa cheaxulo aphulomiqo shithughuive kehu panonguye Jakob tianuliqo hawumove.

BOTHUBO 2:19

AMPEU Alhou no ayeghi shipa lono tughashi, tikishi eno aghau kumtsu lhoe; Adam ye tipaqo je kiu kutsu nani kela junike Alhou no pa lau saghie. Ike Adam no akuxu akeu lhoxu pe kiu kutsu keno tino pututa je shive.

ACHINE 26:22

Ino nongu gholo akumsapu tughashi puwu nani eno tipaqono nongu tianuli heqhive nani, nongu tsu aqu kutsave nani eno nonguye timi aghulo likhive nani eno nongu laghiqoye yenguyeleive nani.

BOTHUBO 1:21

Ike azulo lhoxu kijeje, eno akuxu akeu lhoxu ithachekeu pututa jeli eno achishibo kupu ghau jeli kumtsu Alhou no lhoke; Alhou no ti aloqhi ithulue.

BOTHUBO 9:1

Alhou no Noha ngo panuliqo kumghatsu eno panongu vilo piputo ghi pi, “Axuthi kughuko wolulo eno ayeghi nhakhawolo.

BOTHUBO 9:3

Ithakiche lhoxu kumtsu nongu chuqupu shilu nani, ino puzuu ayetsuni nongu tsuke toi, hikumtsu nongu tsu anie.

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

JOB 39:11

Pa kumto ye shisheno kehu pa pukhubelu nani ma? Momu okumlapu saje pa pelo mla pelu nani ke ma?