BOTHUBO 7:1 - BAIBEL (BSI)

¹ AMPEU no Noha vilo pi, “No eno okibolomi kumtsu ashukaki lo ilovelo, kughengu hipau tiqhelimi gholo olikhino izulo amikuchou shi aghi keu ino ithulue.

Sumi Naga CL (Re-edited) Bible (BSI)

¹ Tithiu Ampeu no Noah vilo pi, “No eno o kibolomi kümtsü ashuka lo ilove lo, kughengu hipa tiqheli lo no ye I zülo amikucho ipi I no ithuluvae.

BOTHUBO 7:1 Referans Kwoze

BOTHUBO 6:9

Hipaqono Noha laghaqo: Pano anu kuthu shie, Shem ngo Ham eno Jafet. Noha ye pano tiqhelimi gholo pa likhino amikuchou eno kikhikighiue, paye Alhou sasu kuposhughi xu ache.

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

BOTHUBO 7:13

Tipa tsalanino Noha no panipu eno panu hipano kuthu Shem, Ham, Jafet eno panongu nipuqo ishi sasu pa gholono ashukakilo ilove.

1 Peter 3:20

Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

Apostolmi 2:39

Kughengu Alhou shoqhiye nongu ngo nongu tianuli eno khunoqomi putou anikeno khukhumu Ampeu ningu Lhou no kulukemi ghenguno ke.”

Luke 17:26

Noha tsalalo toi, Timi Nu tsalalo ghi tishi nani.

ZEFANIA 2:3

Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.

AHOLE 14:26

AMPEU sumsakeu huno timi lakhi pelo eno pa kibo pelo kutami mlo chulu eno sushokulu achenipe.

BOTHUBO 7:7

Eno azuyimikeu zuuno Noha no pa nipu ngo pa nuliqo eno panongu nipu ngo ishi sasu pagholono ashukakilo ilove.

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

AHOLE 10:9

Amikucho shi xuchekemiye sushokulu acheni ikemu vimokemiye pano kumlano kughaluve cheni.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

SAMUEL AKINIU 22:24

Niye akuiqu kuhapi pano ithi ani, kughengu ino akipimi kumlaqo lono tsughusu wuve cheni.

EZEKEL 14:14

Noha ngo Danel eno Job pano kuthuno tilehi xuaghi namu panonguno akivipu shikeuye pano kuxu likhi xaluve nani.” Akughushu MPEU no pivae.

BOTHUBO 6:18

Ikemu osasu ino puloshoqhi lakhi shini, no ngo onuliqo, onipu eno anunoqo nipu ngo ishi ogholono ashukakilo iloluve ni.