BOTHUBO 39:2 - BAIBEL (BSI)

² AMPEU no Josef gholo ae eno paye phuyi thayikemi. Paye pa mipeu Ijipmi nokilo ache.

Sumi Naga CL (Re-edited) Bible (BSI)

² Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:2 Referans Kwoze

SAMUEL ATUGHIU 18:14

eno pano aghushikeu kumtsulo tokuluu shilue, kughengu AMPEU no pa gholo akehu.

LESHELE 91:15

Kughou panonguno ikuni keno ino khochile nani; panonguno shiluksalo akelo ino panoqo gholo anani. Ino panoqo xaphelu eno panoqo suqhepuku nani.

JEREMIYA 15:20

Timiqo sheloye ino okugha pesu alazayino shikeu tozu paphi shitsu nani. Panonguno omjo chile nani ikemu panonguye oshou tolu pemo nani. Ino osushoni eno akivishi okhenike ghenguno ogholo ache nani.

BOTHUBO 26:28

Panonguno pi, “Ninguno mtsuqhei ithulu keuno AMPEU ye ogholo anie, eno ningu no kumsulu keuno no eno ningu dolo ashoqhi lakhi qhimayesae. Ningu pelo osasu puloshoqhi lakhi shipelo,

BOTHUBO 21:22

Ike tipa ghulokilo Abimilek no pawu ghushimi shou akijeu Phikol sasu ighi eno Abraham vilo pi, “Nono kiu kiu shikeno ti kumtsulo Alhou no osasu chenie.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

LESHELE 1:3

Paye aghoki phivilo asubo thuwu aketoi, tiye ado achipi lono athi pithi cheni eno tipau nipaqoye ighuive chemoe. Pano shikeu thwokha kumtsulo ghenighilai acheni.

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

LESHELE 46:11

AMPEU Akughushuuye ningu sasu ani; Jakob Lhou ye nino ijehlu chenike.

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

SAMUEL ATUGHIU 16:18

Tilehi pa khe akemi gholo milakhino ishi pi, “Bethlehem taun lo Jese nuli gholo milakhiye ale phekithi ani. Paye amlo kivimi eno pa jughi ighono aloe, aghukivimi lakhi eno atsapilo ghi thayike AMPEU ye pa gholo ani.”

SAMUEL ATUGHIU 3:19

Samuel ye thuwuve. AMPEU no pa gholo ae eno Samuel no pikeu kumtsu kuchouno achipikave.

SAMUEL ATUGHIU 18:28

Saul no mutsuqhei AMPEU ye David gholo auve keu ithive eno panga Mikhal ghi pa kimiye akeu ithive.

1 Tim. 6:1

Khunoqono aqu-axemi keno pano mipemiye qhoqhu kuzupu kepi kumsululo, tishianguno timi khuu pelomu Alhou je eno Khristomi kukutsu pipusamo nani.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

Apostolmi 8:31

Akijeu huno ishi khochile, “Khunoala ikichepiyetsumo aye niye kishi ithikuthuluni kya?” Eno pano Filip vilo ikughi puzu pa gholo iqalepi pi.

BOTHUBO 21:20

Alhou no anu gholo ae, eno paye thuwuve. Paran lo agha itsumokeu qhalo ache, paye asuzu pekeulo shitsa shive.

BOTHUBO 39:3

AMPEU no Josef gholo akeu pa mipeu no ithulue eno pano mlakeu kumtsulo AMPEU no pa pelo heshekulu shilupe.

BOTHUBO 39:23

Josef kulhuqhive tsu kethiuye akughuki shou atouye kumu amlo lipikeu kuhae, kughengu AMPEU no Josef gholo ae eno pano mlaithakeu kumtsulo heshelu peke.

JOSHUA 6:27

Tighenguno AMPEU ye Joshua gholo ae eno pa jekipi no ayeghiqha kumtsulo kulhave.

KUKAMI AKINIU 18:7

Tighenguno AMPEU no pa gholo ae eno pano kiu shikeno ti kumtsulo tokulu shilue. Pano Asiriya kukau sasu kumjo eno khilemu pa qholo womoe.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

YEKIKITHI ATUGHIU 9:20

Fineas ye Eleazar nu - AMPEU pelo pa gholo apeniu! pano ghuthu lakhi loye panongu saphecheke.

YEKIKITHI AKINIU 1:1

Akukau David nu Solomon no Israil kuka yehpe mtotoi pea, eno AMPEU pa Lhou no pa kumghatsu eno pa pesu ighono kije shitsu.