BOTHUBO 3:16 - BAIBEL (BSI)

¹⁶ Alhou no atotiu vilo ghi pi, “Mishipu chekelo ino oghime alau shikupha tsuni, eno akijikusa shi ati anuli punu peniu, tishimu okimi jumine peni eno pano opeitha peniu.”

Sumi Naga CL (Re-edited) Bible (BSI)

¹⁶ Totimi vilo Pa no pi, “I no mtsüqheino o punu küsü küghüsüve tsüni; no ye aküsü lono atianuli punu nani. Tishimu nono o kimi jumine nani, eno pa no o shou ayepe nani.”

BOTHUBO 3:16 Referans Kwoze

Titus 2:5

alikhi aghasulu muqhamiqhiyilu, akibolo anipu kivi shilu, agholauno peithalu, pututa kimi qhoqhu gihulupe ishimasae. Tishianguno Alhou tsape shichekeu hu timi khunomu pipusamo nani.

Kolosiami 3:18

Anipunoqo, nongu kimi qhoqhulo, kughengu nonguye Khristo timi kehu tishi shimasake.

1 Kor. 11:3

Ikemu ino nongu pelo ithipenishi akeuno Khristo ye kiptimi lakhi shou akutsuke, totimi shou li kimino akutsuke titoi Khristo shou Alhou no akutsuke.

1 Tim. 2:15

Tishiepimu totimino aghibiu lono akupulu, kikimiye eno akimthepushi xuaye panonguye atianuli akeu vechewo xakulupu shi nani.

1 Kor. 14:34

totimiqoye kuhokelo iquneyi kepue. Kughengu panonguye akukuholo pinikeu lakha puani. Judami yezah lo pipuake toi panonguye aqhokigheu shikepue.

1 Kor. 7:4

Anipuye li phimpi shou ampeu kumoe, ikemu akimino ke, tihutoi akimiye pa phimpi shou ampeu kumoe, ikemu anipuno ke.

John 16:21

Totimi lakhiye anga punu niye su akelo amloksa shicheni, kughengu lino aghime shikepudo ighi kehu; ikemu kughono anga punuluveni keno liye li ghime kumsumave cheni, tiye anga lakhi ayeghilo punusulukeu lokivi launoke.

BOTHUBO 4:7

Nono akivi mula puaghi aye no ikhilu moni kesha? Eno nono akivi shipuaghimo napi aye, axine no ahukikha ijepe anie. Tino oshou kaluve nishi anie, ikemu noye ti theqhiluve masae.”

JEREMIYA 6:24

Jerusalem lo akemiqono pi, “Ninguno asutsa hu chiluvae eno ni uye inayi iqivae; ninguye totimino punu akelo toi amloksa ngo aghimeno nitshuluvae.

AKIKIHI 30:13

Lino bekutha shoqhi shikeu momu kiuala piqhivekeulo li kimino alepinikeu momu hexavetsunikeu chipiu anike.

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.

ESTHER 1:20

Atsa hiye ighono kijeke ghenguno akukau yezah pa kukaqha kumtsulo kulhavekelo anipu qono pututa kimi kijemi kitilami shi aghimu gihu cheuve nani.”

JEREMIYA 22:23

Libanon kudauno Kedar sughikeu gholo nonguno sushokulushi ngo cheke; ikemu kughono akusupuno nongu hekuluni keno nonguye amlo kiyighipu shi nani, sakutukeu tiye totimino apunu kusu shiake toi nani.

JEREMIYA 13:21

Kughono nongu shompami kepi nonguno kumsu chekeqono nongu leluve eno nongu shou ayehpe aye nonguye kiu pinani kya? Nonguye totimino punua kelo toi aghime kusu shi nanike.

ISAIAH 21:3

Kungunhetsu lono ino ithulu eno chilu keuno akuighupu eno sakutui keuno ichhitoivae, hiye totimi lakhino punu niaye su akeu kusu toike.

ISAIAH 13:8

Panongu kumtsu thughuive nani eno akusu ghimeno panongu tshuluve nani tiye totimino apunu kusu suakeshi nani. Panonguno musaqhiyi lakhino lakhi junani eno akukujono panoqo gi pitiqhi nani.

JEREMIYA 49:24

Damaska lo kuamiqoye miqemileike eno thughuyi musaveno kohavae. Panonguye totimino punu akelo toi su ani eno kumsa kimishipulo ani.

JEREMIYA 4:31

Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

LESHELE 48:6

Tilehi totimino pununiye suakeshi eno kipela mulhuno Tarshi zukilu kubole keshi msa khokhoshi keuno panongu tsuquluve.

1 Tim. 2:13

Kughengu Adam paghi lhoke eno tithiuno Eva lhoke.

YEKIKITHI ATUGHIU 4:9

Tile timi lakhi paje Jabez ae pano bolomi kumtsu no pa gihu che. Pazano paje Jabez kutsu, kughengu apunulo imeveke.