BOTHUBO 26:7 - BAIBEL (BSI)

⁷ Tipa-alo kuamino pa nipu vehu iniju kelo pano ishi pi, “Liye ichepue,” kughengu pano “Liye inipue” ipini keu msave, tile kuamino pa ghiqhiveno Rebeka luve nosa kehu, kughengu liye ighono juvike.

Sumi Naga CL (Re-edited) Bible (BSI)

⁷ Kughou tipa-a lo timiqo no pa nipu vehu iniju keno, pa no pi, “Li ye I chepue,” kughengu pa ye, “I nipu” ipini keu msave ke, “tikumo aye hipa-a lo timiqo no Rebekah ghenguno I heqhive nosae” ipi kümsüve, kughengu li ye ajukivi ke.

BOTHUBO 26:7 Referans Kwoze

AHOLE 29:25

Kutamiye ojupe kiu kumsu ani kelapi omlo susushi keuye akuighupuke ikemu nono AMPEU pukhu aye oxaphelu nani.

BOTHUBO 20:2

Abraham no pa nipu Sara pesu “Liye ichepu ke,” ipiche, ike lo Gerar lo akukau Abimilek no timi puwu puzu Sara sawuvetsue.

BOTHUBO 12:13

Tighenguno ino oqhuiniju ani ke noye ichepue pi pilo, tishianguno oghenguno ipuxu peni eno akivishi iheju penike.”

BOTHUBO 24:16

Ayiliu huye ighono ajukivie, eno liye ililhothe shiake, timi khunomu li shipixi mphie. Lino azukikhelo ilo puzu azubohu chhitoi azu lipusu ipecheghi.

Kolosiami 3:9

Lakhino lakhi lau akimki tsa pikevilo; nongu lhoayeh aqau pepimhe chekeqo qhive akehu.

Ephesiami 5:25

Akimiqo Khristo no akukuhou kimiye puzu li ghenguno pa kuxu tsuve ketoi nongu nipu kimiyelo.

MATTHEW 10:28

Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

BOTHUBO 20:5

Abraham no pikeuno liye pa chepue pike eno li ghi Abraham ye li peue pike. Imlolo kiumu kupuna kupugha keu kuha eno niye kiumu mthano li saghivae.”

BOTHUBO 12:11

Ijip kupunuve puzu alughi katha iloni ye akelo pano panipu Sarai vilo ishipi, “Ino ithi ani, noye ighono ajukivi totimi lakhie,

BOTHUBO 20:11

Abraham no ishi khocile, “Hipa-a loye Alhou sumsachekemi khumu kuha eno inipu luveni aye iheqhi pithive nani kepi ino kumsuveke.

BOTHUBO 26:6

Ikehu Isak ye Gerar lo ache.

BOTHUBO 26:8

Isak no tilau ado kushuwa ngove kethiu, ghulo lakhi Abimilek, Filistiyami kukau huno alashe lono jupipe kelauye Isak no panipu Rebeka sasu allokile aghikeu ithulue.

BOTHUBO 29:17

Lea ye anhethiye alloke, ikemu Rachel no ahi vie eno ajukivie.

BOTHUBO 12:15

Kijemi qono li ithuluve eno Farao vilo li jukivi pesu pi eno pawu akighikilo li sasu wuve.