BOTHUBO 26:12 - BAIBEL (BSI)

¹² Isak no tipau yeghilo apiti qusu keu mpelo ghuthu aqhe kighishe shi alau ithulu eno AMPEU no pa kumghatsue.

Sumi Naga CL (Re-edited) Bible (BSI)

¹² Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

BOTHUBO 26:12 Referans Kwoze

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

Mark 4:8

Ikemu apiti hamiye ayeghishicho akivilo ikiqi ilo eno tipaqo ye lhoipeghino thuwu puzu athi pithie, hamino shighi hamino lhotsugho eno hamino aqhe ishi pithie.”

YETSAPIU 11:6

Inakijili noye apiti yisu alo kughengu kumtsu akivishi thuwuni cheni mala mthake, kutau yisukeu pavi aghiluvike.

LESHELE 67:6

Ayeghino kupukuno shi athi pithi lupe; Alhou, niLhou no ningu kumghatsuke.

BOTHUBO 24:35

AMPEU no impeu shishe kumghatsuno paye kinimi shi anie. AMPEU no bheri, ane, amshi, tsandiyi, shuna, aqepumi aqelimi eno kemel ngo gadaha ishi pesu pa tsue.

BOTHUBO 24:1

Abraham ye ighono kitemi shiuve, eno AMPEU no thwokhalo pa kumghatsue.

1 Kor. 3:6

Ino abo shosu, Apollo no azu pusuke, ikemu abo thuwulupe keuye Alhou noke.

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

JOB 42:12

AMPEU no atughulo Job no pighichekeu nguno alau shi pa kumghatsu. Ikehu paye bheri 14000, kemel 6000, amshitsu 1000 eno gadahali 1000 ishi pighiluve.

BOTHUBO 30:30

Ino ighimphi loye noye aghulo likhi pighi cheghie, ikemu itehiye aqokitiqhi shi ikowovae, eno ipukhu suqheuke kumtsulo AMPEU no okumghatsu anie. Itehiye nighi ikibo ghenguno jukuto masa kepu shivae!”

MATTHEW 13:8

Ikemu apiti hamiye ayeghi kivilo vesulu eno athi pithilue; hamino athi aqhe pithi, hamino lhotsugho pithi, eno hamino shighi pithi.”

LESHELE 72:16

Ayeghilo aghi asu kupukunoshi apeniu; axajelino naghutoqo kuzupe apelo; ti Libanon toi athi pithikeu shilu pelo. Aphughiqolo timi kutomo apelo, tiye aluzalo atsaneghu chhitoi aketoi.

MATTHEW 13:23

Ayeghi kivi shou apiti vesulukeu huye asutsa hu chilu puzu ti ithikuthulu kemiqoke. Panonguye kuchouno athipithitsu cheni, hamino aqhe, hamino lhotsugho eno hamino shighi ishi pithi chenie.”

BOTHUBO 26:29

ike nino obumo ke hutoi noye nishou alhoksa shipemonie. Ninguno olau akivi likhi shi eno opelo aloino wupe kehu itehiye AMPEU no okumgha vetsuae.”

AHOLE 10:22

AMPEU kukumghano noye kinikulu shilupe cheni; aka-agha shi mlakeuno opelo kinimi alau shilupeni chemoe.

BOTHUBO 25:11

Abraham thive kethiu Alhou no panu Isak kumghatsue, eno paye Beer-Lahai-Roi zukikhe philo ache.