BOTHUBO 22:1 - BAIBEL (BSI)

¹ Tishive kethiu Alhou no Abraham peju ghi pa vilo pi, “Abraham.” Ike Abraham no ishi khochile, “Iye, ni hi anie.”

Sumi Naga CL (Re-edited) Bible (BSI)

¹ Hipa thiu Alhou no Abraham peju no pa vilo pi, “Abraham!” Pa no pi, “Ni hile anie.”

BOTHUBO 22:1 Referans Kwoze

IBRIMI 11:17

Alhou no Abraham pejukelo, pano akupulu lono panu Isak pesu Alhou mllae.

ZAKINIU 8:2

Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

James 2:21

Nisu Abraham ye akumla vechewo Alhou lau achipikaluke kumo kesha? Tiye panu Isak pesu akumllagho shi-ghi akumllagho kiptialo bekeu lonoke.

1 Kor. 10:13

Ghukuju khijehi nongu zulo ighi keno tipa tho lono timi kutami zulo ighi cheni. Alhou ye pukhubekuluke eno pano okumto qhemi nguno alauye oghujupemo nani; ikemu oghuju ake ghulokilo opelo ti pulu pekepu shi pano alaghi phuphetsu nani.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

ZAKINIU 8:16

Asayeqhalo pano nongu pelo mana sho chulupeke, nongu puasuqoye tipau chuqupu chuju mphikeu ke. Pano nongu pejunike akijikusa nongu shou pukuke tishianguno ashekhalo thime kivi pesu nongu kumghatsu kepu shiniyeke.

IPEKULU 3:4

Muse no kupunu ighino juniye cheghikeu AMPEU no ithuluve puzu asu minipho mta lono pano pakuno pi, “Muse! Muse!” Pano khochile pi, “Ni hile anie!”

BOTHUBO 22:11

Ikemu atsutsu lono AMPEU kungumi lakhino ishi pa ku: “Abraham!” Pano ishi khochile, “Iye, ni hi anie.”

BOTHUBO 22:7

Ike Isak no papuh vilo pi, “Ipuo!” Abraham no khochile pi, “Iye, inu?” Isak no iniju, “Le ami ngo asu ishi pecheni ikemu kuchopu pitikeu gho ghenguno bheritiye khile ani kya?”

ISAIAH 6:8

Tileno AMPEU no ishi pikeu ino chilu, “Niye khuu puwuni kya? Khuuno ni ghenguno wuni kya?” Ino ishi khochile, “Ni hile ani! Ipuwulo!”

YEKIKITHI AKINIU 32:31

eno kughou Babilonmi lashikamino ti Hezekiya ghakhulo pakutakeu shive keu vehu inijuniye ighi kelo pinamu Alhou no Hezekiya pelo pa likhi pa kutoshive pekeuye pa kuxu pejuniyeke.

IPEKULU 16:4

Tileno AMPEU no Muse vilo pi, “Jualo, ino nongu kumtsu ghenguno kunguuno achuqupu ghuqhi tsuni chenike. Timiqoye ghulo atsu tsu khalau ipeghi puzu tipa tsalani ghenguno lukumukhashi pekutsulu masae. Hitoi shikeu lono panonguye ino shilo pikeu papenikemo keno ino panoqo ghukejuni cheni.

ZAKINIU 13:3

pa lau amlo tsukevilo. AMPEU nongu Lhou no pa peithano nongu peju aghi luvike, tiye nongu mlo kuchopu pesu AMPEU qhuivu ani kemo keno juniyeke.

XAKUTHAMI 2:22

Ino tipaqo peithano Israilmi ye panongu puasuno shiche ketoi ilaghi zusu wunike mokeno shiyeh kutami hipaqo veche wono ghukeju ani cheni.”

SAMUEL AKINIU 24:1

Ghuthu lakhilo AMPEU ye Israilmi lau amlo ideve, ikehu pano David pelono panongu shou akupuna sughitsupe. AMPEU no pa vilo pi, “Wuno Israilmi eno Juda lo timiqo kihi julo” ipi.

LESHELE 11:5

AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

BOTHUBO 21:11

Ike Abraham zulo tiye ighono amlo kughujupu shive kughengu Ismael ghi panu kehu.

BOTHUBO 37:13

Ike Israil no Josef vilo pi, “Omunoqoye Shekem lo bheri loji sasu achukumza anike hilaghilo, ino opelo panongu lau wupenike.” Josef no khochile, “Alo, tishini thono,” ipi.

BOTHUBO 46:2

Putholo kungunhetsu lono Alhou no Israil putsa no pi, “Jakob, Jakob.” Pano khochile pi “Iye, ni hi anie.”

SAMUEL ATUGHIU 3:4

AMPEU no Samuel ku. Pano khochile, “Ni hile ani!”