BOTHUBO 20:3 - BAIBEL (BSI)

³ Ikemu putholo Abimilek samouno Alhou no ighieno pa vilo pi, “Julo, noye thini akene, totimi nono saghi keu hu timi nipu ke.”

Sumi Naga CL (Re-edited) Bible (BSI)

³ Ikemu Alhou no putho lo asamou no Abimelek lau ighi no pi, “Julo, nono totimi khuu luve akeno li ghenguno no ye kithimi shivae, kughengu li ye kütami nipu ke.”

BOTHUBO 20:3 Referans Kwoze

MATTHEW 27:19

Kughou Pilat no kughakilo iqa akeno, pa nipuno aghini lakhi pa lau shipuwu ghi ishipi, “Amikuchomi tipau shou kiumu shikepu kumoe, kughengu pa ghenguno iji isamou niye shishe ime puanie.”

BOTHUBO 20:7

Mtazu totimi hu li kimi lau tsuchilevelo kughengu timi huye tungkupmi lakhie pano oghenguno inikhutsu aye noye thimo nani. Nono li tsuchileve monapi aye no eno ogholo akemi kumtsu thini putsa kepi ithilo.”

LESHELE 105:14

Ikemu Alhou ye timi khuu pelomu panongu qhasupemoe; Panoqo sushoni kehu Alhou no kukami kutughuve tsuke:

JOB 33:15

Asamouno, putholo zuxotumo lono, kughou timino zuchei ake lono, azualo nhizuchei ake lono

MATTHEW 1:20

Ikemu pano hipau tsaquyi kumsukutoju akelo, Ampeuw kungumi lakhino asamo lakhi lono pa sasu kusho eno ishi pi. “David laghami Josef, noye Maria lu pesu onipu shinikeu msa kevilo, kughengu lino mishipu akeuye Aghungu Kimthe launoke.

BOTHUBO 28:12

Pano asamo pumokeuno akala lakhi ayeghi lono iku atsutsu toa. Alhou wu kungumino tipaulo ikuju iqiju akeu ithulue.

JONAH 3:4

Jona no aphughi kathasu wuno ghulo lakhi lache thiu pano ishi asheshu, “Atsala lhobidi dolono Nineve ye kutsaleveni cheni!”

BOTHUBO 40:8

Tile pamano pavilo pi, “Nikujo milakhi khino asamo pumoe eno khuu no tipau kiqi hephotsu pemono ishi anie.” Josef no pama khochile pi, “Alhou no akiqiqo tsucheni ke, nokujo samo ivilo lhejulo!”

BOTHUBO 37:9

Josef no itaghi asamo kutau lakhi pumoe eno pano pamunoqo vilo tipau lheghi pi, “Itaghi niye asamo lakhi pumoe ike tsukinhe, aqhi eno ayepu chighi qhaqhi ishino itsaiqi qhoqhu itsucheke.”

BOTHUBO 37:5

Ghuthu lakhi Josef no asamo lakhi pumo eno pano pamunoqo vilo lhe kelauye panonguno alaushi pa mithi kitheuve.

BOTHUBO 31:24

Eno putholo Alhou no asamouno Aramiau Laban lau ighino pi, “Olikhi osuchile luvelo eno Jakob vilo akivi na alhoksa namu pikevilo.”

BOTHUBO 12:17

Ikemu Farao no Abram nipu Sarai luveke ghenguno AMPEU no kusukini kije pashou eno pakibo shou pukutsue.

BOTHUBO 12:18

Ikelo Farao no Abram ku puzu pi, “Noye ishou hiye kiu shivetsu ani kya? Kushiye liye onipu kepi ivilo pimo kya?

AKIKIHI 22:9

Alhou no Balam lau ighi puzu iniju, “Timi ogholo ngo akeqoye khunoqo kya?”

YEKIKITHI ATUGHIU 16:21

Ikemu Alhou no khuno pelomu panongu ghime pemoe; panongu susho, pano kukamiqo kichikumsae:

BOTHUBO 40:5

Kijili lakhi, Ijip lo akukau wu akhu ajukhu kipeu atou ngo ashokumlau atou ngo ishi pama kini kujo akughukilo ake lono asamo lakhi khi pumoe. Pututa shelo akiqi a-ghi asamo pumoe.

BOTHUBO 46:2

Putholo kungunhetsu lono Alhou no Israil putsa no pi, “Jakob, Jakob.” Pano khochile pi “Iye, ni hi anie.”

JOB 33:17

Alhou no putsa keuye timi pelo pano lhoksa kumla lono ideghive penike, eno pano pelo qhezamove peniyeke.