BOTHUBO 20:2 - BAIBEL (BSI)

² Abraham no pa nipu Sara pesu “Liye ichepu ke,” ipiche, ike lo Gerar lo akukau Abimilek no timi puwu puzu Sara sawuvetsue.

Sumi Naga CL (Re-edited) Bible (BSI)

² Abraham no pa nipu Sarah pesü, “Li ye I chepu” ipive. Ikehu Gerar kükau Abimelek no timi hami puwu no Sarah sawuve.

BOTHUBO 20:2 Referans Kwoze

BOTHUBO 12:15

Kijemi qono li ithuluve eno Farao vilo li jukivi pesu pi eno pawu akighikilo li sasu wuve.

BOTHUBO 26:7

Tipa-alo kuamino pa nipu vehu iniju kelo pano ishi pi, “Liye ichepue,” kughengu pano “Liye inipue” ipini keu msave, tile kuamino pa ghiqhiveno Rebeka luve nosa kehu, kughengu liye ighono juvike.

Kolosiami 3:9

Lakhino lakhi lau akimki tsa pikevilo; nongu lhoayeh aqau pepimhe chekeqo qhive akehu.

Ephesiami 4:25

Tighenguno akimkitsa pikevilo. Milakhikhino pa kusau vilo kuchou tsa pilo, kughengu ninguye kumtsu aphimpi lakhilo anike.

YETSAPIU 7:20

Ayeghilo timi khuumu ado kumtsulo achipiu shilu eno shipimi mokemi lakhimu kuhae.

AHOLE 24:16

Kuchou shi xuchekemino ghuthu khijejehi veqhive aghi namu paye ithughikitheve cheni; ikemu zuleno kutsakungo keuno kixikilami puhave cheni.

YEKIKITHI AKINIU 32:31

eno kughou Babilonmi lashikamino ti Hezekiya ghakhulo pakutakeu shive keu vehu inijuniye ighi kelo pinamu Alhou no Hezekiya pelo pa likhi pa kutoshive pekeuye pa kuxu pejuniyeke.

YEKIKITHI AKINIU 19:2

Hanani nu tungkupu Jehu no akukau sasu kushoni ke ighi no pi, “Lhoksa kughami kuphu eno AMPEU mithi chekemi lau sukeu ye achipi kughashi noye kumsu ani kesha? Nono kiu shive keno tipauno AMPEU loghu oshou sughi anike.

BOTHUBO 26:16

Tile Abimilek no Isak vilo pi, “Ni qhiveno chevelo, kughengu noye ningu nguno shishe akumtou shiauvae.”

BOTHUBO 26:1

Puzuu Abraham ghulokilo puqumiye ighikeu toi itaghi puqumiye keu tipa ghakhulo ighie. Ike Isak no Gerar lo Filistiyami kukau Abimilek lau wue.

BOTHUBO 20:12

Kuchouno pini aye, liye ichepuke, liye ipuno ngake, ikemu iza nga kumoe, ike ino li sasu akibo shike.

YEKIKITHI AKINIU 20:37

Ikemu Dodavahu nu Eliezer, Maresha taun lono ighikemi no ishi Jehosafat kutughuve, “Nono Ahazia sasu shompami shike ghenguno AMPEU no nono shipe puakeu shukaki kutsa leve tsu nani ke.” Ike ashukaki ye shopholeveno khilemu sasu wumla kepu shive.

BOTHUBO 21:22

Ike tipa ghulokilo Abimilek no pawu ghushimi shou akijeu Phikol sasu ighi eno Abraham vilo pi, “Nono kiu kiu shikeno ti kumtsulo Alhou no osasu chenie.

AHOLE 29:25

Kutamiye ojupe kiu kumsu ani kelapi omlo susushi keuye akuighupuke ikemu nono AMPEU pukhu aye oxaphelu nani.

AHOLE 6:29

Tihutoi timi kutami nipu sasu zukeu ghi akuighupuke. Khunono tipau shini keno aghime shi nani.