BOTHUBO 2:7 - BAIBEL (BSI)

⁷ Tileno AMPEU Alhou no ayeghi muqo pesu timi lakhi lhoe eno pano pa nigipelo akuxupu tuthu shesu tsu eno timi huye akuxu akeu lhoxu shive.

Sumi Naga CL (Re-edited) Bible (BSI)

⁷ tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

BOTHUBO 2:7 Referans Kwoze

1 Kor. 15:45

Tighenguno kuchoyesulo ishi pipuani: “Timi atughiu Adam ye akuxu kua lhoxu shi lhopheke.” Ikemu ashekhau Adam ye akuxu tsuchekeu ngughapuke.

JOB 33:4

Alhou nguaghano ilhoke eno Tuchomujokulu Lhou tuthuno ipuxuke.

YETSAPIU 12:7

Niphimpiye ayeghi mukhulo idewove nani eno akuxupu tuthuye Alhou lau idewove nani tiye pano ningu tsu puanike.

ISAIAH 64:8

Ikemu noye nipuh AMPEU ke. Ninguye aghani toi ke eno noye alikishiu toike. Nono ni lhoqhike,

Apostolmi 17:25

Momu paye kiuala avehupushi aghi nani kenia kepi pa salla kutotsu akepu kumu kuhae, le pa ampino akuxu ngo atuthu eno thwokha thime pesu timi kumtsu tsuke.

1 Kor. 15:47

Timi atughiuye ayeghimukhuno lhoke; timi akiniuye kungugha launo ighike.

BOTHUBO 3:19

Noye ayeghilo idewomoke kutolo, otsunhizu kighiji puzu ochuqupu chulupeni kughengu tipau lono olho phe kehu. Kughegu noye ayeghi mukhue eno ayeghi mukhulo idewonia.”

JOB 27:3

Ikuxu ake kutolo eno Alhou tuthu ingipe lo ake kuto,

BOTHUBO 7:22

Ayeghi qhai kelo achekeu eno anigipe lono atuthu shechekeu lhoxu kumtsu thikhave.

ZEKHARIA 12:1

Hiye AMPEU launo Israil ghenguno atsape tsukeuke. AMPEU khuuno atsutsu sukhope qhiwo, ayeghi lhophe eno timi lolo akuxupi kughulhotsu keno pano piani:

LESHELE 103:14

Ninguye kiu pesu lhopepuani keno pano ithi ani; ninguye ayeghi mukhu kepi pano kumsulu ani.

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

ISAIAH 2:22

Thivenikuau timi lau khilemu pukhube kevilo. Panonguye ame kuhae!

BOTHUBO 3:23

Ike AMPEU Alhou no Edenlo aghutu lono timi hu haphe pesu pa lhophe keu yeghi chi penike puwuve.

IBRIMI 12:9

Ike itaghi, ayeghilo nipunoqono nisakiyi qoputhu kelo ninguye panoqo qhoqhu acheni. Tishiaye, ninguye tinguno alaushi angu aghakupu Apu qhoqhu ghi xukepue.

AKIKIHI 16:22

Ikemu Muse ngo Aron pamano ayeghilo agi pishiqho ghi itsaqiveno pi, “O Alhou noye kumtsu kuxu khuki ke. Timi lakhino axine shive keno noye aqoaho kuchopu shou agha ideni kesha?”

AHOLE 20:27

AMPEU no kumsukulupu ngo kivikusa ithi keu ningu tsupuani; nilauno itshuwuve mlake.

JOB 33:6

Julepi, nikujo kinikujo Alhou zulo aphiphie, nighi anichepono lhopheke.

2 Kor. 5:1

Kughengu ninguno ithi akeuno ayeghilo nino achekeu niphimpi hipau aphiki toi shipusave aye, ningu pelo alhokupuju ngo kepu ghenguno Alhou ampino kungughalo auno shimokeu ki lakhi kutope puani.

2 Kor. 4:7

Ikemu ningu hipau ngu agha kinikhuki akemiqoye ayeghili toi akemiqo ke, tiye akuka akiqheu ye Alhou wu kethono ningu wu kumokepi piyeniye ke.

John 20:22

Pano hipau pive puzu panoqo shou atuthushepukuno pi, “Aghungu Kimthe sasu lulo.

JOB 4:19

Tishi aye ayeghino lhokemi eno ayeghi mukhuno atsukucho shikemi, amimi toi nedave luni keqo shou Alhou ye pukhubeluni kesha?

AKIKIHI 27:16

“AMPEU Alhou, kumtsu kuxu puki, ino ovilo inikhu anike, timiqo sakipheu shipenike timi lakhi kishe tsulo

YETSAPIU 3:7

suxu kepu do eno pukho kepu do, inaqhoive kepu do eno putsakile kepu do.

1 Tim. 2:13

Kughengu Adam paghi lhoke eno tithiuno Eva lhoke.

BOTHUBO 2:6

Ikemu ayeghi lono akimhi ipeghino ayeghiqha kumtsu azu piqi cheke.

AKUMLO 4:20

Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

EZEKEL 37:5

Panoqo vilo ni, Akughushu MPEU no piani pilo: Ino nongu lolo atuthu sutsuni eno nongu puxu kithetsuni cheni.

BOTHUBO 1:27

Ikehu Alhou no pa julho lono timi pulhosue, Alhou julho shighi, pano kiptimi totimi pulhosue.

EZEKEL 37:6

Ino anhu ngo apiti nongu shou pukutsuni eno ayikono nongu kuzuluve peni. Ino nongu lolo atuthu sutsuni eno nongu puxu kithetsuni cheni. Tithiuno niye AMPEU kepi nonguno ithi nani.”