BOTHUBO 16:8 - BAIBEL (BSI)

⁸ Pano pi, “Sarai qeliu Hagar, noye khilano cheni eno khilau wuniye kya?” Lino khochile pi, “Niye impeliu Sarai launo po cheni.”

Sumi Naga CL (Re-edited) Bible (BSI)

⁸ Pa no pi, “Hagar, Sarai qeliu, no ye khilau no ighi eno khilau wucheni kea?” Li no pi, “Ni ye I mpeliu Sarai launo pocheni.”

BOTHUBO 16:8 Referans Kwoze

BOTHUBO 3:9

Ikemu AMPEU Alhou no Adam kuno pi, “Noye khile ania?”

BOTHUBO 4:10

Tile AMPEU no pi, “Noye kushiye hikithipu shi kya? Ayeghi lono othikuzuu jino amkhu lutsu lepi ighamuku keu sutsano itovae.

YETSAPIU 10:4

Oshou ayehkipeuno oshou amlo ide aye oje kanikeu kaku pewo tsukevilo; nono iquneive aye shishe pimipe puaghikeu namu okipimi qhivetsu kepu shive nani.

SAMUEL ATUGHIU 26:19

Akijeu, ino kiu pinikeno ti inijutsulo. Tsala AMPEU no oxukideno imithi aghi aye akumllagho pa lau tsukeu vechewono pa mlo kililu nani; ikemu tsala timino hishi aghiaye, AMPEU loghu panoqo shou ikughipeniu. Kughengu panonguno AMPEU yeghi lono ihapheveno ipelono inami yeghilo inami lhouqo likhi mllaluvepe kepu shi vetsu anike.

BOTHUBO 16:4

Abram no Hagar sasu ashi-aji kuqhae eno liye mishiuve. Hagar no mishiluve aghi kethiuye lino amipeliu Sarai thaighauve.

BOTHUBO 16:1

Abram nipu Sarai no atianuli punu moe, liqelimi lakhi Hagar ache, liye Ijipmi ke.

BOTHUBO 16:9

Kungumino pi, “Omipeliu lau idewolo, eno noye aghokulu shi li gholo ngolo.”

KUKAMI ATUGHIU 19:9

Pano atuki lakhilo wuno tipaji tile zuve. Paikhavi lono AMPEU no pa putsa, “Elija, noye hile kiu shi anikya?”

KUKAMI ATUGHIU 19:13

Kughou Elija no ti chilukeno, pano pa phikuzu xapesu pagi nhaluveno khalacheu ipeghi eno ti atuki ikulola kulaghilo puthugho. Asutsa no pa vilo pi, “Elija, noye hile kiu shi anikya?”

BOTHUBO 21:17

Alhou no anu no qa akeu chiluve eno atsutsu lono Alhou wu kungumi no Hagar ku puzu li vilo pi, “Noye kiu shilusa ani kya? Msa kevilo. Alhou no anu no khileno qa anikeno chiluvae.

XAKUTHAMI 19:17

Pano aghuzumi aphughi lo kodibo akeulo iqa aghikhake hu amchouno hitoi iniju, “Nonguye khilau no ighi eno khilau wuche khanikya? “

KUKAMI AKINIU 5:25

Paye akiniu akilo ide ilove, tileno Elisha no pa vilo iniju, “Noye khilau wuve kya?” Pano khochile, “Akijeu, niye khilaumu wumoe”