BOTHUBO 13:16 - BAIBEL (BSI)

¹⁶ Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

Sumi Naga CL (Re-edited) Bible (BSI)

¹⁶ I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 13:16 Referans Kwoze

AKIKIHI 23:10

Israilmi kughuko ye ayeghi mukhu paphike Panonguye kutomo kehu kihikhamlae. Alhou wu timiqo gholo hutoi ikuxu ashekha shipelo; Amikuchomi toi alokughuno shi ipelo thipelo.”

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

BOTHUBO 32:12

Nono piqhi puakeuno, ‘Kuchouno ino okivipu shitsuni eno azughilo asaye kihi kumla toi ino oti kughuko tsunie,’ ipie.”

KUKAMI ATUGHIU 3:8

Kihikha kumla timi hijejehi gholono owu shinike nono ikishelue.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 15:5

Pano pasasu qhaghalei keu-alo saipe puzu pi, “Kunguu jupuku julo eno nono kihi kulupu aye ayepuqo kihi julo.” Pano pa vilo pi, “Opitiye tijejehi nani.”

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.

JEREMIYA 33:22

Ino iqeu David laghami ngo Levi lagha gholo achinemi alau ikowolupe nani, tishikehu atsutsulo ayepuqo kihikhamlake toi momu azughi mukulo asaye lothi kihi khamlake toi panoqo kihikhamla nani.”

YEKIKITHI ATUGHIU 27:23

Akukau David no Israilmi apunu mpe muku qhouye kihi moe, kughengu AMPEU no Israilmi atsutsulo ayepu kikihi toi ikowo peni pi piqhipuae.

YEKIKITHI ATUGHIU 21:5

Pano Akukau David vilo aghukishi kumlalo sulu kuzupumi khijehi akela pesu pi: Israil lo timi 1,100,000 eno Juda lo 470,000.

KUKAMI ATUGHIU 4:20

Juda eno Israil yeghiqhalo timiqono azughi mukulo asaye toi ikowove; panonguno chu-sho luno ighono alokivi shilu.

XAKUTHAMI 6:5

Midiyami gholo panongu mishi ngo aphikino tulhaqu no tawu chekeshi ighi cheke. Panongu eno panongu wu kemel ye kumzapu kehu kihi khamlae. Panonguno kuchole ighino ayeghi kumsa shive tsuche

XAKUTHAMI 6:3

Kugho kughomu Israilmino tuxatini alulo suaye, Midiyamino Amalekmi ngo asayeqhalo kughuna achekemi shiyeh sasu ighino Israilmi wu panonguno luve cheke.

ZAKINIU 1:10

AMPEU nongu Lhou no nongu pelo atsutsulo ayepuqo jejehi kutomo shivetsu ae.

IPEKULU 1:7

ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

BOTHUBO 46:3

Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani.

BOTHUBO 35:11

Alhou no pa vilo pi, “Niye akughushu Lhou, atianuli kughukoluno ashiayeh lakhi shilulo. Ashiayehqo olauno ipeghi nani eno ophilono kukami ipeghi nani.

BOTHUBO 28:3

Akughushu Lhou pelo okumghatsu peniu eno opiti kughukoluno opelo lighimi shilu peniu.

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 21:13

Aqeliu nu ghi ino ashiayeh lakhi shilu pe nani kughengu pa ghi onu ke.”

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

BOTHUBO 17:20

Eno Ismael ghenguye ino osutsa chiluvae, ike ino pa kumghatsuni, pa pelo atianuli kutomo ithulupe eno pa tikughuko tsu nani. Paye kijemi chighikini papu shi nani, pa pelo ashiayeh kije shilupe nani.

BOTHUBO 17:16

Ino li kumghatsu ni,eno li pelo anu lakhi punu otsu peni. Ino li kumghatsuni eno liye ashiayehqo paza shilupe nani eno li tikughuko launo kukami ipeghi nani.”

BOTHUBO 17:6

Ino oti kutomo shi tsuni eno olauno ashiayehqo kughukowo tsuni eno olauno kukami ipeghi penie.

IBRIMI 11:12

Ike liye thiveke kumlho shivekemu, timi lakhi hipau launo atsutsulo ayepuqo ngo azughi mukulo asayeh toi ati-anuli kughukolue.

BOTHUBO 16:10

Itaghi AMPEU wu kungumi no li vilo pi, “Ino oti kumzapushi kughukotsu nani,

BOTHUBO 17:2

nikujo dolo iwu puloshoqhi ino tsunike eno kumzapu shi oti kughuko tsunie.”

KUKAMI AKINIU 13:23

ikemu AMPEU no panongu lau kimiye eno kupukeu ache. Panongu pelono puhavepeni keu pano pulomoe tighenguno panongu kuphutsu, tiye pano puloshoqhi Abraham, Isak eno Jakob lau shipe puakehu paye khilemu pawu timiqo kumsumavemoe.

YEKIKITHI AKINIU 1:9

O AMPEU Alhou, nono ipu lau ashoqhi shikeu shikupu tsulo. Nono ipelo timi aqo kitikhi kihikha kumla shou kapeke.

BOTHUBO 32:13

Tipaji paye tile zuve. Eno pa gholo lhoxu akeqo dolono pamu Esao agho tsukepu hipaqo kishe pesu qhie:

JOB 5:25

Opitino kutomo shivekeu nono ithi nani, eno oti kughukono atsaneghu jehi nani.