BOTHUBO 13:10 - BAIBEL (BSI)

¹⁰ Ikehu Lot no pishipuwo Jordan khila qha ti Zoar kutolo eno tiye azu nibonilei akeu ithuluve, AMPEU ghutu kimihike momu Ijip yeghi kimihike. Hiye AMPEU no Sodom ngo Gomora phughi puhavetsu mphi zuuke.

Sumi Naga CL (Re-edited) Bible (BSI)

¹⁰ Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 13:10 Referans Kwoze

ZAKINIU 34:3

Juda apeu akhila Zoar lono Jerikho kutolo amsabo toikeu subo akeu phughi.

ISAIAH 51:3

‘Niye Jerusalem lau eno tipau ixa pinyi akeulo kughuna akemiqo shou amlo ighiqhiyi keu anike. Li yeghiye asayeqha lakhi shianamu ino tipau pesu aghutu lakhi shi tsu nani, tiye Eden lo ino shikeu ghutu kimihi lakhi shi nani. Alokivi ngo alokiqipu tilehi anani eno sheqhekeu ngo shikimthi keu le tilehi ilau tsu nani.

BOTHUBO 14:8

Tile Sodom ngo Gomora ngo Adam ngo Tseboim eno Bela lo kukami akeqono aghu shinike Sidim qhalo wo kumqo ngo puzu

JOYIL 2:3

Ami toi tipaqono asutsuni chuve. Tipaqo zulo ayeghiye Eden ghutu toike, ikemu tipaqo thiu juaye asayeqha toi thoqhaleike. Kiunomu tipaqo zulo pokaumlake.

BOTHUBO 14:2

kukami hipano pungu sasu aghu shie: Sodom lo akukau Bera, Gomora lo akukau Birsha, Adma lo akukau Shinab, Zeboim lo akukau Shemobur eno Bela lo akukau ti Zoar ishi.

EZEKEL 28:13

Noye Alhou ghutu Eden lo xuacheke eno akughupu tu jeli nicheke: rubi, hira, topaz, beril, karnelia jesper, safir, emeral eno garnet. Noye shunayino shikeu achila acheke. Tipaqoye olhoke tsala lono oghenguno mlape qhike.

KUKAMI ATUGHIU 7:46

Akukau no hipaqo kumtsu Jordan khila Sukot ngo Zarethan kuma dolo ayi lhophe chekeu alono mlaphe sughi keuke.

EZEKEL 31:8

Alhou ghutulo akeu kedarsubo lakhimu tipau sasu kimighimla. Asahusubo lakhimu aloka tikithipu kuha, Aphisubo lakhimu titoi miniphoi keu kuhae. Alhou ghutulo asubo lakhimu titoi jukivi kuhae.

JEREMIYA 48:34

“Heshbon ngo Eleale lo akemiqono igha mukuke eno panoqo ghughaye Jahaz kuto loghi chiluke eno tiye Horonaim ngo Eglat Shelishiya kuto loghi chiluke. Nimrim ghokiti ghi qhaive ake.

ISAIAH 15:5

Imlo lono Muab lau igha qahwu! Timi qoye Zoar taunlo ngo Eglat lo eno Shelishiya lo kuhapove. Khamiye qah susu Luhit laghi kudau iqhoke; khamino ighamuku amlo kusashi Horonaim kudau pokawuve.

LESHELE 107:34

Pano ayeghi ghuma kivi pelo amiti akeu asayeqha shivepeke tipaulo xuakemino alhoksa kumla shikehu.

BOTHUBO 6:2

Alhou nu noqono totimi hipaqo ithulu eno juvi aghi kelauye, panonguno lunishikeu kishe sawo anipu shie.

BOTHUBO 3:6

Atotiuno asuboye jukivipushi ithulu, tipau xathiye chukivipushi ithulu eno lino kumsu keuno alokutsu tsuluni keulo minemighe kepushi aghi. Ike lino axathi tipau xope chuve, tishino tipau xathi pesu li kimi tsu eno pa ghi ti chuve.

BOTHUBO 11:27

Hipaqono Tera tikughukoqoe. Tera no Abram ngo Nahor ngo Haran ishi lhoe. Haran no Lot papu ke,

BOTHUBO 13:9

Ayeghi kuchopu ogizulo anike kumo keshea?Tighenguno noye ilauno okuta shiluvelo. Nono piyiu kudau lu aye ino ajeu kudau luni momu nono ajeu kudau wuniepi aye ino piyiu kudau wunie.”

BOTHUBO 13:11

Lot no pasala Jordan ghokiqa kisheluve eno kipelau kudau iqe susu wuve eno panongu lakhino lakhi launo kututa shive.

BOTHUBO 47:6

ike aghakhu akiviulo panongu pelo kughuna pelo. Panongu pelo Goshen ghakhu lo kughuna pelo, panongu gholo shitsami nono ithi aghi aye tipaqo pelo atsu aqu peithape kepushi qhilo.”

JOB 40:23

Aghoki no azu ile wuve namu paye musamoe, Jordan no pa kichi kumtsu vesu ighi namu amlo laimo shimoe.

EZEKEL 16:46

“Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 16:49

Li ngo lingaqoye chukepu nibonilei achekeu eno iqughai akupuna kuhano achekeu ghenguno qhezacheke, ikemu panonguye kumlhomi eno aquagha shi achekemiqo tucho hijumoke.

EZEKEL 31:9

Tipauno aloka sukho pesu jukighilepu shi ino mlake. Tiye Alhou ghutu, Eden lo asubo kumtsuno jumineqhiyi cheke.

EZEKEL 47:18

“Kipelau alughiye Damaska ghakhu ngo Hauran kuma dolo acheku lakhi lono chesusu iqi Amiti Zughilo Tamar kutolo eno Jordan kulola kudauno Israilmi yeghi shi eno Gilead no tipau kipelau shighi iqi anike.