BOTHUBO 11:7 - BAIBEL (BSI)

⁷ Ighilo, ningu aqhou iqino panongu tsa kubangu vetsuni nolo, tishianguno panongu lakhino lakhi tsapi ithi pemonie.”

Sumi Naga CL (Re-edited) Bible (BSI)

⁷ Ighilo, ningu iqi no pano tsa kübangüve tsüni nolo, tishianguno panongu lakhino lakhi tsapi vetha mlave peni.”

BOTHUBO 11:7 Referans Kwoze

LESHELE 33:10

Ashiayehqono kughu puakeu AMPEU no adou shivetsu; panonguno kughupe akeu pano hexavetsu.

LESHELE 55:9

O AMPEU! panonguno kuchughu keu hexavetsulo eno panongu tsapi kubangve tsulo. Kughengu aphughilo heqhibuqhikeu eno kusuxakilekeu niye ithulu ani,

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

1 Kor. 14:23

Akukuhomi kumtsu kumqokelo kumtsuno amilikithe kutauno piake lono inapughami khami momu pulumokemi khami iloghiaye, nonguye kumtsu izupho kicheyivea kepi panonguno pimoni kesha?

JEREMIYA 5:15

Israil lo akemiqo, AMPEU ye nongu leve penike ashiayeh lakhi putosuuno saghini cheni. Hiye mughachhoi keu eno mulholo shiayeh lakhike, nonguno panoqo tsa ale mthakeu shiayeh lakhike.

LESHELE 2:4

Kungugha kuka-lakhulo akeu AMPEU no junu ani eno panongu kukughu shou jukunathave ani.

JOB 12:20

Pukhube kulumi tsapi ikhi suwuve cheni, eno muchomi wu michikulu ikhisuwuve cheni.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

ISAIAH 6:8

Tileno AMPEU no ishi pikeu ino chilu, “Niye khuu puwuni kya? Khuuno ni ghenguno wuni kya?” Ino ishi khochile, “Ni hile ani! Ipuwulo!”

BOTHUBO 42:23

Panonguno kiu pi akeno Josef ye ithi ae, ikemu panonguye ti mthae, kughengu panonguye atsa pekikiliu vechewo pa putsa akehu.

BOTHUBO 11:5

Ikelo timi tipaqono mlakeu phughi ngo aghukhea ishi junike AMPEU no iqie.

BOTHUBO 10:20

Hipaqono Ham tikughuko, pututa shiayeh muqo eno pututa yeghilo kughuna ache, pututa muqo shi eno pututa shelo pano tsa piche.

BOTHUBO 3:22

Tile AMPEU Alhou no pi, “Julo, itehi timiye ningu paphi shivae; kughengu pano kivikusa ithiwuvae. Eno pau chhopuwo akuxupi subo xathi ikhiluve puzu ti chuno pulhapuju xuacheuve nosae.”

BOTHUBO 10:32

Hikumtsu Noha nuliqo tikughuko ke, pututa shelo alagha eno ashiayeqo. Azuyimiveke thiu Noha nuli hipaqono ayeghilo ashiayeh kumtsu shi ghi kijetha ikowoke.

BOTHUBO 10:5

Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.

IPEKULU 4:11

Tile AMPEU no pavilo pi, “Khuuno timi kichi shipuatsu kya? Khuuno timi pelo akini ipo, atsa piphemla momu ithulupe cheni momu anhethi kighicheve tsu cheni kya? Ni, AMPEU no ke.

ISAIAH 33:19

Nonguye inaghami pa likhi pa kijivilo ghi nonguno mthakeu tsa pichekemi ithulu kidemove nani.