BOTHUBO 1:3 - BAIBEL (BSI)

³ Ikelo Alhou no pi, “akuvu ipeghilu nani,” eno akuvu auve.

Sumi Naga CL (Re-edited) Bible (BSI)

³ Ikelo Alhou no pi, “Aküvü alu pelo,” eno aküvü ye ipeghive.

BOTHUBO 1:3 Referans Kwoze

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

John 1:5

Akuvu huno akuzulo yepuvu, eno akuzuye khilemu tipau kuzuphove mlae.

ISAIAH 45:7

Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

ISAIAH 60:19

“Puchou khilemu tsukinheno nongu kuvu shimo nani. Momu putholo aqhiye nongu kuvu shimo nani. Ni AMPEU no alhokupujulo nongu kuvu shi nani; Ikimthe jekipi kuvuno nongu shou yepuvu nani.

1 John 1:5

Ninguno Anu launo atsape hipau chilu keu nongu lau pikulha ani, ike Alhou ye akuvuke eno pa gholoye khilemu akuzu kuhae.

Ephesiami 5:8

kughengu ghuthu lakhiye nonguye akuzulo acheke, ikemu Ampeu wu timi shive akehu nonguye akuvulo akemi toi chechelo.

John 1:9

Hiye akuvu kuchou ke tipau kuvuno ayeghilo ighieno timi kumtsu yepuvutsu acheni.

John 3:19

Kughakutha ye hike: ayeghiqhalo akuvu ighivae, ikemu timiqono akuvu kimiyekepuno akuzu kimiyeve, kughengu panonguno kusakugha kumla shikehue.

LESHELE 33:6

AMPEU tsano kungugha lhoke, aqhi, tsukinhe eno ayepuqoye pa tuthu kisheno lhoke.

LESHELE 148:5

Panoqo kumtsuno AMPEU je sheqhelo! Pano ahza tsuke eno tipaqo lhophe ke;

LESHELE 97:11

Akuvuno amikuchomi shou yepuku ke, eno akivimi shou alovipukuke.

LESHELE 33:9

Pa tsa lono ayeghiqha lhopheve; pano ahza tsukeulo thwokha ipeghive.

1 John 2:8

Tishipimu niye nongu lau ahzakutsu akithe yepuwu ani, kughengu tipauye Khristo lolo eno nongu lologhi kuchou akeu huke. Kughengu akuzuye wove ani eno kuchou kuvu huye vu ipecheae.

Ephesiami 5:14

eno kiu kiu namu ithuluvepe aye akuvu shiluve cheni. Tighenguno ishi pipuanike, “Ithuvelo, O zuakeu Kithimi gholono ithughivelo, Eno Khristo no oshou yepuvu tsu nani.”

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

JOB 38:19

Akuvuno khile acheni kela ala khilau kya? Momu akuzu a khile kya?

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

LESHELE 118:27

AMPEU ye Alhou ke, paye nilau aloke. Asuloka nongu ulo pepuzu tiqhe tini tsala huthulo eno agho kipiti khache veholo.

JOB 36:30

Pano tsutsupha tipa shou puwu cheni, ikemu azughi kuthoye zuchiyi pe qhive.

John 11:43

Pano hipatsa pive puzu asutsa kuloghi lono ighamuku pi: “O Lazar, khalau ipeghilo”

MATTHEW 8:3

Jisu no pa-u chhophe pesu pa buno ishipi, “Niye pulo ani, mithelulo.” Paikhavino pa pugha mitheluve.

BOTHUBO 2:4

Hipaqono atsutsu ngo ayeghi lhokelo ikoighi keqoe. AMPEU Alhou no ayeghi eno atsutsu mlakelo,