BOTHUBO 1:26 - BAIBEL (BSI)

²⁶ Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

Sumi Naga CL (Re-edited) Bible (BSI)

²⁶ Tithiu Alhou no pi, “Ningu julho eno ningu kimihi lono timi mlani nolo. Eno panoqo pelo azüghi lo akha shou, atsütsü lo aghau shou, eno ayeghi lo pichepighi ngo itikiche lhoxü kümtsü shou qhasülu penie.”

BOTHUBO 1:26 Referans Kwoze

Kolosiami 3:10

Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.

Ephesiami 4:24

nonguye alhoaye akitheu pepuve masae, hiye Alhou kimihi lono lhokeu kuchou kudauno ighikeu, amikucho eno akimthe lono shipepiye cheni.

BOTHUBO 3:22

Tile AMPEU Alhou no pi, “Julo, itehi timiye ningu paphi shivae; kughengu pano kivikusa ithiwuvae. Eno pau chhopuwo akuxupi subo xathi ikhiluve puzu ti chuno pulhapuju xuacheuve nosae.”

BOTHUBO 5:1

Hino Adam polo kughuko kakue. Alhou no Adam lhoke tsala lono Alhou kimihi lono pa lhoe.

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

ISAIAH 64:8

Ikemu noye nipuh AMPEU ke. Ninguye aghani toi ke eno noye alikishiu toike. Nono ni lhoqhike,

Kolosiami 1:15

Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.

James 3:9

Amili pesu ninguno niMpeu eno Apu shikimthi cheni eno hipau pesu Alhou kimihi lono lhopuakeqo akusami ghusho cheni.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

1 Kor. 11:7

Kiptimiye pa kutsu kuzupu kepu kumo, kughengu pano Alhou ngulho eno Alhou jukuvupu yebidetsu ani, ikemu totimino kiptimi jukuvupu yebide ani.

BOTHUBO 9:6

Khuno timi ghiqhini keno pa ghi timino ghiqhive nani. Kughengu timiye Alhou julho lono lhope puanike.

YETSAPIU 7:29

Ino ithi keuye hilikhike: Alhou ye mutsumishei eno muzuchoi ningu lhophe ke ikemu ninguno nipesu kuptshu kupunaiveke.

Apostolmi 17:26

Timi milakhi lau huno pano timi ashiayeh kumtsu lho, eno tipaqo pelo ayeghiqha kuchopu shou kughunalupeke. Panongu pelo ado khikuto akepu eno alughi khipa kutolo kughunakepu keno pa ampino azuuno kughuthavae,

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

1 John 5:7

Ashepe kishi kuthu acheni:

James 3:7

Lhoxu jeli, aghau, itikiche, azulo lhoxu kumtsu chhikughuvulu cheni eno timino chhikughuvue,

ISAIAH 6:8

Tileno AMPEU no ishi pikeu ino chilu, “Niye khuu puwuni kya? Khuuno ni ghenguno wuni kya?” Ino ishi khochile, “Ni hile ani! Ipuwulo!”

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

BOTHUBO 11:7

Ighilo, ningu aqhou iqino panongu tsa kubangu vetsuni nolo, tishianguno panongu lakhino lakhi tsapi ithi pemonie.”

JEREMIYA 27:6

Ashiayeh hipaqo kumtsu pesu iqeu, Babilon kukau Nebukadnezar kuka qholo qhitsu keuye inoke, tughashi ghi pa qepeni keushi ino qhitsuke.

JOB 35:10

Ikemu panonguno ishi pimoe, “Alhou nilhokeu khile ani kya? Pano nipelo putholo ale phelu cheni peke.

John 5:17

Ike Jisu no Judamiqo khochile, “Ipuh ye itehi kutolo mla ani eno niye mla amasae.”

Apostolmi 17:20

Kughengu nono pi ighi akeu nikinilo ta mzaqhiyi chilu anie. Ikemu tipaqo kiqiye kiu keno ninguye ithinishi kutu anie.”

JOB 5:23

Kughengu nono hochekeu lulo atu kuha nani tughashino khilemu ohamo nani.

BOTHUBO 2:19

AMPEU Alhou no ayeghi shipa lono tughashi, tikishi eno aghau kumtsu lhoe; Adam ye tipaqo je kiu kutsu nani kela junike Alhou no pa lau saghie. Ike Adam no akuxu akeu lhoxu pe kiu kutsu keno tino pututa je shive.

ISAIAH 45:18

AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

JOB 39:11

Pa kumto ye shisheno kehu pa pukhubelu nani ma? Momu okumlapu saje pa pelo mla pelu nani ke ma?

ALE KIMCHI 1:11

Ino shuna yila oghenguno mlatsuni, tiye tsandiyi pesu axamunu shi sukeuke.