BOTHUBO 1:21 - BAIBEL (BSI)

²¹ Ike azulo lhoxu kijeje, eno akuxu akeu lhoxu ithachekeu pututa jeli eno achishibo kupu ghau jeli kumtsu Alhou no lhoke; Alhou no ti aloqhi ithulue.

Sumi Naga CL (Re-edited) Bible (BSI)

²¹ Ikehu Alhou no azüghi lo lhoxü kije, eno aküxüküa lhoxü ithakiche jeli, khikhi azü lo chokive taiqho-iqi cheni keno, tipaqo eno achishibo kupu ghauqo ajeli kiqi lono lhoe. Eno Alhou no tipaqo aloqhiyi ithulue.

BOTHUBO 1:21 Referans Kwoze

BOTHUBO 1:25

Ikehu ayeghilo pututa shelo tughashi jeli, tikishi jeli eno itikiche jeli kumtsu Alhou no lho eno Alhou no ti aloqhi ithulue.

BOTHUBO 8:19

Tughashi, tikishi, aghau eno itikiche lhoxu kumtsu pututa jeli muqo shighi ashukaki lono ipeghive.

BOTHUBO 8:17

Eno ogholo lhoxu akeqo kumtsu, aghau na, tikishi na tughashi na ayeghilo itikiche namu sasu ipeghivelo, tishianguno panonguno ati kughukono ayeghi shou nhakha wolu pelo.”

IPEKULU 8:3

Nayil ye achuyino chhive nanike tipaqono tipaa qhiveno okuka kilo, ozuabolo, ozualo, owu kijemi kilo eno nowu timi kilo ighive nani eno nomiphoki eno ali loghi ilove nani.

IPEKULU 1:7

ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

BOTHUBO 9:7

Ike nonguno ati kughukowo eno kighishe wolo eno ayeghi nhakha ikowolulo.”

BOTHUBO 7:14

Tughashi jeli, tikishi jeli, itikiche lhoxu jeli eno aghau jeli kumtsu panongu gholo ilove.

BOTHUBO 6:20

Aghauqo jeli, tughashi qo jeli, eno ayeghilo itikiche qo jeli kumtsu lono kinini ogholo saghilo ti puxupe puanike.

JOB 26:5

Aqhou kithilano itha anie, azu eno tile kughuna kuami akumsano kichiqhi pe ani.

JOB 7:12

Niye azughi ghahwu keo azughi yithu keno noye akheu kughape ikhe anipe kya?

BOTHUBO 1:31

Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.

BOTHUBO 1:18

tsukuzu ngo tsukuvu peitha pe, eno akuvu ngo akuzu kijethave tsue; eno Alhou no ti aloqhi ithulue.

MATTHEW 12:40

Jona no pucho tsala kuthu putho tsala kuthu akha kije polo ngoke hutoi Timi Nu ghi pucho tsala kuthu putho tsala kuthu ayeghi qhou ngo nani.

JONAH 1:17

AMPEU no ahza tsukeu kiqi lono akha kije lakhino Jona munoluve eno paye akha polo atsala kuthu putho pucho ngove.

EZEKEL 32:2

“Thinikuau timio, Ijip kukau lau iquighaikeu sutsa lakhi pesu kutughulo. Isutsa hipau pesu pa tsulo: Noye ashiayehqo gholo abongushu toi mla itha ani ikemu noye tinguno alau akhangushuno aghokilo azu hele akeu toike. Opukhu pesu azu puqove ani eno aghokiye qunniyi ani.

JONAH 2:10

Tileno AMPEU no akha ahza tsuno Jona azu mukulo puqulevepe.

BOTHUBO 1:20

Itaghi Alhou no pi, “Azu lo xu akeu lhoxu jeli kutomo chokive iqho iqi pelo, eno aghau pelo ayeghi shou, atsutsu liho lo yeiqho iqi pelo,” eno tishiluve.

BOTHUBO 1:22

Tishino Alhou no tipaqo kumghatsu ghi ishi pi, “Athi pithilulo eno kighishelu puzu chhilulo eno aghauqo pelo ayeghilo ikowolulo.”

BOTHUBO 9:2

Ayeghilo tughashi aghau, ayeghi shou itikiche lhoxu eno azughilo akeu akha kumtsuno nongu msaighu ghi xunani. Panongu kumtsu ogholo apeni keu shi pephetsu anie.

LESHELE 148:7

Ayeghi kudauno AMPEU sheqhelo, nongu azughi ghahwu eno azughi kutho kumtsu;

BOTHUBO 2:19

AMPEU Alhou no ayeghi shipa lono tughashi, tikishi eno aghau kumtsu lhoe; Adam ye tipaqo je kiu kutsu nani kela junike Alhou no pa lau saghie. Ike Adam no akuxu akeu lhoxu pe kiu kutsu keno tino pututa je shive.

JOB 12:7

Ikemu tughashi ngo kungu ghauqo vilo iniju lo, panonguno oshika nani ke,