BOTHUBO 1:1 - BAIBEL (BSI)

¹ Abothu lono Alhou no atsutsu ngo ayeghi lhoe.

Sumi Naga CL (Re-edited) Bible (BSI)

¹ Abothu lono Alhou no atsütsü ngo ayeghi lhoe.

BOTHUBO 1:1 Referans Kwoze

IBRIMI 11:3

Akupulu lono tsutsu yeghiye Alhou tsano lhophe kepi ninguno ithi kuthulu cheni, tishi kehu kiu ithulu anikeno tipaqoye kumu kuhakeu lono mlaphepuanike.

ISAIAH 45:18

AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

IBRIMI 1:10

Pano highi pipuani: “No Ampeu no abothu lono ayeghi lhopheke, Eno kungughaye o-uno shipe puakeuke.

ISAIAH 42:5

Alhou no atsutsu lhophe eno tipau sukhope puani; pano ayeghi eno tile akuxu akeu kumtsu akoghe shipheke; Pano tile timi akeqo kumtsu lau akuxu eno atuthu tsuke. Itehiye AMPEU Alhou no pa qeu vilo ishi pi,

IPEKULU 20:11

Atsala tsugho lono Ni, AMPEU no ayeghi, atsutsu, azughi eno tipaqolo akeu kumtsu lhoke ikemu atsala akutsuniulo ino akulho qhike. Tighenguno Ni AMPEU no Sabat tsala kumghatsu eno tipau akimthe shitsuke.

JOB 38:4

Ino ayeghiqha kughulho akelo noye khile akya? Nono thwokha ithi ani aye, ivilo pilo?

Apostolmi 17:24

Alhou khipauno ayeghiqha eno tile akeu kumtsu lhokeno, pano kungugha eno ayeghi Mipeu ke eno paye timino shikeu chinekilo achenike kumoe.

2 Peter 3:5

Panonguno puthaputsano mutsuqhei keu vehu hipau juzuve acheni, ike tiye khaghino Alhou tsano atsutsu ayeghi lhopheke. Ayeghiye azu lono azu pesu ghopheke,

NEHEMIA 9:6

Tishieno Israilmino hitoi inikhu: “AMPEU, olikhino AMPEU ke; nono kungugha ngo atsutsulo ayepuqo lhoke. Nono ayeghi ngo azughi eno tipa qolo akeu kumtsu lhoke; nono kumtsu lau akuxupu tsuke. Kungughalo akuka jelino itsaiqi omllake.

ISAIAH 44:24

“Niye AMPEU, nongu xakuluu; nongu lhophekeu huye nike. Niye AMPEU, thwokha kumtsu lhokipheu ke. Ilikhino kungugha sukhope qhike; Ino ayeghi lhokelo, kutami khuu nomu ikuphu puamoe.

JEREMIYA 32:17

“AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

JEREMIYA 51:15

AMPEU no pa kuka pesu ayeghi lhoke; alokutsu pesu pano ayeghiqha lhoqhike eno kungugha sukhope qhike.

LESHELE 33:9

Pa tsa lono ayeghiqha lhopheve; pano ahza tsukeulo thwokha ipeghive.

AHOLE 3:19

AMPEU no pa lokutsu lono ayeghi lhope; pa kighithi lono atsutsu kughupe qhi.

Piyeküsü 14:7

Pano asutsa kuloghi lono ishi pi. “Alhou sumsalo eno akimthe jekipi pa tsulo, kughengu pano timiqo shou kughatha nikeu tuqhudo ighivae. Kungugha, ayeghi, azughi eno azu pukiqo pano lhotsuke, itsaiqi pa mllalo.”

LESHELE 115:15

AMPEU pelo nongu kumghatsu pelo, pano kungugha ngo ayeghi lhoke!

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

LESHELE 136:5

Pa lokutsu pesu pano kungughaqo mlake, pa kikimiye ye lhokta kutolo acheni;

JEREMIYA 10:12

AMPEU no pa kuka pesu ayeghi mlake; Pa lokutsu pesu ayeghiqha lhopheke eno kungugha qhachhowoke.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

LESHELE 8:3

Kughou ino o-uno mlape atsutsulo aqhi, ayepu pututa alo puakeu juni keno;

LESHELE 102:25

Kha-ghino nono ayeghi lhopheke, eno o-u ampino kungugha mlake.

IBRIMI 3:4

Aki shipuakeu kumtsu timi khamino shipuanike, ikemu thwokha jeli shipe puakeuye Alhou noke.

LESHELE 124:8

Nikukuphuye AMPEU launo ighi cheni, pano kungugha eno ayeghi lhoke.

IBRIMI 1:2

Ikemu itehi ashekhalau tsalaloye pano Anu lakhi vechewo ningu vilo pivae. Alhou no pa vechewo atsutsu ayeghi kumtsu lhoke eno pa pelo thwokhalo amheghi kiyighiu shitsuke.

AHOLE 16:4

AMPEU no mlape puakeu jeli kumtsu pututa kimji ani; eno kixikilamiye kutsapinyiveni keu kimji shipe puani.

LESHELE 33:6

AMPEU tsano kungugha lhoke, aqhi, tsukinhe eno ayepuqoye pa tuthu kisheno lhoke.

LESHELE 121:2

Ikukuphuye AMPEU launo ighi cheni, pano kungugha eno ayeghi lhoke.

ZEKHARIA 12:1

Hiye AMPEU launo Israil ghenguno atsape tsukeuke. AMPEU khuuno atsutsu sukhope qhiwo, ayeghi lhophe eno timi lolo akuxupi kughulhotsu keno pano piani:

ISAIAH 40:28

Nonguye mtha kesha? Nonguye chimla kesha? AMPEU ye alhokuthu achekeu Lhou ke; pano ayeghiqha lhopheke. Paye khilemu akulhoshive momu qeinaive chemo. Khunomu pa kukumsu vetha lukha chemoe.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

LESHELE 96:5

Ashiayeh kutami lhouye ajulho shisukeu likhike, ikemu AMPEU no kungugha lhopheke.

Piyeküsü 10:6

eno kungugha, ayeghi, azughi eno tipaqolo akeu jeli kumtsu lhophekeu Alhou, khuuno alhokupujulo xu acheni keno paje lono tushoqhighi ishipi, “Hinguno hilau munuvepemo nani.

Rommi 11:36

Kughengu thwokha kumtsu pa launo ighi, thwokha kumtsu pa vechewo ani eno thwokha kumtsu pa launo kishekha ani.Alhou lau akimthe jekipi pulhapuju apelo! Amen.

Apostolmi 4:24

Kughou panonguno ti chilukeno panongu kumtsuno ighamuku Alhou vilo inikhughi pi, “Kumtsu qhasupe akeu Mipeu, atsutsu ayeghi ngo azughi eno tipaqolo akeu Lhou!

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

ISAIAH 51:16

Ino kungugha sukhope qhike eno ayeghi boqha qhape qhike; Ino Jerusalem vilo pike, ‘Noye iwu timike! ino ikukutsu tsa otsu puani, eno i-u pesu osusho cheni.’ ”

ISAIAH 37:16

“Akughushu MPEU, Israil Lhou, kerubim shou akuka lakhulo iqa akeu, olikhino Alhou ke, ayeghiqhalo akukaqha kumtsu shou ayehpe akeu. Nono ayeghi eno atsutsu lhopheke.

LESHELE 146:6

Khunono kungugha ngo ayeghi, azughi eno tipaqolo akeu kumtsu Lhokutsuu AMPEU pa Lhou mungubeni keno tipano lokivipue. Paye pulhapuju pano piqhivekeu shikupu cheni;

LESHELE 134:3

AMPEU, khuno kungugha eno ayeghi lhokusuu MPEU pelo Zion lono nongu kumghatsu peniu!

Piyeküsü 22:13

Niye Alfa eno Omega ke, atughiu eno ashekhau, abothu eno kishekhakeuke.”

1 John 1:1

Inahu abothu lono akuxupu Tsa khipau acheghi, nino chilu, ninhethino ithulu,nino jupukulu eno niuno bulukeno tipau ghili nongu lau yelu ani.

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

ISAIAH 40:26

Atsutsulo jupukulo! Ayepu nonguno ithulu akeuye khuuno lhophe kya? Ghushimi toi pano aqokitikhi shi sawukeu khije jehi ani keno pano ithi ani eno pano lakhikhi aje pi-ghi kucheni! Pano kukaye kijeke ghenguno tipaqo lakhimu hauvekeu shichemoe!

LESHELE 104:30

Ikemu nono atuthu panongu tsuaye panonguye xuluve cheni; eno akuxu kithe ayeghilo tsuke.

YEKIKITHI ATUGHIU 16:26

Ashiayeh kutami lhouqoye kumtsu ajulho likhie, ikemu AMPEU no atsutsuqo eno thime jeli kumtsu lhoe.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Ephesiami 3:9

Alhou wu tuqhou kukughu kishi shiwoni cheni keno timi kumtsu pelo ithulupe niyeke. Thwokha lhotsukeu Lhou no wovekeu tiqhelimi kumtsu launo pawu tuqhou huye kusupe puacheke,

ISAIAH 51:13

Nonguye nongu lhoqhikeu AMPEU kumsumave akesha? atsutsu sukhope qhi eno ayeghi boqha qhawokeu huye pake. Kushiye nonguye akuxu kupujulo nongu qodaneda chekemino nongu pughuqhikeu eno nongu kutsa veniye kutope akemiqo musa acheni kya? Panoqo loghuye nongu bulumoake.

ISAIAH 65:17

AMPEU no pi, “Julo, niye kungugha kithe eno ayeghi kithe lhophe ani; wovekeulo shivekeqo kumtsu kumsumave nani momu akukumsulo ighimove nani.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

JOB 26:13

Pano atuthu shekelo atsutsuno ilhaphaive, eno pa uno pocheghi keu azu-yithu jiqhi.

YETSAPIU 12:1

Nono lhothemi shiaphi lono oLhophe keu kumsulu lo, atsala kuzuqo sholumphi lono, ti ohaluveno nono “Niye akuxu azuzuvae” ipi nanike.

MATTHEW 11:25

Tipau tuqhulo Jisu no ishi pi, “O Apuo, kungugha eno ayeghi shou Ampeu, ino oshikimthi ani, kughengu nono alokutsumi eno ithikuthuluve kemi launo hipaqo vehu kusupe qhive eno kumthami lau pephepiyeke.

IPEKULU 31:18

Alhou no Muse sasu Sinai Toghilo kuptsa tave puzu atu pha kini pesu patsuke, tipau shou Alhou ampino ahzaqo yepukue.

JOB 9:8

Alhou likhino atsutsu sukhoke, eno azughi ghahwu ghutsu nedake.

ISAIAH 40:21

Nonguye mtha kesha? nongu vilo kha-ghino pimo kesha? Ayeghiye kishi huthu keno nonguye chimla kesha?

KUKAMI AKINIU 19:15

inikhu, “O AMPEU, Israil Lhou, noye achishibo kupuu lhoxu shou okuka lakhulo iqa achekeu, Olikhino Alhou ke ayeghilo akukaphu kumtsu shou nono ayehkipeu ke. Nono ayeghi eno atsutsu lhotsu.

YEKIKITHI AKINIU 2:11

Akukau Hiram no yekili lakhi Solomon khochile. Pano ishi yepesu tsu, “Kughengu AMPEU no paw timiqo kimiye ke ghenguno pano opelo panongu kukau shipeke.

LESHELE 8:4

Timiye kiukeno noye pa kumsulu kepu ani kya! Timi keno ku-u noye pa lamlu kepu kya?