Apostolmi 26:6 - BAIBEL (BSI)

⁶ Itehi niye hile puthugho puzu ishou atsa kugha apekeuye Alhou no nipu asu lau piqhikeulo ino lajukeu akeu ghenguno ke.

Sümi Tiqhelimi Bible

⁶ Eno itehi ye Alhou no ni pù-asüqo lau kiu tushoqhi keno I no tipau shou lajube keu ghenguno ishí ye I shou atsa kügha anie.

Sumi Naga CL (Re-edited) Bible (BSI)

⁶ Itehi I no hile atsa kükügha lo puthugho akeu ye I no Alhou no ni puasü lau piqhikeu lo lajupu akeu ghenguno ke.

Apostolmi 26:6 Referans Kwoze

Apostolmi 24:15

Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani.

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

Apostolmi 28:20

Hipau vehu ghenguno nongu sasu kusho eno nongu putsanike ino iniju, kughengu ayikichhe hipauno itshupe akeu huye, Israilmino khuu laju akeno tipau pa ghenguno niye ishi anike.”

Rommi 15:8

Kughengu ino nongu vilo piakeuno Khristo ye Judami qeu lakhi shive puzu Alhou ye pukhube lukeu kepi piyeni ke eno apu-asu lau piqhipuakeu hu shikumtoniyeke.

Apostolmi 23:6

Ikemu Paul no jupuwo kelo timiqo dolo khamino Sadukimi eno khamino Farisimi shiakha kehu, pano Ahoholo ishi asheshu thuve: “Athikuzumiqo, niye Farisimi lakhi, eno Farisimi nu lakhi ke; hile ishou atsa kugha akeu hipauye kutau lono kumono kithimiye xukithethu shiluve naniepi ino lakuju akeu ghengunoke.”

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

ZAKINIU 18:15

Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 12:3

Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

Apostolmi 26:8

Nongu gholo khuu khumu Alhou no kithimi xuputhukeulo kushiye pulumlano acheni kya?

Apostolmi 24:21

Panongu gholo puthughokelo ino asheshu pikeuye hilikhi: ‘Ishi tsalalo nongu zulo ishou kughatha akeuye kithimiye akuxupu shi xuputhuve nanie pi pulukeu ghenguno ke.’ ”

Apostolmi 3:24

Samuel lono huthu susu pa thiu tungkupu khijeno tungkuptsa pichekeno kumtsuno ishi thoghi vehu pipuakhanie.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

ZEKHARIA 13:1

“Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

Obadiah 1:21

Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

EZEKEL 37:24

Akukau lakhi iqeu David toikeuno panoqo kukau shive nani. Panongu kumtsu ayehkipeu lakhi qholono kuqhaluve nani eno amikucho shi iyezahqo papelu nani.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

LESHELE 132:17

Tipaulo David laghami gholo milakhi pelo ino akukau kije lakhi shipe nani, hileno ino kisheluvekeu ghenguno akulu lakhi kutope puatsu ake.

LESHELE 132:11

Nono tsaquikeu shoqhi lakhi David lau piqhi puani, tipau shoqhi noye ikhichilevemo nani: “Onuliqo gholo milakhi pelo akukau shipe nani, pano othiu ayehpe nani.

LESHELE 98:2

AMPEU no pano toluvekeu pithiwoke; Ashiayeh qo lau pawu xakulupu kuka pithiwoke.

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”