Apostolmi 13:1 - BAIBEL (BSI)

¹ Antiok akukuhou lo tungkupmi ngo kutsuchekemi akhae: Barnaba ngo Simon hipau pesu “Tsubuyi” ipi kuchekeu, Kurinia lono ighikeu Lukia, Manaen khuu ahng Herod sasu kumtsa lojiputhu keu eno Saul ishi ae.

Sümi Tiqhelimi Bible

¹ Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Sumi Naga CL (Re-edited) Bible (BSI)

¹ Antioch kukuhou lo tungkupmi ngo shikükami hipaqo ae: Barnabas, Simeon khuu Niger ipiche keno, Cyrenemi Lucius, yepeu Herod poshuu Manaen, eno Saul.

Apostolmi 13:1 Referans Kwoze

Apostolmi 4:36

Ikehu Levi laghami lakhi Josef ipikemi Kupra noghami, khuu je apostolmiqono Barnaba kukithevetsu keno (tipau kiqiye timi shikumtokutsu-u).

Apostolmi 15:35

Paul ngo Barnaba pamaye Antiok lo ngo kutamino kutomo sasu Ampeu tsa pe kutsupiye eno asheshu ae.

Galatiami 2:9

Alhou no amakho hipau itsuke akukuholo sakiphemi shiaghikeqo, Jems, Pitor eno Johan ishino ithulu puzu panonguno Barnaba ikujo sasu aqo lakhi kepi petha shino kuposhulu. Nino Judakumomi gholo mla wunikeu shi eno panonguno Judami gholo mla nikeu shi kughalue.

Apostolmi 13:9

Ikemu Saul, khuu Paul ipi kuve keno Aghungu Kimthe no ayi teqhiyi shipuzu, thebeyi Elumo ju puzu ishi pi,

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

Apostolmi 15:32

Juda ngo Sila pama ghi tungkupumi kehu atsa kutomo pesu pi puzu athikuzumi hakitekile eno panongu shikumtotsu.

Luke 3:1

Hiye Tiberia Kaisar no kakeu ampe chighi apungu-u shia, Pontio Pilat no Judia lo Ahng shia, Herod no Galil lo ayekipeu shia, eno pa thikuzuu Filip no Ithuria ngo Trakontis yeghi sukumxalo ayehkipeu shia; Lusania no Abileni lo ayehkipeu shia,

FILIPIAMI 4:22

Hilau Alhou timiqo, eno akhotono Rom yehkipeu Kaisar kibolomino petha tsupuwu ani.

Galatiami 2:13

Athikuzumi Judami kutamiqo ghi Pitor gholo supuzu ighuve ike Barnaba thotsu panongu kuyighu gholo kidisawuve.

1 Kor. 9:6

Ikeo Barnaba ikujo likhino akumla shipuzu xumasa kya?

Rommi 16:21

Isasu kumtsa mlachekeu ikusau Timothi no nongu petha tsu ani, tihutoi Judami ikusami Lukia, Jason, Sasipeter ishi ghi petha nongu tsu ani.

Apostolmi 21:9

Pa nga ilimi bidi akeqono tungkuptsa piche.

Apostolmi 19:6

Kughou Paul no panongu shou pa-u chhopesu kumghakeu bekeno Aghungu Kimthe panongu shou ighi, eno panonguno amili kithe lono pi eno tungkup-tsa ghi pi.

Apostolmi 11:30

Panonguno titoi shi, Barnaba ngo Saul pama ulono akukuholo kichimi lau akukuphu tsupuwue.

1 Thes. 5:20

tungukuputsa mithi kevilo

Apostolmi 12:25

Barnaba ngo Saul pamaye kiu ghenguno puwukela shikupuve kethiu Jerusalem lono ideighive eno Johan khuu Mark ipi kuchekeno pama gholo sasu ighi.

Apostolmi 9:1

Ikelo Saul ye Ampeu no kutsukeulo papeluvekemi pithive nikeu shi kichikumsa ake. Pano achinetou lau wu eno

MATTHEW 27:32

Panonguno wuchekelo Kurinia noghami Simon ipikeu sholu, ike ghushimino tsumomo pa pelo Jisu wu kros xapupe.

1 Kor. 11:4

Ike kiptimi lakhino aqo-hoholo akelo pa kutsu kuzupuno inikhu momu Alhou tsape shiaye Khristo shipunha ani.

1 Kor. 13:2

Niye tungkupu tsa pikulupu kuka aghiluvi eno muzamughaleyi keu jeli kumtsu eno akighithi jeli kumtsu ithikuto aghi luvi, ikupuluno naghutoqo tukiqhe kulupu kuka aghiluvi, ikemu kimiyekini kuha aye, niye kiumu kuhae.

1 Kor. 13:8

Kimiyekiniye khilemu ashekha shivemo nani. Tungkuputsa ghi kishekhave nani, amilino pikeu ghi hauve nani, akighithi ghi ashekha shive nani.

1 Kor. 14:29

Tungkupmi kini momu kuthu pelono pipelo, eno kutami pelo panonguno pikeu tsalo kughathaju pelo.

1 Kor. 14:32

Alhou tsape shinikemi nguaghaye akipiuno alikhi aghasu kulupu shikepuke;