Apostolmi 1:5 - BAIBEL (BSI)

⁵ Johan no azu pesu baptiz shitsue, ikemu atsala kutomo womono Aghungu Kimthe pesu nongu baptiz shivetsu nani.”

Sümi Tiqhelimi Bible

⁵ Kughengu John ye azü lono baptiz shitsü ke, ikemu atsala hami thiu nongu ye Aghungu Kimthe lono baptiz shitsü nani.

Sumi Naga CL (Re-edited) Bible (BSI)

⁵ kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 1:5 Referans Kwoze

MATTHEW 3:11

Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

Luke 3:16

Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

Titus 3:5

pano ningu xalue, tiye ninguno akumla kivi kiwala shiluke ghenguno kumoe, ikemu pa ampino kimiyekini kehu lhokikithe shi qhukimithe keu vechewo eno Aghungu Kimthe no akuxu kithe shitsukeu vechewo pano ningu xalue.

Mark 1:8

Ino azu pesu nongu baptiz shivetsuae, ikemu paye Aghungu Kimthe pesu nongu baptiz shitsu nani.”

Apostolmi 19:4

Paul no pi, “Johan no baptiz shitsu chekeu huye timi khunoqono xukithelu akeno tipaqo ghenguno ke. Pano timiqo vilo pichekeuno, pa thiu milakhi chekeu shou pulubelo picheke, ike tiye Jisu pi ake.”

Apostolmi 10:45

Eno Jopa lono Judami kupulumi Pitor gholo ighikeqoye akichiqhive, kughengu Judakumomi shou ghi Aghungu Kimthe lepukutsu kehu.

John 1:31

Ni ampi ghi paye kiu keno mthae, ikemu ino azu pesu baptiz shitsu ighikeuye Israilmi lau pa kilethisutsu niyeke.”

JOYIL 3:18

‘Tipa ghulokiloye naghutoqoye atsayiluno nhachhive nani, Atoghi kumtsulo amshi cheghi nani; Juda lo aghokiti akeu kumtsulo azuno lukumkha shi auve nani. AMPEU Achine ki kudauno aghoki lakhi qoipeghi nani, eno tipauno Akasiabo Khila azu putsuwo nani.

MATTHEW 3:6

Timiqono panoqo xine pipheve eno pano panongu Jordan lono baptiz shitsue.

John 1:26

Johan no panoqo khochile, “Ino azu pesu baptiz shitsu cheni, ikemu nongu gholo milakhi puthugho akeu mthano anie,

John 1:33

Niye pa mthano ake, ikemu ivilo azu pesu baptiz shitsupe nike Alhou no ivilo ishipi, ‘Aghungu Kimthe no khuu shou iqighi puzu ngokeu nono ithulu nikeno tipauno Aghungu Kimthe pesu baptiz shitsu nikeu ke.’