Apostolmi 1:3 - BAIBEL (BSI)

³ Pano akithi sholuve kethiu atsala lhobidi kutolo paye xuaphi kepi thwokha lono pa likhi pano panoqo nhepithe eno panonguno pa ju ithulu eno pano Alhou yehkipe vehu pesu panoqo putsae.

Sümi Tiqhelimi Bible

³ Pa kithí ghime thiu, pa no timiqo lau ipeghi pìye eno pa ye xü aphi kepi pülükulupu michipuqo kutomo pìye ke. Pa no atsala lhobidi kutólo panongu lau ipeghi pìye eno Alhou kükaphu ghili pesü pi acheke.

Sumi Naga CL (Re-edited) Bible (BSI)

³ Pa no imeve kethiu ajeli kutomo lono thopi shi pa ye ani pikeu piye, atsala lhobidi kutolo panongu lau ipeghi piye eno Alhou yekipe ghili pike.

Apostolmi 1:3 Referans Kwoze

Apostolmi 13:31

Atsala kutomo kutolo timi khunoqo Galil lono pa sasu Jerusalem kuto pa gholo iqho keno tipanoqo sasu kusho, eno itehiye panonguno timiqo lau pa shepe shikemiqoe.

John 20:26

Atsala tache thiu pa khopemiqoye itaghi aki sholokuu kumqope ae, eno Thoma ghi panoqo gholo ae. Ahukikha ye khapepua, ikemu Jisu no iloghi puzu panongu gholo puthughope ngono pi, “Alokughuno nongu gholo alo!”

1 John 1:1

Inahu abothu lono akuxupu Tsa khipau acheghi, nino chilu, ninhethino ithulu,nino jupukulu eno niuno bulukeno tipau ghili nongu lau yelu ani.

John 21:14

Jisu akithi lono xuputhuve kethiu pa ampino akhopemiqo lau ipeghipiye keu hipaupha akuthuuke.

John 21:1

Hipathiu, Jisu no itaghi Tiberia zughi lono pa khopemi lau pa ampino ipeghipiye. Pano hitoi shi-ghi panongu lau ipeghipiye.

MATTHEW 28:9

Paikhavino Jisu no ala lono panoqo sasu kushono ishipi, “Alokughuno nongu gholo alo!” Tile panonguno pa kupunu ighi eno pa pukhu tsuqupe puzu itsaiqino pa mlla.

Apostolmi 28:31

Pano kumtsu gizu lono eno kiunomu pa lakha keu kuhano Alhou yehkipe ghili pikulha eno Ampeu Jisu Khristo ghili pesu kutsu che.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

Kolosiami 1:13

Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

Rommi 14:17

Kughengu Alhou kukaqhaye kuchu kusho vehuke kumoe ikemu Aghungu Kimthe no tsukeu mikucho ngo alakishi eno alokivi ishie.

MATTHEW 21:43

Tighenguno ino nongu vilo pini,” Alhou yehkipeye nongu launo pewuve nani, eno tipa xathi achipilo pithitsunikemi shiayeh qo tsuve nani.”

ZAKINIU 9:9

AMPEU no nongu sasu puloshoqhi shivekeu yepeqhikeu tu phaqo lunike ino naghutolo iqhoke. Tilau niye pucho tsala putho tsala lhobidi ngove eno kiumu chu shomoke.

MATTHEW 4:2

Paye putho-pucho tsala lhobidi achuqupu chumono ae, ikehu Jisu ye shishe mzuthive.

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

KUKAMI ATUGHIU 19:8

Elija no ithughiveno chu-sho luve eno alibe pa tsukeu no pa ghenguno atsala lhobidi kutolo akumto shiluno chewo Sinai akimthe toghi tolu.

ZAKINIU 9:18

Tishieno itaghi AMPEU gizulo iqi pishiqhope pucho tsala putho tsala lhobidi kutolo ihozuke eno kiumu chu shomoke. Ino hipau shikeuye nonguno AMPEU shou axine shive eno pa pelo aloghu idevepe kehue.

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Apostolmi 8:12

Ikemu Filip no Alhou yehkipe wu Atsakiviu eno Jisu Khristo je pesu panoqo lau asheshukeulo panonguno puluve puzu panongu kiptimi ngo totimi ishi baptiz shilu.

Apostolmi 19:8

Paul no Sinagog lo wuno aqhi kuthu kutolo amlo kumto shi timiqo putsa, kutsalajukeu eno mutsumishe ithilu penikeu ghola peitha puzu Alhou yehkipe ghili pikulhae.

Apostolmi 28:23

Ikehu panonguno Paul sasu ghulo lakhilo kushonikeu shi kihithave, eno panongu kutomo shesu Paul kungoalo ighi. Inaqhe lono putho kutolo pano pichekeu apasushi lhepiye, eno Alhou yehkipe ghili ashepe shi. Pano Jisu ghili pesu panongu pelo mutsuqheyi ithivepe nike pukaputsa ghi Muse yezah lo eno tungkupmino yepuakeu lono kichephepe piye.