AMUS 1:3 - BAIBEL (BSI)

³ AMPEU no pi, “Damaska lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ayikusu pesu Gilead lo kuamiqo peithake.

Sumi Naga CL (Re-edited) Bible (BSI)

³ Ampeu no ishi piani: “Damascus xine küthü ghenguno, eno bidi ghenguno, Ni ye aghime süchilemo nani; kughengu panongu no chisheda keu yikhumu pesü Gilead chisheqhi ke.

AMUS 1:3 Referans Kwoze

AMUS 2:6

AMPEU no pi, “Israil lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguye amikuchomino apiagha lomlano akeqo, kumlhomi khunoqono pano pukhukuqho tuna lakhi me ghi lochilemlano akeno tipaqo kugha pesu timi qecheuve peniye panonguno jechuke.

AMUS 1:9

AMPEU no pi, “Tur lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi lhoxu kumtsu Edom yeghilo piyighiuve peke eno visho shipuakeu pemoveke.

ISAIAH 8:4

Anu itimi huno ‘Ipuo’ ‘Izao’ ipimla aphi lono Damaska lo kinikulu kumtsu eno Samaria lo kinikulu xulesuwo puakeu kumtsu Asiriya kukauno xapuwuve nani.”

KUKAMI AKINIU 8:12

“Noye kushiye qa anikya, akijeu?” ipi Hazael no iniju. “Kughengu nono Israil timiqo lau ighono kumsa kimshipu mlani keu ino ithuluve ake ghenguno qa anike,” ipi Elisha no pi. “Nono Israilmi wu aghukhuaqo amisu pitivetsu nani, lhothemi kivimiqo ghiqhivetsu nani, panongu nuliqo ayeghilo qodave nani, eno topumi mishi chekeqo akuchughi ghixuvetsu nani.”

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

AMUS 2:1

AMPEU no pi, “Muab lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno Edom lo akukau saghi phimo gihumo puzu tipaqo piti pesu ayevu kughulhoveke.

AMUS 1:13

AMPEU no pi, “Amun lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno alughi alau ikowoniaye aghu shikeulo panonguye Gilead lo totimi mishipu aghikemi po ghilevetsuke.

AMUS 1:6

AMPEU no pi, “Gaza lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi kumtsu sawuve eno Edom lo akemi quaxemi shipe nike panoqo jesuveke.

ZEKHARIA 9:1

Hiye AMPEU tsapeke: AMPEU no Hadrak yeghi ngo Damaska phughi aghime tsunikeu kughathave ake. Israil lo ashiayeh akeqo likhi kumono Siriya phughi ghi AMPEU wu ke.

AMUS 1:11

AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

ISAIAH 41:15

Ino opesu ashu mutsusuyi eno tsughaminhei keu athiqoche keu lipa shini. Nono naghutoqo qoqhi puzu tipaqo kutsave nani; atoghiqo amukhu kughulhove nani.

ISAIAH 7:8

Kughengu Siriya ye tipau phughitou Damaska nguno akumtou kumoke, eno Damaska ye Akukau Rezin nguno akumtou kumoe. Israil ghenguye ampe lhotsugho pungu dolono ipopinyive nani eno ashiayeh lakhi shi puxuamlave nani.

YETSAPIU 11:2

Kughono angkusa tsala ighini keno mthake a-a kutomolo lhidi jeli shipe pualo.

AHOLE 6:16

AMPEU no mithi chekeu thime tsuni ani, paye tipaqo khilemu kutuu mlae:

JOB 19:3

Hi ghuthu chighi kutolo nonguno ithake, eno ilau titoi akumou shikeghi nonguye akukujo ghi kuhamitheyi ke.

JOB 5:19

Pano akupuna tsugho lono oxaphe luve nani iyei akutsuniu loye alhoksa pelo obu pemo nani.

KUKAMI AKINIU 13:7

Jehoahaz ye ghushimi kuha ipuzu khurshi kusami lhopungu, khurkulu chighi apukhu lono chewuni kemi 10,000 likhi ae, kughengu Siriya kukauno kutomo heqhi khavetsu eno ayeghi mukhu toi kughulhovetsu.

KUKAMI AKINIU 13:3

Tighenguno AMPEU no Israilmi shou amlo ideveno Siriyami kukau Hazael eno pa nu Benhadad pelono ghuthu kutomolo Israilmi shou tolu auvepe.

KUKAMI ATUGHIU 19:17

Hazael ulono pokaluve aghimu Jehu no pithivetsu nani eno Jehu u lono pokaluve aghimu Elisha no pithivetsu nani.

KUKAMI AKINIU 16:9

Tiglat Pilaser no Ahaz no qhuiniju keu kiqi lono pawu ghushimi sasu Damaska le ighino toluve eno akukau Rezin heqhi pithive eno pawu timiqo kugha sasu Kir lo akughu shi cheve.

ISAIAH 7:16

Tipa ghuloki ighi mphi lono kukami oshithughuyi akeu pama yeghiye hale pighive nani.”

ISAIAH 28:27

Paye khilemu asuthalu pesu napa lothi momu pulakhu lothi qophe chemoe; ikemu tipau lothi qhemi lono asuta kumthu peitha cheni.

ZEKHARIA 9:2

Hadrak sasu kulughi akeu Hamat ghi pawuke eno Tur ngo Sidon phughiqo eno panoqono shithi aghikeu jeli kumtsu pawuke.