ALE KIMCHI 3:2 - BAIBEL (BSI)

² Niye itehi ithuno aphughiqha, alaghila eno bidola kumtsulo wuno ino kimiyechekeu phuwuni.

Sumi Naga CL (Re-edited) Bible (BSI)

² Itehi ni ye ithu no aphughi qhalo wuni, alaghila eno kobidi qhalo phuwuni; I ngulho no khuu kimiye cheni keno pa phuni. I no pa phuju kemu phumlave.

ALE KIMCHI 3:2 Referans Kwoze

Ephesiami 5:14

eno kiu kiu namu ithuluvepe aye akuvu shiluve cheni. Tighenguno ishi pipuanike, “Ithuvelo, O zuakeu Kithimi gholono ithughivelo, Eno Khristo no oshou yepuvu tsu nani.”

1 Kor. 15:34

Nongu kukumsu achipiulo ighivelo eno axine shikithe akevelo. Kughengu nongu khamiye Alhou mthake, nongu shikukujo nike niye hipau piani.

Rommi 13:11

Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae.

John 1:6

Alhou no pa ghini kishimi lakhi puwu, pa jeye Johan.

JEREMIYA 5:1

Jerusalem lo akemiqo, alaghilalo iqho iqijulo! Jukutolo eno kishi ani keno ithilo! Alhikishi-a kumtsu phujulo! Timi lakhi likhinomu achipiu shi kemi eno Alhou lau amikucho shi chekemi nonguye phulu anima? Nonguno phuluaye, AMPEU no Jerusalem kipimi qhivetsu nanike.

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

ALE KIMCHI 5:5

Ino ithuno ilomi khaqhi sunike musughuta i-ulo pe eno axo kutsungu teli i-u lotilo nupuno ahukikhalo tsuqupe ithuthu shekukuno ake.

AHOLE 8:34

Khunono itsa inini keno, iwu khagholo tsalakipetsu khekutoni keno ikikha phivilo ngokheni keno, paye alovilu nani.

ALE KIMCHI 3:3

Aphughilo iqhoiqi khechekemino ijuthuluve. Ino panoqo vilo iniju, “Nonguye ilomi ithulukeo mokya?”

ALE KIMCHI 1:7

Ivilo pilo, ilomi Noye otsu-aqu khilehino kumzaniye sawu cheni kya? Tipaqoye puchomghulo khilehi ngopeni kya? Kushiepi niye itsuchekemi toi okusami tsuaqu pape cheni kya?