ALE KIMCHI 2:3 - BAIBEL (BSI)

³ Aghasubo gholo pukhothibo lakhi aketoi ilomiye lhothemi gholo lakhi. Ino alokiqhishi pa kicheqholo iqa eno tipau xathi michejukelo ngoyini.

Sumi Naga CL (Re-edited) Bible (BSI)

³ Aghasü lo asüboqo dolo apple xathibo akeshi I qhuu ye apumiqo gholo titoie. I no azüküvü kije lono pa kusho qholo iqa eno I lopushi pa xathi kungo michelue.

ALE KIMCHI 2:3 Referans Kwoze

ALE KIMCHI 8:5

Asayeqha kudau li lomi mungupesu chechekeu hupauye khuu kya? Pukhothibo qholo ino okudaputhuke, tileno ozano opunu niye ihi ake, tipa alono opunuke.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

ISAIAH 25:4

Kumlhomi ngo kuhakemino olau powuke eno shiluksa ghulokilo nono panoqo puxupe qhike. Nono pasapagha launo panoqo kusuqholuve eno pitipuzakeu kushu lono panoqo susholuve. Ayikusamino susutsalalo pasapagha toi leighike, qhaike yeghilo tsughumoveke tsala toike.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

EZEKEL 47:12

Aghokiti muku hula hilaulo asubo jeli kumtsu achuqupu shitsu nike thuipeghi nani. Tipaqo nipaye khilemu ighuivemo nani eno tipaqoye khilemu axathi pithi tamo nani. Tipaqoye aqhi atsu-tsu axathi kuxu pithi anani, kughengu tipaqoye Achineki lono qoipeghikeu zuno putsu ananike. Asuboqono achuqupu shilupe nani eno tipaqo nipaye timiqo shipivi nikeulo peithalu anani.”

ISAIAH 4:6

Pa kimthe jukuvuno pucho mughu kulu lono aphughi shope ngo nani eno tipa-aye tsutsughu ngo pasapagha launo sushopesu xakulupua lakhi shi nani.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ALE KIMCHI 5:16

Pa tsapiye jumghayike; paphi kumtsulo imusuluve kepu likhike. O Jerusalem lo totimiqo, hiye ilomi eno ikusauke.

ALE KIMCHI 4:16

Ahuu mulhu, Appeu mulhu idathughilo, ighutu shou mulhu pukulo; tsungquikeuno amlhulo chhilulo. Ilomi pelo pa ghutulo ighi puzu tipaulo axathi akiviu chupelo.

ALE KIMCHI 2:5

Atsayithi kipiki pesu ighuthi puxutsu, pukhothi pesu ilopiqitsu; niye kikimiye kusuno suauvae.

LESHELE 91:1

Timi khunono Shishe Akiqheu kicheqholo acheni. khuno Akughushuu sukusholo acheni keno,

LESHELE 89:6

Kungughalo otoikemi lakhimu kuhae, O AMPEU; kungughami khumu oqhemi kuhae.

LESHELE 57:1

Ikimiye tsulo, O Alhou, ikimiye tsulo, kughengu opelo isusholutsu peniyeke. Ochishibo kicheqholo ino ijehlu nanike, tiye shikupsa pasapagha hechelumoke kutolo.

LESHELE 45:2

Timi dolo noye ajukiviu ke, atsapilo noye aghileshi pilukemi, Alhou no pulhapuju okumghatsu cheni.

XAKUTHAMI 9:15

Asahukupu subo huno pi, ‘Nonguno kuchouno ipesu nongu kukau shinishi aye, hilau ighino ikicheqholo ngolo. Nonguno tishimo aye ami pelono iwu sahukupu loka lono ipeghino Libanon lo kedar ghasu mulhavepe nani.’ ”

ALE KIMCHI 1:16

Ino kimiyekicheu, noye shishe puyelei; nono izupuvutsu cheni! Atsaneghuno nizu-a shini;

ALE KIMCHI 4:13

Tipaqoye khaghatu xathi li lakhi toi thuwu acheni eno axathi akiviu likhi pithi acheni. Tilehiye amchhu, axokutsungu tsuni,

ALE KIMCHI 7:13

Noye tileno zunilobo xo tsungulu nani, eno axathi aghile jeli kumtsu nihukikha phivilo anike. Alomi, olopivi kepu jeli aqau ghi akitheu ghi ino oghenguno hekutsu puanike.

ALE KIMCHI 8:11

Solomon ye Bal Harmon ipichekeu alo atsayilu lakhi ake. Tile alukichimino pa launo tipau mishi chi cheke; milakhi khino tsandiyi pisa 1,000 tsuche.

ALE KIMCHI 8:12

Solomon ye pawu pisa 1,000 luaghiluvi, eno alukichimino pano saje pisa 200 luaghi luvi; Ikemu niye isala iwu atsayilu ani!

JOYIL 1:12

Atsayibo ngo khughuthiboye thizummuyivae; axathibo kumtsu kimghoiveno thivae. Timiqo lokivi chevae.

LESHELE 45:3

Ozutakihi oyikulo chhe pululo, O Akughushuu; noye ajekipi eno akiqhe akighicheuke.