ALE KIMCHI 1:4 - BAIBEL (BSI)

⁴ Ogholo kumtsa wunike isawulo; ochebolo isawulo o akukau; Nikujo alovi kuqhani, okikimiye ye aji nguno alokiqipu ke. nono vape keuye ale nguno akiviuke!

Sumi Naga CL (Re-edited) Bible (BSI)

⁴ I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

ALE KIMCHI 1:4 Referans Kwoze

John 6:44

IPuh ipuwu puakeuno ilau pa sunhesaghi moke loye khumu ilau ighimlae; eno ashekha tsalani ino pa xuputhuve nani.

HOSIYA 11:4

Ino panoqo khapeqhe puzu igimuchu kutolo panoqo khadalue; Ino itsaiqi puzu panoqo lojike.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

JEREMIYA 31:3

ino putosuuno panoqo lau ipeghi piyeke. Israil lo akemiqo, niye pulhapuju nongu kimiyeke, ikehu iwu iqemokeu kikimiye pesu ino nongu lau piyechephike.

IBRIMI 12:1

Ike ningu sheloye thopimi aqokitikhi hijejehino ningu suhu muxape anike ghenguno, ningu punaqhikeu jeli kumtsu eno axine khipauno tsatsayi ningu pufuluve cheni keno tipaqo xaqhiveni nolo, eno ningu zulo pokimhekepu qhitsukeu hu amloithamono poni nolo.

Luke 22:19

Tishieno, pano asho ikhiluno shikimthi Alhou tsu puzu hi suphope panongu tsuno pi, “Hiye iphimpike khikhi nongu ghenguno tsuvekeno.Ikumsuchilelunike hi shilo.”

Luke 2:10

Ikemu kungumino panongu vilo pi: “Musa kevilo! Ino nongu lau asutsa kivi lakhi pe cheni, tiye alokivi kije timi kumtsu lau ighiniye akeu ke;

MATTHEW 25:10

Ikehu panonguno amizu qhuwuniye wuve kelono kulapuu hu ighive. Ilimi pungu khunoqono kutope akeno panonguye pa sasu kulakupu ghulhulo ilove eno ahukikhaye khave.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

ISAIAH 63:7

AMPEU wu iqemokeu kikimiye ino pia nani; pano mlatsukeu kumtsu ghenguno ino pa sheqheni. Pano kinikulushi Israil lo timiqo kumghatsuke, pawu kupuqhiyikeu eno iqemokeu kikimiye ghengu noke.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

ISAIAH 45:25

Ni, AMPEU no Jakob laghami kumtsu xaphelu nani, eno panonguno sheqhekeu itsu nani.”

ISAIAH 25:8

AMPEU Alhou no alhokupuju ghenguno akithi kutsavetsu nani! Pano timi kumtsu nhethi lono anhezu isuvetsu nani eno pawu timiqono ayeghiqha zulo kujo muzakepushi imeachekeu ikhipe wuvetsu nani. AMPEU ampino pi ani!

ALE KIMCHI 3:4

Ino panoqo qhiveno wuve kemtsa ino pa phulu. Ino pa valuve eno pa sasu izano kilo ipunu chebo kutolo wu eno niye pa phepuwumoe.

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

Ephesiami 2:6

Khristo Jisu gholo xukimepe akeu lono ninguye pa gholo xuputhuve eno kungughalo ningu pelo pa gholo iqapeke.

ZEFANIA 3:14

Israil lo akemiqo, alokivi launo shipili ighalo! Jerusalem, omlo kuchopu pe alovilo!

LESHELE 119:60

Kumnumono niye mutazu ozahkutsu gholue.

LESHELE 119:32

Niye ozahkutsu gholuni keuno khekulhoke, kughengu nono ithikuthulu kepu itsu nani.

LESHELE 111:4

AMPEU ye ningu pelo pano akumzapu kumla shikeu kumsumavepe chemoe; paye kimiyekini eno kupukinike.

LESHELE 63:5

Ingulhono atha ngo aqu chuakeshi aghaqilu nani, ino alokivile phepe osheni.

LESHELE 48:9

O Alhou, ochineki alou ninguno okikimiye iqemokeu kumsu kutoju ani.

LESHELE 42:4

Wovekeu ghili kumsuluaye imlo ghi ipopinyike: ino aqo gholono Alhou kilo wuchekeu eno panonguno ipapesu shekujo wuchekeu, aqokitikhino tiqhetinilo alokivishi alephe igha eno Alhou sheqhe chekeu hulae.

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

FILIPIAMI 4:4

Pulhapuju Ampeu lono alovilo, ino itaghi pi ani: alovilo!

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

Ephesiami 6:24

Thimlakeu kimiyekini lono ningu Mpeu Jisu Khristo kimiyechekemiqo shou Alhou wu kupukini apeniu.

ALE KIMCHI 4:10

Okikimiye ye kiutoi ngoniyi kela! imlo kuchuu eno iwu kulaliu. Okikimiyeye atsayiji nguno akiviuke; owu vekutsungupu teliye jumghai keu mukhu nguno tsungquike.