AKUMLO 2:5 - BAIBEL (BSI)

⁵ Aghumi lakhi hutoi AMPEU no Israil kutsave; Paye pawu aliwo ngo kukaki shipusa pesu qhive. Juda lo akemi shou pano tamo mithe keu mlokusa sughike.

Sumi Naga CL (Re-edited) Bible (BSI)

⁵ Ampeu ye aghümi toivae; Pa no Israel munovae; tile kükaki kümtsü munovae; sükusho-aqo kütsaleve tsüae, eno Pa no Judah nga mloküsa ngo akumlo küghüsüve tsüae.

AKUMLO 2:5 Referans Kwoze

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

AKUMLO 2:4

Aghumi toi pa piji pesu ni mijike; Pano ami toi axukighide lepheno achinekilo Zion limi nino jupe amloqi chekeqo pithi khavetsue.

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

EZEKEL 2:10

Au huno likuzu-kaku xachhove eno tipau putoputo kudau yepuku puakeu ino ithulu, tiye amlo ghuju ngo qamlokeu eno sukutukeu ghugha tipaulo yepuku puae.

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JOB 13:24

Noye kushiye ogi kusuluve ani eno ipesu oghumi shighi kihive ani kya?

LESHELE 89:40

Nono pa phughi putukhakeu khagho hexapinyivetsue eno pa liwoye ixapinyi qhiveke.

ISAIAH 29:2

no tithiuno “Alhou wu akipti khache” ipi kuchekeu phughi shou Alhou no kutsakungo sughi nani. Tile mulo qakeu eno qanhe nhekeu ani eno aphughi kumtsu akipti khache lakhi ajino nha luvekeu toive nani.

JEREMIYA 21:4

Zedekiya vilo pilopikeu pesu ino pike: “Zedekiya, owu ghushimi qono Babilon kukau ngo pa ghushimi sasu aghushi akeulo ino nongu pelo tomlave peni cheni. Aphughi mtsalono ino owu ghushimiqo ghunanu kisheqhipe qhi nani.

SAMUEL ATUGHIU 28:16

Samuel no pi, “AMPEU no opheve eno oghumi shive kethiuno noye kushiye iku anikya?

JOB 19:11

Paye ishou aloghuide anie, eno ikughapesu pa ghumi toi peithae.

LESHELE 89:41

tipa veche wuchekemi kumtsu paw tinhemgha pukaluvetsu; pa kisughumi kumtsuno pa junuke.

ISAIAH 63:10

ikemu panonguno pa hebideke eno pa pelo amlo kusapu shivepeke. Ikehu AMPEU ye panoqo ghumi shive eno panoqo sasu aghushiwuveke.