AKUMLO 1:4 - BAIBEL (BSI)

⁴ Akimthe tsalalomu itehiye khunomu Achinekilo mlla nike ighi chemovae. Ilimi tilehi alephe chekeqoye ime auvae eno achinemino ighaphe mlano suaukhavae. Aphughi khagholo khumu kuhae eno Zion ye piti puzaqhiyi ani.

Sumi Naga CL (Re-edited) Bible (BSI)

⁴ Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

AKUMLO 1:4 Referans Kwoze

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

JEREMIYA 14:2

“Juda ye mloqa ani; tipau phughiqoye thi ayeake, tile akemiye amlokusashi ayeghilo ihozu, eno Jerusalem ye kuphulepi ighamuku ani.

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

AKUMLO 5:13

Niwu apumiqoye anguka lono aquaxemi toi athi tsughupeke; Asu ape kimshi xapukeuno kiptimi itimiqoye kulokuloi veke.

ISAIAH 3:26

Aphughi kuptu kikhano mloqa ighamuku nani eno aphughi huye totimi lakhi aphimini xavetsu puzu ayeghilo iqa akeu toive nani.

AKUMLO 1:21

‘Ino kishi sukutu igha ani keno inijulo: khunomu ikuphuni kemi kuhae. Nono kutsakungo keu ishou su ighi kepi ighumiqono chiluno alovi akhani. Nono tushoqhi puakeu tsala hu sughitsulo eno ighumi pelo itoi shilusa pelo.

ACHINE 26:22

Ino nongu gholo akumsapu tughashi puwu nani eno tipaqono nongu tianuli heqhive nani, nongu tsu aqu kutsave nani eno nonguye timi aghulo likhive nani eno nongu laghiqoye yenguyeleive nani.

AKUMLO 5:14

Muchomiqoye aphughi khagho phivilo iqa kuho chemovae, eno lhothemiqoye alephe chemovae.

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.