AKUMLO 1:21 - BAIBEL (BSI)

²¹ ‘Ino kishi sukutu igha ani keno inijulo: khunomu ikuphuni kemi kuhae. Nono kutsakungo keu ishou su ighi kepi ighumiqono chiluno alovi akhani. Nono tushoqhi puakeu tsala hu sughitsulo eno ighumi pelo itoi shilusa pelo.

Sumi Naga CL (Re-edited) Bible (BSI)

²¹ “Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

AKUMLO 1:21 Referans Kwoze

AKUMLO 1:8

Jerusalem ye shishe axine shiveke ghenguno niqhunilayivae. Li gihu chekemi kumtsuno li thaigha ani, kughengu panonguno li phi kumsa akeu ithulue. Liye ihi su ani eno agi kusuluvae.

AKUMLO 2:15

Aphughi vechewu chekemino thaigha ghi nongu shou jupukuke. Jerusalem ixapinyi akeulo panongu kutsu kungu eno junuqhi - “Jukighilepu phughi huye hikesha?” “Hiye ayeghiqhano akijivilo chekeu kesha?”

AKUMLO 1:22

“Panongu kumla lhoksa kumtsu nono kughatha kepu shilo; nono ixine ghenguno ighimeqhi ke toi panoqo ghimeqhilo. Niye sukutu kelauno igha ani eno imlo hauve ani.”

AKUMLO 1:16

‘Hi ghenguno ino qa ani eno inhethi lono anhezu qole ani. Khunomu ilokughuno tsu mlake, khunomu ishikumto mlae. Aghumino itheqhiluvae, iwu timiqoye kughu kughaleivae.’

JEREMIYA 50:11

AMPEU no pi, “Babilon lo kuamiqo, nonguno iwu timiqo nhemgha xulepuwuveke. Nonguye amshino athi qole akeshi momu khurshino igha akeshi amlo kiqishi alovi akhanike,

LESHELE 35:15

Ikemu ino kupxalu kelo panonguno isuhope ijunuqhi, panongu kuho kumqopeno ino mthakemi kintave kemi thotsu tamono ithaigha.

AKUMLO 1:4

Akimthe tsalalomu itehiye khunomu Achinekilo mlla nike ighi chemovae. Ilimi tilehi alephe chekeqoye ime auvae eno achinemino ighaphe mlano suaukhavae. Aphughi khagholo khumu kuhae eno Zion ye piti puzaqhiyi ani.

AKUMLO 1:2

Lino puthotsu qa acheni, anhezuno agimuchulo qoiqighi acheni. Puzuu li kusapami gholo milakhimu li lokughunotsupe nike ghupe puaghimove. Li kusapamino li pesu athe shive eno panongu kumtsu itehiye li ghumi shiva.

JEREMIYA 51:24

AMPEU no pi, “Babilon ngo tipaulo akemiqono Jerusalem lau alhoksa khijehi shikeno tipaqo ghenguno ino lochiletsu nanike nonguye ithulu nani.

Piyeküsü 18:6

Lino nongu peithake qhemi li peithalo, Lino shivekeu qhemi ghuthu kini li lochilelo. Lino nongu pelo shopeniye kutope qhi kehu toi, Li jukhulo ghuthu kini kutolo mukamughayi yekepu lesutulo.

JOYIL 3:14

Jehoshafat Khilalo aqokitikhi kumzapushi anike. Tilehino AMPEU tsala itheno ighinani.

EZEKEL 26:2

“Thinikuau timio, Tur phughilo akemiqono ishi vekipighi igha akhanike. ‘Jerusalem ye kubopinyivae! Lino lhidi lhighi shiluchekeuye chevae! Liye nisasu kusuxa chekeu shimo ake!’ ”

JEREMIYA 51:49

Babilon no ayeghiqha kumtsulo timiqo kithipu shitsu acheke, itehiye Babilon ye ikiqive nani kughengu tipauno Israilmi kutomo thikepu shike. Ni, AMPEU no piveake.”

JEREMIYA 50:31

“Babilon, noye aqhekuzano chhitoi anike, ikehu ni, Aqokitikhi MPEU Alhou ye oshou mopi kepushi anike! Ino oghimeqhi nikeu ghuloki ighivae.

JEREMIYA 50:29

“Asuzu kipemi vilo Babilon lelo pilo. Timi khijeno asuzu ngo apiji pethi akhani keno tipaqo puwulo. Aphughi suhuluvelo eno milakhi pelomu pojolupe kevilo. Tipaulo kiu shipepuani keno lochilelo eno kutami peitha puakeu toi tipau peithalo kughengu tipauno ni, Israil lo akimtheu shou aqhekuza shi mlaitha puanike.

JEREMIYA 50:15

Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

JEREMIYA 48:27

Muab, nono kishi Israil lo akemiqo thaighaqhi keno kumsululo! Israilmiye kupkami loji gholono kughakuqhape aghi akeshi nono panoqo peitha kehu!

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

LESHELE 38:16

Ighumi pelo ighime jupe amlo kiqishi pekevilo; panoqo pelo ino veqhivekeulo qheza pekevilo!

LESHELE 37:13

Ikemu AMPEU no kixikilami junu cheni, kughengu panongu tsala wovechekeu AMPEU no ithulu ani.

ISAIAH 14:5

AMPEU no lhoksa kughami kuka hephove tsu, ayehkipemi kusu hechhevetsu,

ISAIAH 14:6

ti aloghu ide tamono panonguno leluvekeu shiayehqo shikighimeqhi cheke.

AKUMLO 2:16

Oghumi kumtsuno othaigha eno othaigha ghi anhethi xukidepe ojuke. Panonguno pano mutsu mineghi agi sukughupe pi, “Hipau nino kutsaluvae! Ninguye hipa tsala kheacheke!”