AKUMLO 1:12 - BAIBEL (BSI)

¹² Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

Sumi Naga CL (Re-edited) Bible (BSI)

¹² “Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

AKUMLO 1:12 Referans Kwoze

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

JEREMIYA 30:24

Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

MATTHEW 24:21

Kughengu ayeghiqha huthuke lono ishi kutolo hitoi shimphikeu eno khilemu hitoikeu shinichemo keu ghime kitikhi tileno shini chenie.

AKUMLO 2:13

O Jerusalem, kupuqhiyi chekeu Jerusalem Niye okugha pesu kiu kimihi shitsuni kya? niye kishi puzu olokughunotsu luni kya? Khumu hikithipu shi aghime shimphike. Azughi mighiwo tomlake toi okutsa kungovekeuye titoivae; lajupu kiumu kuhavae.

ISAIAH 13:13

Ni AMPEU Akughushuno iloghu piyenike tsalanilo ino kungugha sukughutha nani eno ayeghiye pa-a lono sukini kiqeve nani.”

LESHELE 88:16

Oxukighideno ighaphopiniyive akuighu huno ikutsaqhike.

JEREMIYA 4:8

Tighenguno yeqhiye phi pepulo; eno amlo ghimeshi qanimlolo kughengu AMPEU loghu kushuye Juda kudauno hachileve mphike.

JEREMIYA 30:7

Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

JEREMIYA 30:23

AMPEU loghu kighideye pasapagha lakhi, amlhu kumgha lakhike, alhoksa kumlami kutsu shou muqhumuzai nanike.

JEREMIYA 48:27

Muab, nono kishi Israil lo akemiqo thaighaqhi keno kumsululo! Israilmiye kupkami loji gholono kughakuqhape aghi akeshi nono panoqo peitha kehu!

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

JOYIL 2:2

Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

JEREMIYA 10:19

Jerusalem lo akemino ighamuku pi, “Shishe akumsapu shi ninguye izavae! nizakuqoye vimo nani. Ninguno kumsukeuno ninguye hipau puqhekulupu shi nani kepi acheke!

AKUMLO 2:1

AMPEU no pa mlokighide launo akuzu pesu Zion nhave. Israil qhivutsuniyi akeu pano kunguuno aqhou kutolo hexapinyive. Pa mlokighide tsalalo pa Achine ki ghi pano qhive.