AHOLE 1:11 - BAIBEL (BSI)

¹¹ Panonguno ovilo, “Nigholo ighilo, ningu khuala heqhi pithinike phuwunie! Kiumu mthano akemi miqeno heqhimughani nolo!

Sumi Naga CL (Re-edited) Bible (BSI)

¹¹ Panongu no o vilo, “Ighilo, ningu timi küxü luveni ke kheni; akiqi kühamu pimimo kemi la kheno heqhini nolo;

AHOLE 1:11 Referans Kwoze

JEREMIYA 5:26

“Timi lhoksami iwu timiqo gholo xuanike; akhame pesu aghau meluveniye sukhope akemiqo toi panonguno timi miqe acheni; panonguno alichhe shipe qhipuzu timi meluve cheni.

AHOLE 1:18

ikemu timi hikithipuqoye alikhi aghenguno alichhe shipe qhi anike, pano lichhe lono pano kitimeluve nani.

AHOLE 12:6

Kixikilami tsapiye aji pele nikeu tsa likhike ikemu amikuchomi tsano kichikumsa kemi xaphelu cheni.

Apostolmi 25:3

panongu pulou shitsu ghi Jerusalem lo Paul puqhotsu lepi, tishianguno Paul no alalo chekelono miqe-ano pa pithivenike akukughu shipe ae.

Apostolmi 23:15

Ike itehiye nongu eno Ahohomi no zahtsuu lau asutsa puwu puzu Paul nongu lau saiqighi pelo, nonguno pa vehu kishekulushi kughathaju nishi aniepi keu muqu vesulo, pano hilau ighimiphi lono ninguno kutopesu pa pithivenike.”

MICAH 7:2

Aghakhulo timi lakhimu achipiu shikemi aghimoveke, milakhi nomu Alhou qhoqhukeu kuhae. Kumtsuno timi heqhipithi nikeu dokivi khe akhani. Kumtsuno akusami meluniaye hake.

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

AHOLE 30:14

Timi khamiye kumlhomi ngo aqu aghami shou ayikusashi akumou shino pano kuxu xulu cheni.

AHOLE 1:16

Panonguye alhoksa shinikeulo ngosumlake, panonguye ajih peleni keuno khekulhoshi acheni.

LESHELE 56:6

Panonguno hekutsukumqo pesu itshu acheni, eno ino mlaithakeu kumtsu jukuto acheni, tiye ipithive niye khe acheni.

LESHELE 35:7

Kutsazu lono panonguno alichhe shipe ikhe eno imeluveniye aqoh thonhei chhupe qhike.

LESHELE 17:12

Panonguye abongushu toi isutha pinyive nishi ani, abongushu lhothe toi alachepe khe ani.

John 15:25

Hiye tishimasa kepushive, tishianguno panongu yezahlo ishi yepuakeu tsa shikupuni kehu, ‘Jekujeli lakhimu kuha kemu panonguno kutsazu lono imithike.’

AHOLE 24:15

Kixikilami khuno amikuchomi pukaqhi eno pakibo sawuve tsuniye amuqu shicheni keno tipau toi shikevilo.

AHOLE 29:24

Kupkami kusami shikeuye pa likhi pa ghumike. Pano kughakutha alo kuchou tsa piaye pa ghimeqhi kepu shive nani eno pano kuchou pimoaye Alhou no pa ghushove nani.