ACHINE 9:7 - BAIBEL (BSI)

⁷ Tishieno pano Aron vilo pi, “Akiptialo wulo eno axine kumllagho ngo pitikeu kumllagho pesu mllalo tiye oxineqo eno timiqo xine ikhivelu kepushi. Timiqo xine ikhivetsu nike akumllagho tsulo, AMPEU no ahza tsuvekeu toi shilo.”

Sumi Naga CL (Re-edited) Bible (BSI)

⁷ Pa no Aaron vilo pi, “Akiptia kupunu wuno o xine kümllagho ngo o kipti kümllagho shino no eno ow timi ghenguno lokichile shilo, eno Ampeu no azah tsüke toi timiqo kümllagho süghi no pano ghenguno lokichile shitsü lo.”

ACHINE 9:7 Referans Kwoze

IBRIMI 5:3

Pa ghi tomo-chhimokeu akehu, pa likhi pa xine ghenguno eno timiqo xine ghengu ghi ishi lhoxu heqhipe Alhou lau aghashi masave cheni.

IBRIMI 5:1

Kughengu achinetouye timi gholono kishephe puzu timiqo zuqhushi axine ghenguno akumllagho ngo lhoxu heqhipe mllakeu pesu Alhou zulo pewu cheni.

IBRIMI 9:7

ikemu aphiki akiniu boloye achinetou likhino ampelo ghuthu lakhi likhi iloche. Tighi pa likhi pa ghenguno Alhou mllakeu jih ngo timiqono mtha puzu axine shivekeu ghenguno Alhou mllakeu jih ishi pemokeloye ilochemoe.

ACHINE 4:3

Achinetouno axine shive no timiqo shou angusu sughive aye pano amshitsu alhothe tukutiye kiumu kuhakeu pesu tsulo eno pa xine ghenguno AMPEU lau tipau heqhipe agha shilo.

SAMUEL ATUGHIU 3:14

Tighenguno ino Eli kibolomi lau tushoqhi pivae kiu ghakishi momu kumlla nomu panonguno lhoksakugha xine mlavekeu jonha lunichemovae.”

ACHINE 9:2

Pano Aron vilo pi, “Amshitsu alhothe lakhi eno bheritsu tukutiye kuhakeu lakhi pesu AMPEU mllalo, amshitsu no axine kumllagho eno bheritsuno pitikeu kumllagho shilo.

ACHINE 8:34

Ishi ninguno kiu shive akeno AMPEU no shilo pi ahza ningu tsuke, tiye axine ikhivetsu niyeke.

ACHINE 16:6

Pa likhi pa xine eno pa kibolomi xine ikhipeve tsunike pano amshitsu lakhi pesu agha shikeushi mllalo.

ACHINE 16:11

Kughou Aron no pa kibolomi ngo pa likhi pa xine ghenguno axine kumllagho amshitsu pesu agha shini keno,

ACHINE 16:24

Paye akimthe-a lakhi lono azu kuchhuve masa eno pa phimini pepulo. Tipathiuno, paye khalau ipelo eno pa likhi pa xine eno timiqo xine ikhivenike pitikeu kumllagho pesu mllalo.