ACHINE 7:16 - BAIBEL (BSI)

¹⁶ Timi lakhino pa shoqhi shikupu akeu shi momu pawu puloniqhi keu kumllagho lakhi shi kuposhukulu kumllagho sughi aye tipau kumtsu mllakeu tsala lono chukhave masake kumoe ikemu chukhamono qhivekeuye thoghiuno chuluvi.

Sumi Naga CL (Re-edited) Bible (BSI)

¹⁶ Ikemu pa ghakishi no ashoqhi momu pulokini kümllagho shi aye, tipau shi ye pa no aghashike tsala lono chuveni, eno achili ye thoghiu no chuni.

ACHINE 7:16 Referans Kwoze

ZAKINIU 12:6

Tilehi nonguno aghashikeu piti pesu mllalo eno nongu wu kutau aghashikeu gho nowu chighi saje akumllagho, nonguno AMPEU lau tushoqhive keu gho, nowu puloniqhiyi keu gho eno nowu amshi ngo bheri piti tughiuqo pesu mllalo.

NAHUM 1:15

Julo, atsapemi lakhi sutsa kivi pesu naghutolo cheni! Tokulu sutsa pesu asheshu nike cheni! Juda lo akemiqo, nowu tiqhetini tsala pelulo eno nonguno Alhou lau kiu tsaqui no tushoqhi puani keno tipau tsulo. Kusakughamiye khilemu noghakhu leighikithemo nani. Panonguye qhoi kutsalekhave!

EZEKEL 46:12

“Kughou akukapuuno pa likhi pa pulou lono AMPEU lau akumllagho tsukeu shinishi aye, kuchopu piti mllakeu momu kuposhukulu kumllagho shiaye, pa ghenguno akikhala aloulo ilokepushi kipela kudau akeu khagho khaqhitsulo. Paye Sabat tsalalo pano akumllagho shikeu ghola lono shini eno pano ipeve kethiu ahukikhaye khaluveni.”

LESHELE 116:18

Ino AMPEU vilo tushoqhikeu pesu pawu timiqo no kuho akelono pa tsuni.

LESHELE 116:14

Pawu timiqo kuhokumqo akelo ino piqhipuakeu pesu pa tsuni.

LESHELE 66:13

Ino lhoxu pitino mllakepu gho pesu okilo sughini; ino kiu shiniepi piqhive akeno tipau omllani.

ZAKINIU 12:26

Nowu akumlagho ngo nonguno tushoqhive keu ghoqo pesu mllakepu a-a lakhi akeulo pewulo.

ZAKINIU 12:17

AMPEU mllakeuye kiu kiu shi aghi namu: chighi sajelo tsukeu thi, atsayi-ji, oliv teli momu nomishi ngo bheri piti tughiu jeli, nonguno AMPEU lau agho tsuni keushi tushoqhive keu, nonguno puloniqhiyi tsukeu kumllagho momu akumllagho kiukiu shi aghi namu nonguno khile xu acheni keno tipa aloye heqhi chu kevilo.

ZAKINIU 12:11

AMPEU no a-a lakhi likhi kishetsu nani, tipa-a lono pa mlla kepushi nonguye tipa alo ino ahza tsuvekeu kumtsu pa lau sughi masake. Nonguno piti pesu aghashinikeu eno kutau aghashi kepuqo, nowu chighi saje eno akumllagho eno akimchi gho nonguno AMPEU lau tushoqhivekeqo sughilo.

AKIKIHI 15:3

Amshitsu lakhi, bheritsu lakhi, bheri lakhi momu ane lakhi pesu AMPEU lau tsuluvi, tiye hitoikeu kumllagho shi tsuluvi, piti mllakeu gho momu ashoqhi shikupu keu ghakishi momu puloniqhiyi keu kumllagho momu thosulo nongu chine kishilo tsu chekeu ghoshighi tsuluvike; achuqupu kumllagho hipaqo xo kutsunguye AMPEU lau alokivipu shilu chenike.

ACHINE 23:38

Tiqhetini hipaqoye Sabat pine ado atsutsulo shichekeqo nguno alauke eno akumllagho hipaqoye nonguno ado atsutsulo agho tsuche keu, ashoqhi shikupulu keulo akumllagho tsukeu eno puloniqhiyi keu kumllagho pesu AMPEU lau tsuchekeu nguno alauke.)

ACHINE 22:29

Kughou nono AMPEU lau shikimthikeu aghashi mllani keno ayeh kiqi lono shilo tishianguno noikhilutsu penike;

ACHINE 22:23

Puloniqhiyi keu kumllagho shinikeulo nonguno lhoxu thuwumokeu momu kupukulaimo keu lhoxu pesu mllaluvike ikemu ashoqhi shikupu kutsu kumllagho loye tipau ikhilutsumlake.

IPEKULU 35:29

Israilmi kiptimi totimi khunoqono AMPEU no Muse vilo shilo pi ahza tsukeu kumla ghenguno tsunishi kumsulu keno AMPEU lau panoqono puloniqhiyi keu kumllagho pesu tsuke.

AHOLE 7:14

“Niye ishitsalalo aghakishi kumllagho tsukeu lono ashi suwo puanie.