ACHINE 3:11 - BAIBEL (BSI)

¹¹ Peitha akeu achineuno hipaqo kumtsu pesu AMPEU lau achuqupu kumllagho shi akiptia lono pitilo.

Sumi Naga CL (Re-edited) Bible (BSI)

¹¹ Eno Ampeu lau achuqupu kümllagho shi achineu no ti kümtsü ikhipe akiptia lono pitiveni.

ACHINE 3:11 Referans Kwoze

ACHINE 21:17

Aron vilo pike, “Nongu polo kughukomi milakhimu aphi ampilo tukutiye akemiye achuqupu kumllagho ilau sughi kevilo. Hiye ighinikeu ghulokilo ghi shichemasake.

ACHINE 21:6

Paye akimthe shimasa eno ije shiputha kevilo. Pano achuqupu kumllagho pesu imlla chenike eno paye akimthe shimasake.

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

ACHINE 3:16

Achineuno hipaqo kumtsu pesu akiptia lono pitilo, tiye AMPEU lopu shitsunike achuqupu kumllagho lakhike. Atha jeli kumtsu AMPEU salake.

ACHINE 3:5

Achinemi no hipaqo kumtsu pesu akiptialo piti kumllagho gholono pitilo. Achuqupu kumllagho xo hipauye AMPEU lopu shicheni.

MALAKI 1:7

Achine kitiqevekeu chuqupu pesu imlla chekeu khachelo sughi cheni. Nonguno ishi iniju cheni, ‘Ningu ye kishi puzu osumsa move kya?’ Ino nongu vilo pinike, imlla chekeu khache jukuchhube keu lonoke.

EZEKEL 44:7

Panonguno ichineki shipixive tsuke tiye ayiko ghamokemi inaghami, igholumokemi pelo kughono aghashi mllakeu atha ngo ahji pesu imlla ake lono Achinekilo iloghipeke. Ikehu iwu timiqoye kuchhube kutsula jeli kumtsu panonguno shiveno iwu puloshoqhi hephoveke.

AKIKIHI 28:2

Israilmi pelo ado aghuloki kichetsu puakeulo achuqupu kumllagho avehupu shi akeu pesu Alhou lau tsulo pike tiye pa lokutu chekeuke.

ACHINE 22:25

Inaghami launo kuqhukili shi saghikeu lhoxu pesu piti pesu mlla keugho lakhi shi mllakevilo. Lhoxu tikithipuye tukutiye akeu shi kihi acheni eno ikhilutsumo nanike.

Piyeküsü 3:20

Julo, ino ahukikha phivilo puthughono kukhu cheni; khunono isutsa chiluno ahukikha khaqhini keno ino pa lau iloghini eno pa sasu kuchukusho shini.

1 Kor. 10:21

Nonguye Ampeu jukhulo shopuzu tughami jukhulo ghi shomlae; nonguye Ampeu ghulhu alo chupuzu tughami ghulhu alo ghi chumlae.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

MALAKI 1:12

Ikemu kughou nonguno imlla keu khacheye ame kuhae ipino tipaulo nonguno jumithi chekeu chuqupu pesu mlla nikeno nonguye igihumove anie.

LESHELE 22:14

Ayeghilo azu leqhiveke toi ikumtoye hauvae, Ighi anhu kumtsu ita-kututa shivae; Imloye aghugha mullaveke toivae.

AKIKIHI 28:24

Tipaphi shi,achuqupu kumllagho qo atsala tsuni ghenguno AMPEU lau mllalo, pa lau alokiqipu xo lakhike. Tsalakipetsu lo akipti kumllagho ngo atsaiji kumllagho tsuche keu nguno alau hipau mllalo.