ACHINE 26:44 - BAIBEL (BSI)

⁴⁴ Ikemu tishive kelomu, panonguno pano ghumi yeghilo achephilo pinamu niye qhoi panoqo qhivemo momu kutsavemo nanike. Tishini keloye panoqo sasu ino puloshoqhi shikeu ashekha shiveni ake eno niye panoqo Lhou AMPEU ke.

Sumi Naga CL (Re-edited) Bible (BSI)

⁴⁴ Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

ACHINE 26:44 Referans Kwoze

Rommi 11:2

Alhou ye inahuuno pano kisheluvekemi peve mphie. Kuchoyesulo Elija no Israilmi shou Alhou vilo qhuinijukeu kiu pipuani keno nonguno ithi ani:

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

KUKAMI AKINIU 13:23

ikemu AMPEU no panongu lau kimiye eno kupukeu ache. Panongu pelono puhavepeni keu pano pulomoe tighenguno panongu kuphutsu, tiye pano puloshoqhi Abraham, Isak eno Jakob lau shipe puakehu paye khilemu pawu timiqo kumsumavemoe.

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

EZEKEL 16:60

Ikemu niye nono alhothe shi achekelo ino osasu puloshoqhi shikeu gihu nani eno ino osasu puloshoqhi lakhi shini cheni tiye alhokupuju kutolo achekepuke.

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 14:21

Nono tushoqhikeu kumsululo eno nijupe mithive kevilo; Jerusalem shou ajekusapu sughitsu kevilo; tiye ojekipi kuka lakhu akeu a ke. Nono ningu sasu puloshoqhi shikeu kubove kevilo.

LESHELE 89:33

Ikemu niye David kimiyemovekeu shimo nani momu ino pa lau ashoqhi shivekeu phevemo nani.

ACHINE 26:11

Iwu akimthe phikilo ino nongu sasu ache nani eno niye khilemu nongu launo tsughuvemo nanike.

XAKUTHAMI 2:1

AMPEU wu kungumi no Gilgal lono Bokhim lo ipeghino Israilmi vilo pi, “Ino Ijip lono nongu saipeghi no nongu puasuqo vilo piqhi puakeu yeghilo sailoghi tsu. Ino pi ani, ‘Niye nongu lau Puloshoqhi shi puakeu khilemu hephomo nani.

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

LESHELE 103:13

Apu lakhino atianuli kimiyeke toi AMPEU ye pa gihu kemi lau kimiye keu acheni.

JEREMIYA 24:5

Ni, AMPEU, Israil Lhou no kihilu akeuye timi Babilon lo sawuve kemiye khughuthi kivi hipaqo toike, ino kimiyeqhiyi panoqo peitha nanike.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.