ACHINE 21:6 - BAIBEL (BSI)

⁶ Paye akimthe shimasa eno ije shiputha kevilo. Pano achuqupu kumllagho pesu imlla chenike eno paye akimthe shimasake.

Sumi Naga CL (Re-edited) Bible (BSI)

⁶ Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ACHINE 21:6 Referans Kwoze

ACHINE 18:21

Molek lhou mllakeulo peitha peniye nongu tianuli khilemu tsupuwu kevilo, kughengu tiye shiputhakeu AMPEU Alhou je shou sughive nanike.

ACHINE 3:11

Peitha akeu achineuno hipaqo kumtsu pesu AMPEU lau achuqupu kumllagho shi akiptia lono pitilo.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

EZEKEL 44:7

Panonguno ichineki shipixive tsuke tiye ayiko ghamokemi inaghami, igholumokemi pelo kughono aghashi mllakeu atha ngo ahji pesu imlla ake lono Achinekilo iloghipeke. Ikehu iwu timiqoye kuchhube kutsula jeli kumtsu panonguno shiveno iwu puloshoqhi hephoveke.

ISAIAH 52:11

Nongu achineki nhemgha xapuche kemiqo, nonguye mutsuqheino Babilon qhivelo! Chinikepu nhemgha kiumu bukevilo; nonguye akimtheshi apuzu chevelo.

EZRA 8:28

Ino panongu vilo pi, “Nonguye shikimthe pe nongu puasu Lhou tsuvae eno akiniqo khikhi ningu MPEU Alhou lau kumsagho tsupuwu keno tighi shikimtheve tsuae.

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

ACHINE 19:12

Ije lono ashoqhi shikevilo nono tipau pemla kepushi kumsu aghi aye; tipauye shiputhakeu ishou sughi anike. Niye nongu Lhou AMPEU ke.

ACHINE 10:3

Tile Muse no Aron vilo pi, “‘Khunoqono iqecheni keno panoqoye ikimthe sumsa masake; ino ikimthe jukuvu iwu timiqo lau pephepiye nani’ ipi AMPEU no pikeu hu paye hipatsa vehu piakena!” Ikemu Aron ye inaqhoi auve.

IPEKULU 29:44

Ino Aphiki ngo akiptia shikimthe nani eno ino Aron ngo pa nuliqo pesu achinemi shi iqe penike panoqo kutave keu shi qhini.

IPEKULU 28:36

“Shunayi tsughukhui keu pesu achila lakhi mlalo eno tipau shou ‘Ikhiphepe AMPEU Tsuvae’ ipi yepukulo.

IPEKULU 19:22

Achinemi ikupunu ighikemi ghi pano likhi pano shikimtheve masae tishimoaye ino panoqo ghimeqhive nani.”

ACHINE 21:17

Aron vilo pike, “Nongu polo kughukomi milakhimu aphi ampilo tukutiye akemiye achuqupu kumllagho ilau sughi kevilo. Hiye ighinikeu ghulokilo ghi shichemasake.

ACHINE 21:21

Aron achineu polo kughukomi aphi mpilo tukutiye akemi khuu pelomu achuqupu kumllagho ilau sughi pekevilo.

ACHINE 20:3

Timi khuuno pa tianuli pesu Molek tsupuzu ikimthe Phiki shipixi eno ije kimthe shiputhani keno, ino pa kutotsu nani eno iwu timiqo gholo pa kihisu move nanike.

ACHINE 21:23

ikemu paye aphimpilo tukutiye anike ghenguno paye akimthe nhaqhiphi phivilo ighikevilo momu akiptia kupunu wukevilo. Paye akimthe nhemgha hipaqo shipixi kepu kumoke kughengu niye AMPEU ke eno ino tipaqo akimthe shitsu chenike.”

AKIKIHI 16:5

Tishieno pano Kora ngo pa pape chekemi vilo pi; “Thoghiu AMPEU no khunoqono pawu keno pano ningu piyeni cheni; khuuno pawu keno, tipau kiqiye pano kisheluve akeno tipau pelo akiptia lo pa kupunu ighipe nani.

AKIKIHI 28:2

Israilmi pelo ado aghuloki kichetsu puakeulo achuqupu kumllagho avehupu shi akeu pesu Alhou lau tsulo pike tiye pa lokutu chekeuke.