ACHINE 20:8 - BAIBEL (BSI)

⁸ Iyezahqo gholulo, kughengu niye AMPEU ke eno ino nongu akimthe shitsuke.”

Sumi Naga CL (Re-edited) Bible (BSI)

⁸ Iw pimheye papelo; Ni ye nongu shikimthe chekeu Ampeu ke.

ACHINE 20:8 Referans Kwoze

IPEKULU 31:13

Israilmi vilo ishi pilo pike, “Ino akulhokiqhi tsala, Sabat pelulo, kughengu hiye nongu ngo idolo alho kuthu ghenguno amchipu lakhike tiye ni AMPEU no nongu pesu iwu timi shilu pekeu piyeniyeke.

James 1:22

Pa tsa inike likhi inipuzu nolikhi nongu pishiqhi kevilo, ikemu tipau toi mlakemi shilo.

2 Thes. 2:13

Ikemu athikuzumi, Ampeu no kimiyechekeqo, ninguye ado kumtsulo Alhou shikimthi anicheni. Alhou no Aghungu lono nongu pesu pawu timi shilu eno kuchoulo akupulu akeu vechewo pano atughushi nongu kisheluvae.

1 Thes. 5:23

Alokughuno tsuchekeu Lhou ampi pelo nongu pesu akimthe shilu peniu, eno nongu phimpi, angulho eno angu-gha achipishi puatsuno ningu Mpeu Jisu Khristo ighikelo nongu pelo tukutiye kuhapeniu.

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

Piyeküsü 22:14

Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

John 13:17

Nonguno hi ithi aye eno nonguno hipaqo pepimhelu aye, nongu lokivipuke.

MATTHEW 12:50

Kughengu timi khuuno iPuh kungughalo akeu ghoapulou shini keno tipaqono ithikuzumi, ichelimi eno izake.”

MATTHEW 7:24

“Tishiaye, timi khuno itsa hipaqo chilu puzu tipaqo shini keno, paye atuqu shou pa ki shipuku kemi alokutsumi lakhi toike.

MATTHEW 5:19

Tighenguno khuuno ayezah gholo aghulou pimu kughuchoveni eno kutami ghi tipaphi shipe nike kutsuni keno kungugha yehkipelo aghulou shi nani. Ikemu khunono Ayezahqo pelu eno tipaqo pesu kutsuni keno kungugha yehkipelo akijeu shi nani.

EZEKEL 37:28

Kughou ino ichineki alhokupuju panoqo gholo achepeniye qhitsuni keno tileno, ni, AMPEU no Israil kishelu puzu iwu timi shipekeu ashiayeh kutamino ithi nanike.”

EZEKEL 20:12

Ningu dolo xatha lukeu michi Sabat pinye ikhilu penikeu shi ino shitsuke, tiye ni AMPEU no panoqo pesu akimthe shikeu panoqo pelo kumsu chilelu apeniyeke.

ACHINE 19:37

Iyezah eno ahza tsupuakeu kumtsu gholulo. Niye AMPEU ke.”

MATTHEW 23:17

Nongu anhethi kighichemi, kughuzumiqo! Khikhiuno akhotou kya? Shunano keo shuna pesu akimthe shitsukeu achinekino akhotou kya?

ACHINE 19:19

“Ino ahza tsukeu gholulo. Atsuaqu qo alho kututakeu sawo kughupakile pekevilo. Alu lakhilo axa jeli kini yisu kevilo. Aye jeli kinino ghokeu phimini ukevilo.

ACHINE 20:26

Nonguye akimthe shilo eno iwu likhi shilo kughengu niye AMPEU ke eno niye akimtheke. Ino ashiayeh kutamiqo launo nongu kutashi qhi puanike tishianguno nonguye iwu likhi shiche peniyeke.

ACHINE 22:32

Ije kimthe shou shiputhakeu sughikevilo; Israilmi kumtsuno niye akimthe kepi ithiluve masae. Niye AMPEU ke eno ino nongu akimthe shitsu cheni;