ACHINE 16:4 - BAIBEL (BSI)

⁴ Tileno shikepu shiakeu hipaqo AMPEU no pesu tsuke. Aron no Shishe Akimthe-a lo ilo mphi lono paye azu kuchhuve no achinemi phiminiqo pepu masa: phephei phikuzu ngo ikhonheikeu mini, apokha eno akutsu kunha phi.

Sumi Naga CL (Re-edited) Bible (BSI)

⁴ Pa ye azü kuchhuve no akimthe phimini hipaqo pepuni: phepheike phiküzü eno alou phiküzü, apokha eno akütsü shonha phi; hipaqo ye akimthe ke.

ACHINE 16:4 Referans Kwoze

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

ACHINE 6:10

Tipathiu achineuno pa phikuzu phepheikeu ngo amini kughukhou pepusu akiptialo iyiyikeu yevu shopesu akiptia jibolo qhilo.

IBRIMI 10:22

ninguno amlo-pu puzu mutsuqheyi keu kupulu shino alhoksa-lotsuh launo ningu mlo shikimtheve eno azu kimthe pesu ningu phi-ashi qhuveno Alhou lau kupununi nolo.

IBRIMI 2:14

Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

FILIPIAMI 2:7

Tishi nike zuqhu pa likhi pano ti kumtsu liqhive, Eno aqemi lhoaye pepuve, Ningu toi timi lakhi shi pa punu, paye timi kimihi lono ipeghi:

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ACHINE 16:24

Paye akimthe-a lakhi lono azu kuchhuve masa eno pa phimini pepulo. Tipathiuno, paye khalau ipelo eno pa likhi pa xine eno timiqo xine ikhivenike pitikeu kumllagho pesu mllalo.

IPEKULU 40:12

“Aphiki ikulolalo Aron ngo panuliqo saighilo eno chinikeu zukukuchhu shilo pilo.

IPEKULU 29:4

“Ino ngochekeu Phiki ikulolalo Aron ngo pa nuliqo saghilo eno panoqo vilo achineyeh zukuchhu shilo pilo.

IPEKULU 28:2

Omu Aron pelo angualei eno juvi penike achinemi phimini mlalo.

ACHINE 16:23

Tithiu Aron ye Aphiki alou ilo puzu pano Shishe Akimthe-a lo ilonike zulono achinemi phimini pepu keu hu xaqhivelo eno tilau qhivelo.

ACHINE 16:32

Achinetou khuuno papu qhusunike kithipe akimthepu shipuani eno pakutashi akimthepulo qhivetsu akeno pano shikimthekeu chine chinilo. Paye achinemi phimini pepu

EZEKEL 9:2

Paikhavino Achineki khagho ahuu kudau akeu khalau kudauno timi tsugho ighi, milakhi khino aghunanu lakhi pesu ighi. Panoqo gholo timi lakhi aphi kumtsha upuzu yepuku kepu kiukela pesu che. Panongu kumtsu ighi puzu agho kiptia phivilo puthugho.

EZEKEL 44:19

Panonguye akikhala khalau khilehi timiqo acheni keno tilau ipenike zulono atughushi panonguno Achinekilo akumla shiakelo pepukeu phimini xaqhiveni eno akimthe cheboqolo qhiveni. Panonguye aphimini kutau pepuluveni tishikeu lono panoqo phimini akimthe huno timiqo kitiqeve pemonike.