ACHINE 12:7 - BAIBEL (BSI)

⁷ Achineuno liwu akumllagho pesu AMPEU mllalo eno liwu mithekumo ikhivetsu keu chine chinilo eno liye chini kepu lono mitheluve nani. Tishiaye, totimi lakhiye punuve kethiu hipau shimasae.

Sumi Naga CL (Re-edited) Bible (BSI)

⁷ Achineu no Ampeu zülo süghi no li ghenguno lokichile shitsüni. Tishino li ye aji chiji akeu lono mithe luve nani. Hi no totimi khukhumu atianuli punu keu ghenguno ayezah ke.

ACHINE 12:7 Referans Kwoze

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

1 Kor. 7:14

Kughengu kupulukumou akimi huye pa nipu vechewo Alhou lau akimtheshi ikhilukepu shilu nani, eno kupulukumou anipu huye likimi Khristomi vechewo Alhou lau akimtheshi ikhilukepu shilu nani. Tishimo aye nongu tianuliqoye Khristo kumomi paphi shiniae; ikemu itehi panonguye Alhou lau akimtheshi ikhilukepu shi anike.

Rommi 3:26

ikemu itodoloye pano timi xine ikhivetsu akeuye, paye achipie pinikehu eno Jisu lau khukhumu akupulu bekemiye pano achipikalu pecheniepi piyeni kehuke.

Rommi 3:23

Timi kumtsu axine shive eno Alhou no xalunikua lono putosuve.

JOB 14:4

Khunomu mithekumo lono akimthe thime sapeghi mlae.

JOB 1:5

Aghulhu shikeu tsalaqo tovekeni Job no inaqhe itheno ithu puzu ati anuli khije keno akumllagho tijehi panongu shikimthe keu shi-ghi pesu Alhou mlla che. Kughengu pano kumsukeu no anuliqo gholo khualano Alhou ghusho puaghi nosa kehu.

ACHINE 4:35

Tipashelo pano tipau tha kumtsu ikhilulo, tiye kuposhukulu kumllagho ghenguno lhoxu ghiqhikeu tha ikhilukeu paphishi shilo eno pano tipau pesu akiptia lono achuqupu kumllagho gholono AMPEU tsukeu shi pitilo. Hipa ghola lono achineuno timi tipau xine ghenguno agha shikeu pesu mllalo, eno timi tipau xineye peivetsu nanike.

ACHINE 4:31

Tipathiu pano tipau tha kumtsu ikhiluvelo, tiye kuposhukulu kumllagho ghenguno lhoxu heqhikeu lono atha ikhilu keu toi shilo eno pano tipau pesu akiptia lono pitilo tishianguno tipau xono AMPEU lopushipenike. Hipa ghola lono achineuno timi tipau xine ghenguno agha shikeu pesu mllalo eno timi tipau xineye peivetsu nanike.

ACHINE 4:26

Tipashelo pano tipau tha kumtsu akiptia lono pitilo tiye kuposhukulu kumllagho ghenguno lhoxu heqhikeu tha pano piti keu paphi shilo. Hipa ghola lono achineuno ayehkipeu xine ghenguno agha shikeu pesu mllalo eno pa xineye peivetsu nani.

ACHINE 4:20

Pano axine kumllagho ghenguno amshitsu pesu kishi shivekeno tipaphi lono hipau mishitsu ghi tishi shilo eno hipa ghola lono pano timiqo xine ghenguno agha shikeu shilo eno panongu xineye peivetsu nanike.

ACHINE 1:4

Timi tipauno pau pesu tipau kutsu inape lo eno tishi keu lono pa xine ikhisuwuve tsukeu kumllagho tipau ikhilutsu nani.

ACHINE 12:6

Lino shikimthekeu ghuloki kupuve kethiuno, anu pina anga ghengu namu, liye pitikeu kumllagho bheriti ampe lakhi shivekeu lakhi eno axine kumllagho ghenguno amiqhi lakhi pesu AMPEU no achekeu Phiki hukikhalo achineu lau sughilo.

ACHINE 12:8

Totimi huno bheriti peighimla kepushi aye amiqhi kini momu kobutur kini sughilo, lakhino pitikeu kumllagho ghenguno eno lakhiuno axine kumllagho ghenguno eno achineuno li kimthekumo ikhivetsu keu chine chinilo tishianguno liye chinikepulo mitheluve nani.

ACHINE 15:15

Achineuno tikuma gholo lakhi pesu axine kumllagho shi eno lakhiu pesu pitikeu kumllagho shi mllalo. Hitoi shipuzu pano timi tipau ghenguno shikimthekeu chine chinilo.