ACHINE 10:3 - BAIBEL (BSI)

³ Tile Muse no Aron vilo pi, “‘Khunoqono iqecheni keno panoqoye ikimthe sumsa masake; ino ikimthe jukuvu iwu timiqo lau pephepiye nani’ ipi AMPEU no pikeu hu paye hipatsa vehu piakena!” Ikemu Aron ye inaqhoi auve.

Sumi Naga CL (Re-edited) Bible (BSI)

³ Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

ACHINE 10:3 Referans Kwoze

IPEKULU 19:22

Achinemi ikupunu ighikemi ghi pano likhi pano shikimtheve masae tishimoaye ino panoqo ghimeqhive nani.”

ISAIAH 49:3

Pano ivilo pike, “Israil, noye iqeuke; oghenguno timino isheqhe nani.”

ACHINE 21:6

Paye akimthe shimasa eno ije shiputha kevilo. Pano achuqupu kumllagho pesu imlla chenike eno paye akimthe shimasake.

AKIKIHI 20:12

Ikemu AMPEU no Muse ngo Aron pama sakiyi. Pano ishipi, “Nokujono akupulu kupukuno shi Israilmi zulo ikimthe kuka akeu ikhilu piye moveke ghenguno ino panoqo tsunikeu shi tushoqhive keu yeghilo nokujoye panoqo sailomo nanike.”

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

ZAKINIU 32:51

kughengu Israilmi gizulo okujo kinikujo amikucho kumo shiveke. Kughou Zin sayeqhalo Kades taun phivilo Meriba zu akeulo nonguno ngo akelo nono timiqo gizu lono iphimo gihumove ke.

ISAIAH 52:11

Nongu achineki nhemgha xapuche kemiqo, nonguye mutsuqheino Babilon qhivelo! Chinikepu nhemgha kiumu bukevilo; nonguye akimtheshi apuzu chevelo.

LESHELE 89:7

Akimthemi Hoholo ogihuqhiyi acheni; eno kumtsuno puthughono akichiqhi noikhilu acheni.

SAMUEL ATUGHIU 6:20

Tighenguno Bet Shemes lo kuami no pi, “Khuno AMPEU, hi akimthe Lhou zulo puthugho kulupu kya? Ningu launo putosu apenike ghenguno khilau puwuve kepu kya?”

ACHINE 21:21

Aron achineu polo kughukomi aphi mpilo tukutiye akemi khuu pelomu achuqupu kumllagho ilau sughi pekevilo.

ACHINE 8:35

Nonguye atsala tsuni dolo puthotsu puchotsu Aphi hukikhalo AMPEU no kiu shilopi ahza tsukeno tipau shi ghi ngo mayesae. Nonguno tipau shimo aye nonguye thi nanike. Hiye AMPEU no ahza itsuve keuke.”

EZEKEL 20:41

Khilehi nongu kuthole puwuve keno tipa ghakhuqo lono ino nongu saipeghive kethiu eno nongu hekutsukumqove kethiuno nonguno heqhi pitipe mllakeu ino ikhilutsu nani, eno kutami shiayehqono niye akimthe kepi ithulu nani.

ACHINE 22:9

“Achinemi kumtsuno ino pekithiyeh tsuvekeu peithalo, tikumoaye panonguye angsu shive eno thive nani, kughengu panonguno akimthe pekithiyeh hebideveke. Niye AMPEU ke eno ino panoqo pesu akimthe shicheni.

ACHINE 21:17

Aron vilo pike, “Nongu polo kughukomi milakhimu aphi ampilo tukutiye akemiye achuqupu kumllagho ilau sughi kevilo. Hiye ighinikeu ghulokilo ghi shichemasake.

ACHINE 21:15

Tikumoaye patinuli akimthemi shikepuqo huye chini kepulo mithemoni ake. Niye AMPEU ke eno papelo Achinetou shipenike pakutashi qhipuanike.”

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

EZEKEL 42:13

Timi huno ivilo pike, “Aki hikuma kinikujo akimtheke. Aki hipaqo lono achinemi khunoqono AMPEU zulo ilocheni keno tipaqono akumllagho akimtheuqo chuchenike. Acheboqoye akimtheke ghenguno achinemiye tilehi akimthe kumllagho hipaqo qhitsu cheni: athi kumllagho eno axine momu lochilekeu kumllagho tsukeu.

LESHELE 39:9

Niye inaqhoivae, niye atsa lakhimu pimovae kughengu nono ipelo hitoi aghimeshi anipeke.

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?

MATTHEW 10:37

“Timi khunono iqhukeu nguno alaushi apuh eno aza kimiye nikeno paye ikhopemi shikuzu kumoe; eno timi khunono iqhukeu nguno alaushi pano nu eno pano nga kimiye nikeno paye ikhopemi shikuzu kumoe.

EZEKEL 28:22

Tilehi timi akeqo vilo ni, Akughushu MPEU no panoqo ghili kiu piani keno tipau pesu pilo: Niye oghumike, Sidon ino olau kiu shikeno tipau ghenguno timino isheqhe nani. Niye AMPEU kepi panonguno ithi nani, tiye kughono ino ogholo kughuna akemiqo ghimeqhini keno tileno niye kiutoi akimthe keno piye nani.

JOB 2:10

Ikemu Job no li vilo pi, “Noye mbomzumi tsa toi pi anie. Alhou no kiwala akivi ningu tsu aye alokivishi ikhilu cheni. Pano shiluksa puwutsu kelo muchho nike shea?” Aghime hi kumtsu sholue pimu, Job ye kiumu Alhou shou axine tsa piqhimoe.

John 12:28

O Apuh, oje kipipu shilulo!” Tileno kungugha lono asutsa lakhi ishi ighi. “Niye ajekipipu shivae eno itaghi ajekipipu shi nani.”

SAMUEL ATUGHIU 3:18

Ikehu Samuel no thwokha kumtsu kishekulu shi pa vilo pivetsu; kiumu kusumono lhekhavetsu. Eli no pi, “Paye AMPEU ke; pa ghenguno kiuno akivi keno tipau shitsu nani.”

IPEKULU 14:4

Ino pa mlo hekikeve tsu nani eno pano panongu ha nani eno ino akukau ngo pawu ghushimiqo shou toluve keu huno ije kipipu shilunike. Tileno Ijipmi no ino AMPEU kepi ithi nani,” Panongu vilo pive keu toi Israilmino tipatho lono shike.

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

2 Thes. 1:10

Tiye Ampeu no pawu timiqo zulono ajekipi luke tsalalo eno pa pulu chekemi gholo pa gihuke tsala lono tishi nani. Nongu ghi kupulumiqo gholo sulu nani kughengu ninguno pikeu tsapehu nonguno pulubeluvae.

John 14:13

Nonguno ijeku puzu kiu kiumu khuni keno ino shitsuni, tishikeu lono Anu vechewo Apu jepipilu penike.

LESHELE 119:120

Iphi ishino omsa kelauno khokhoshike; owu kughakutha ghenguno musakeuno ichhitoi ani.

LESHELE 46:10

“Aghukishi tavelo eno niye Alhou kepi ithilo, niye ashiayeh kutami gholo akiqheu, ayeghiqhalo akiqheuke” ipi pano pi.

ISAIAH 39:8

Akukau Hezekiya no pa kuxu tiviloye iquighayikeu eno sushokulu anani kepi vethaluve ikehu pano ishi khochile “AMPEU nono ivilo pivekeu huye aloke.”

IPEKULU 14:17

Ino Ijipmiqo mlo hekike vetsu nani ikehu panonguno timiqo papesu wunani eno akukau ngo pawu ghushimi, pawu aghushi khurkulu eno tipau kusami qo shou toluve keu lono ije kipi shilunike.

IPEKULU 30:30

Tishi puzu Aron ngo pa nuliqo nupukulo eno panoqoye ikumla shikeu lo achinemi shipenike akimthepu shilo.

AKIKIHI 16:5

Tishieno pano Kora ngo pa pape chekemi vilo pi; “Thoghiu AMPEU no khunoqono pawu keno pano ningu piyeni cheni; khuuno pawu keno, tipau kiqiye pano kisheluve akeno tipau pelo akiptia lo pa kupunu ighipe nani.

LESHELE 148:14

Pano pa shiayeh akumto shitsuke, ikehu pawu timi, Israil lo timiqo pano kupuqhiyi chekemi kumtsuno pa sheqhe. AMPEU sheqhelo!

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

EZEKEL 40:46

eno ahuu juakeu cheboye akipti-a lo mula akemi achinemi ghenguno kepi. Achinemi kumtsu Zadok launo ikoighikemi; Levi laghamiqo gholo panoqo likhino AMPEU zulo pa mlla keu shipe nikeu shike.

IPEKULU 19:24

AMPEU no khochile pi, “Iqilo eno ogholo Aron saighilo. Achinemi eno timiqoye ilau ikughiniaye alughi katha kepu kumoe, tikumoaye ino panoqo ghimeqhi nanike.”

LESHELE 39:10

Hinguno alau iheqhi akevilo, niye o-usugha lono thiveniye kutovae.

LESHELE 93:5

O AMPEU, oyezah lhokta kuto acheni, eno ochinekiye kuchouno akimtheke, alhokupuju lono alhokupuju kutoloke.