ACHINE 10:11 - BAIBEL (BSI)

¹¹ Nonguye ino Muse vechewo ayezah tsukeu kumtsu pesu Israilmi shikapiye masa.”

Sumi Naga CL (Re-edited) Bible (BSI)

¹¹ eno Ampeu no Moses vecheo Israelmi tsükeu pimheye kümtsü pesü panoqo shikalo.”

ACHINE 10:11 Referans Kwoze

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

MALAKI 2:7

Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

NEHEMIA 8:8

Panonguno Alhou Yezah pano phisuve keu tsauno pekidesu eno hephopiye tishianguno timiqo pelo vethalu peniyeke.

NEHEMIA 8:2

Tighenguno Ezra no tipau pe timiqono kumqoke alo sughi, tile kiptimi, totimi eno ititunu vethakulupu timiqo thaqhu tile ake.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

ZAKINIU 24:8

“Nonguno musachekeu ayiko kusu lono suakelo Levi chinemino nongu vilo kiu pini keno tipatho vejoi shilo; ino panoqo lau akukutsu tsuvekeu papelo.

1 Thes. 4:2

Ampeu Jisu vechewo ighikeu kukutsu ninguno kiu nongu tsukeno tipau nonguno ithi ani.

Apostolmi 20:27

Kughengu Alhou kupughu kumtsu pesu nongu vilo pikulha nikeu lono suchilepe puamoe.

ZAKINIU 33:10

Panonguye onuliqo oYezah gholu penike shika nani: Owu akiptialo panonguno heqhi mllakeu shi nani;

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

YEKIKITHI AKINIU 30:22

Levimino kutsha kughashi puzu AMPEU kumlla hoho peitha keu ghenguno Hezekiya no panoqo akishe tsuke. Atsala tsuni dolo panongu no panoqo puasu Lhou AMPEU sheqhe aghakishi kumllagho shive kethiu,

YEKIKITHI AKINIU 17:9

Panonguno AMPEU wu Ayehza kaku pesu Juda lo taun kumtsulo wu puzu tipau pesu timiqo shikapiye ke.

ZAKINIU 17:10

Panonguno xathatsu nani eno nongu vilo panonguno kiu pini keno tipatho shilo.

ZAKINIU 17:11

Panoqono kughathatsu keu lulo eno shilopikeu apasu shi papelo.

YEKIKITHI AKINIU 15:3

Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.