ACHINE 1:10 - BAIBEL (BSI)

¹⁰ Timi huno pawu bheritsu momu anetsu pesu mlla aye tiye tukutiye kiumu kuhakeu shi masa.

Sumi Naga CL (Re-edited) Bible (BSI)

¹⁰ “Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

ACHINE 1:10 Referans Kwoze

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

MALAKI 1:14

Timi khuuno pa tsu-aqu lojilo lhoxu akivi akeu itsu nikeu shi piqhive puzu lhoxu ame kuhakeu lakhi heqhipe imlla keno pishikiqhiu shou musuinikeu lakhi auvae. Kughengu niye kukami kije lakhi eno shiayeh kumtsulo timino isumsa acheni.”

ACHINE 22:19

Tipau ikhilutsu penike tiye tukutiye kuhakeu lhoxu atsu lakhi shimasa.

ACHINE 4:23

pano axine shivekeu ithive kemtsa mtazu anetsu tukutiye kiumu kuhakeu lakhi pesu akumllagho shinike saghilo.

IPEKULU 12:5

Nonguno bheri na ane pinamu kishe kide luvi ikemu tipauye ampe lakhi atsu tukutiye kuhakeu shi masake.

BOTHUBO 8:20

Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue.

BOTHUBO 4:4

Abel ghi pawu bheri piti tughiu atha kupu peighi. AMPEU no Abel eno pa kumllagho shou amlo kiqishive,

1 Peter 1:19

ikemu bheri tukutiye kuhakeu jih toikeu Khristo jih amekusho pesu nongu xapheluke.

EZEKEL 43:22

Tishiwo thoghiu noye anetsu tukutiye kiumu kuhakeu lakhi lulo eno axine ghenguno aghashi mllakeu shilo. Tipau ji pesu akipti-a shikimthelo tiye nono amshitsu pesu shikeu ghola lono.

ACHINE 3:1

Kughokughomu timi lakhi no pa mishi lakhi pesu kuposhukulu kumllagho mllani keno tiye amshi tsu momu amshiqu tukutiye kumu kuhakeu shilo.

ACHINE 4:3

Achinetouno axine shive no timiqo shou angusu sughive aye pano amshitsu alhothe tukutiye kiumu kuhakeu pesu tsulo eno pa xine ghenguno AMPEU lau tipau heqhipe agha shilo.

ACHINE 5:15

Timi khualano AMPEU lau akimthepu tsukepushi akeu tsupuwuni keu mthave puzu tishimove aye paye lochilekeu kumllagho shinike bheri momu anetsu tukutiye kuhakeu lakhi AMPEU lau sughilo. Tipauye kiu me qhemi shikepu keno achine alo mighi chekeu qhemi lono hulo.

ACHINE 9:2

Pano Aron vilo pi, “Amshitsu alhothe lakhi eno bheritsu tukutiye kuhakeu lakhi pesu AMPEU mllalo, amshitsu no axine kumllagho eno bheritsuno pitikeu kumllagho shilo.

ACHINE 14:10

Atsala akutacheni paye tukutiye kuhakeu bheriti atsu kini eno ampe lakhi shivekeu bheriti alli lakhi sughilo eno tipaqo gholo asho mukhu oliv teli pesu kunuvekeu kilogram lakhi eno oliv teli liter saje kuthulo lakhi ishi pesu ighilo.

ACHINE 16:3

Pano axine kumllagho ghenguno amshitsu alhothe lakhi eno piti kumllagho ghenguno bheritsu lakhi sughi anguno paye Shishe Akimthea lo ilolu nanike.”

ACHINE 16:5

Israilmi aqoahono axine kumllagho ghenguno anetsu kini eno pitikeu kumllagho ghenguno bheritsu lakhi Aron tsulo.

ACHINE 23:12

Tipa tsalalo nonguno athi kumllagho sughilo eno pitikeu kumllagho shikepu shi bheriti atsu ampe lakhi tukutiye kuhakeu ghi pesu aghashilo.

AKIKIHI 6:14

eno tikishi atiche kuha keu kuthusawo AMPEU tsupelo; bheriti atsu pitiwo ampe lakhi shi akeu pesu piti kumllagho shilo eno bheriti ampe lakhi shivekeu pesu axine kumllagho shilo eno bheritsu lakhi kuposhukulu kumllagho shilo.

AKIKIHI 19:2

Amshi ali hughai keu lakhi kiumu atiche kuha keu eno khilemu sasu akumla shimphi keu saghino