2 Tim. 3:1 - BAIBEL (BSI)

¹ Hi ithitoilulo! Ashekhalau tsalaloye shiluksa ghuloki ighi nani.

Sümi Tiqhelimi Bible

¹ Ikemu hipau ithi achelo: Ashekha tsalà lo kümsapu ghuloki anani.

Sumi Naga CL (Re-edited) Bible (BSI)

¹ Ikemu hi vethalu lo, ashekha tsala loye aveküsa ghuloki ighi nani.

2 Tim. 3:1 Referans Kwoze

2 Peter 3:3

Atughishi nonguno hipau ithikututa shimasae, ike ashekha tsalaloye timino alikhi ashi ajino ngosukumla papewuve puzu nongu thaigha nani,

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

1 John 2:18

Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

Jude 1:17

Ikemu nonguye hi kumsuchilelulo, kimiyechekemiqo, ni Mpeu Jisu Khristo wu apostolmino azunatha ghi nongu vilo pivae.

MICAH 4:1

Ashekhalau tsalalo naghuto khi- paulo Achineki ani keno tipauye kumtsu nguno akiqheu shi nani, naghuto kutau kumtsu nguno akuchuquu shi nani. Ashiayeh kutomono tipaulo chokive ighi nani eno timi tipaqono ishi pinani,

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

DANIEL 12:11

Tsalakipe ghiqhino mllachekeu lakhaveke tsala lono, ike ado tipauye, Jukikichipu tsala lono wo atsala 1290 kuto shi nani.

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

DANIEL 12:7

Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

DANIEL 7:8

Ino akiboqo ju akelono akibo aghulo lakhi kutau gholo ipeghi keu ithulu. Tipauno tilehi azuu akibo akeqo gholo kuthu fuchhevetsu. Akibo tipaulo timi nhethi eno akichi lakhi puno tileno aqhekuza tsa pia.

JEREMIYA 48:47

Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

BOTHUBO 49:1

Jakob no panuliqo kupuwuno pi, “Nongu kumtsa kumqolo, nongu ye hithi azuu kiu shive nani kela ino nongu vilo pitsunie:

Jude 1:18

Panonguno nongu vilo pikeuno, “Ashekha tsalaloye nongu jukunathakemi ipeghi nani, panonguye Alhou sumokeu ngosukumla kuxu papewuve nani.”