2 Tim. 1:12 - BAIBEL (BSI)

¹² eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

Sümi Tiqhelimi Bible

¹² I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

Sumi Naga CL (Re-edited) Bible (BSI)

¹² tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:12 Referans Kwoze

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

1 Peter 4:19

Tighenguno khunoqono Alhou pulou lono aghime sholuni keno achipiu mlalo eno panongu kuxu pesu Lhokusuu lau pichebeve pelo.

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

NAHUM 1:7

AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

MATTHEW 24:36

“Ikemu tipa tsala eno tipa tuqhudoye khunomu mthae, kungumi thotsu mthae, anu ghi mthae, ikemu Apuh likhino ithi anie.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

LESHELE 25:2

ILhou, olauno ikupukhu anike, Ighumi pelo iphimo gihumo pekevilo, eno ipelo kujo mzave pekevilo!

2 Tim. 1:18

Tipa tsalani pa pelo kikimiye ithulu penike Ampeu no kumghatsu apeniu! Efesia lo akelo pano ighenguno akumla kivi mlakeu hu noye akivi shi ithianie.

FILIPIAMI 3:21

Pano ningu phimpi hi thivenikuau pesu pa phimpi akimthe jukuvupu kimihi toi kilivetsu nani, tiye pano thwokha pa yehkipe qholo saghilukeu kuka hu peithano shitsu nani.

LESHELE 9:10

Eno khunono oje ithiani keno tipa qoye oshou pukhube cheni, kughengu khunono ophuju cheni keno noye tipaqo pheve chemo.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

2 Tim. 2:9

Highenguno niye heqhi-buqhichekemi lakhi toi aghime shiani eno ayikichheno tshupe anie. Ikemu Alhou tsaye ayikichhe pe tshuve mlae,

FILIPIAMI 3:10

Ino pulo chekeuye Khristo ithini pa xuputhuvekeu kuka ithi, pa ghimeqo kusaje eno pa kithi gholono pa kimihi shiwuniyeke,

FILIPIAMI 3:8

Tike kumo puzu, Khristo Jisu ye iMpeu ipi ino ithilukeu huno amekushou shikelauno kutau thwokha adou kepi ino kihivae. Ikemu pa ghenguno thime kumtsu phevae eno tipaqoye xinexigha kepi kihivae tishianguno niye Khristo pesu isaxu shilunikehu

1 Kor. 3:13

Timi lakhikhi kumla asachu kemokeno piyeni aphi, tiye Khristo ipeghikeu Tsalanino tipau pephepiye nani, kughengu tipa Tsalaniye ami gholono ipeghi nani eno milakhi khino kiutoikeu kumla mla puaghi nikeno asachu kemokeno amino ghu puzu kimchitsu nani.

John 17:15

Niye ovilo ayeghiqha lono panoqo ikhipewuve tsulo pi inikhu amoe, ikemu Alhoksau launo nono panoqo khetsulopi ani.

MATTHEW 12:21

Eno Ashiayeh jeliqono pa lau lakujupu anani.”

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

LESHELE 31:5

Oulo ighungu kulhoqhi ani, nono ixapheluve nani, O AMPEU, noye pukhukulupu Lhou ke.

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

1 Peter 4:16

Tishimu nonguno Khristomi lakhike ghenguno aghime sholukepu shive napiaye tipaulo kujomuzakepu kumoe, ikemu Khristo je lono Alhou shikimthilo.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 2:18

Kughengu pa ampino aghime shijuvae eno ghukuju sholuve akehu, paye ghukuju sholukemiqo kuphulu kepushi anike.

1 Thes. 2:16

Kughengu Judakumomi vilo atsakiviu pikulha puzu xakulupu shinikeulo panonguno ningu lakhake. Hipau shikeu lono panongu xine kumtsu shikupu nike pulhapuju hitoi shi achenike. Ikemu ashekhalo Alhou loghu panongu shou ikughivae.

FILIPIAMI 1:20

Kughengu ino khekulhoshi kumsupu eno laju achekeu ye ino shikepushi akeu tomoveno kujovemo niyeke, ikemu pulhapuju shicheketoi, eno akhotoshi itehighi niye amlo kumtono chhitoi shino, thikepu shina xukepu shinamu iphimpi hipau lono Khristo jekipipu shitsu nani.

Apostolmi 21:13

Ikemu Paul no ishi ningu khochile, “Nonguye kiu shiepi hitoi shi puzu imlo shikighimetsu kya? Kughengu niye Ampeu Jisu je ghenguno Jerusalem lo akughushi ke likhi kumono thive nikeu kutolo khe anie.”

Apostolmi 13:50

Ikemu Judami no aphughilo sakiphemi ngo totimi aqo-aholo sapheghi Alhou mlla chekeqo xukuthoe. Panonguno Paul ngo Barnaba pama shou shikighime nikeu xukutho eno tipa qha lono pama hapupove.

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Apostolmi 9:16

Ighenguno paye kishi ime mayesakeno kumtsu ni ampino pa piye nani.”

Apostolmi 7:59

Panonguno atu pesu Stifan veqhi akelo, paye Ampeu vilo ishi pia, “Ampeu Jisu, ikuxu ikhilutsulo.”

John 6:44

IPuh ipuwu puakeuno ilau pa sunhesaghi moke loye khumu ilau ighimlae; eno ashekha tsalani ino pa xuputhuve nani.

Luke 23:46

Jisu no ighono ighae, “Ipuo! o-ulo ighungu kulhuqhi vetsuae.” Pano hi pieno pa kuxu sutha huve.

ISAIAH 50:7

Ikemu panonguno ithaighakeuye ighuza mla kughengu AMPEU Alhou no ikuphuke. Tighenguno niye agi teqhiteleyi tipaqo kutuu kutu-o luke.

LESHELE 56:9

Khipa tsala lono ino ovilo pinikeno ighumiye athiu idewove nani. Ino hi ithiani ike Alhou ye ikudau anie.

1 Thes. 5:4

Ikemu athikuzumiqo nonguye akuzulo amoe eno Atsala huye kupukami toi nongu kichiqhi ighi pekepu kumoe.

Luke 10:12

Ino nongu vilo piani, atsakukugha tsalalo tipau phughi nguno Sodom noghami lau Alhou no kimiyeqhiyi keu alau piye nani.

MATTHEW 7:22

Kughou tipa Tsala ighini keno timi kutomono ivilo ishi pinani, ‘Ampeu! Ampeu! ninguye oje lono Alhou no pilo pikeu piche, oje lono tughami kutomo hapheche eno oje lono akumzapu kumla kutomo shicheke kumokesha!’

1 Kor. 1:8

Pano ashekha kutolo nongu pelo mutotoi penani, tishianguno ningu Mipeu Jisu Khristo Tsala ighikelo nonguye kuqu mono aghi penani.

2 Tim. 1:14

Aghungu Kimthe nilolo achekeu huno aghokivi opichebe puatsukeu hu jukutolo.

2 Tim. 1:16

Ampeu no Onesifora no kibolomi kimiyeqhiyi tsupeniu, kughengu ghuthu kutomolo pano ilopivitsu cheke. Paye ino akughu yikichhelo akeu jupesu kujo-mzamoe;

Titus 3:8

Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.